ដោយៈ សិរី ពិសិដ្ឋ
ក្រុមអ្នកស្រាវជ្រាវសុខភាពបានបង្ហាញថា អ្នកបរិភោគអាហារគ្មានជីវជាតិអាចធ្វើឱ្យខ្លួនរបស់ពួកគេឆាប់ចាស់ ដូចជា កោសិកាមិនសូវរីកលូតលាស់ ស្បែកជ្រីវជ្រួញ ជ្រុះសក់ ជាដើម ពោលគឺឆាប់ចាស់ជាងវ័យនិងឆាប់ចាស់ជាងអ្នកដែលបរិភោគអាហារសំបូរជីវជាតិ។
ការបរិភោគអាហារសំបូរជីវជាតិ វានឹងនាំទៅបំពេញឱ្យសរីរាង្គផ្សេងៗ តាមតួនាទីរបស់វាដែលធ្វើឱ្យរាងកាយរបស់លោកអ្នកលូតលាស់បានល្អ ពោលគឺពពួកជីវជាតិទាំងនោះនឹងចិញ្ចឹម កោសិកាឱ្យនៅតែមានភាវរស់ ដូច្នេះហើយទើបធ្វើឱ្យអ្នកទាំងនោះក្មេងជាងវ័យ ឬរក្សាភាពក្មេងមិនងាយចាស់ ។
យោងតាមការសិក្សាមួយរបស់ក្រុមអ្នកស្រាវជ្រាវបានរកឃើញថា អ្នកដែលមិនសូវមានលទ្ធភាពទិញអាហារមានជីវជាតិបរិភោគត្រូវបន្ថយប្រវែង telomeres ៧.៧% ប៉ុន្តែចំពោះអ្នកដែលមានចំណូលច្រើនគួរសម ត្រូវបន្ថយ telomeres ប្រវែងតែ០.៦ % រីឯអ្នកដែលក្រីក្រមិនមានលទ្ធភាពបរិភោគអាហារសំបូរជីវជាតិនោះ គឺត្រូវបន្ថយប្រវែង ៨.៧ % និង អ្នកបរិភោគជីវជាតិតិចតួចត្រូវបន្ថយ telomeres ២.២ % ។
Telomeres គឺជាទ្រង់ទ្រាយដែលមានរាងដូចគម្របដែលនៅចុងកន្ទុយក្រូម៉ូសូម។ ការស្រាវជ្រាវមុន បានបង្ហាញថា អ្នកដែលមាន telomeres ខ្លីជាងធម្មតា មានអាយុខ្លីជាងមនុស្សធម្មតា។
ចែករំលែកព័តមាននេះ