ពួកអ្នកជំនាញការបានព្រមានថា បុរសចិនជាច្រើនលាននាក់ដែលមានអាយុគ្រប់រៀបការនឹងស្ថិតនៅលីវរហូតដល់ឆ្នាំ២០២០ មកពីការបាត់លំនឹងរវាងភេទ ដែលនិន្នាការនោះនឹងមានបញ្ហាចោទលើស្ថិរភាពសង្គម ។ យោងតាមតួលេខរបស់ការិយាល័យស្ថិតិរដ្ឋចិនឱ្យដឹងថា ក្មេងប្រុសដែលមានអាយុក្រោម១៩ឆ្នាំមាន២៣,៧៧លាននាក់ច្រើន
ពួកអ្នកជំនាញការបានព្រមានថា បុរសចិនជាច្រើនលាននាក់ដែលមានអាយុគ្រប់រៀបការនឹងស្ថិតនៅលីវរហូតដល់ឆ្នាំ២០២០ មកពីការបាត់លំនឹងរវាងភេទ ដែលនិន្នាការនោះនឹងមានបញ្ហាចោទលើស្ថិរភាពសង្គម ។ យោងតាមតួលេខរបស់ការិយាល័យស្ថិតិរដ្ឋចិនឱ្យដឹងថា ក្មេងប្រុសដែលមានអាយុក្រោម១៩ឆ្នាំមាន២៣,៧៧លាននាក់ច្រើនជាងក្មេងស្រីដែលមានអាយុស្របាលគ្នាដែលពិតណាស់ នាំឱ្យគេសន្និដ្ឋានបានថា បុរសចិនជាង១០លាននាក់នឹងស្ទើរតែពុំអាចរកប្រពន្ធបាន ។
លោក ZHAI ZHENWU ព្រឹទ្ធបុរសនៃសាលាសង្គមវិទ្យា និងសិក្សាប្រជាជននៃសាកលវិទ្យាល័យប្រជាជនចិនដកស្រង់សម្តីកាលពីថ្ងៃទី១៧ សីហា ដោយកាសែតប្រជាជនចិនគូសបញ្ជាក់ថា បុរសនៅលីវទាំងឡាយដែលរស់នៅក្នុងទីក្រុងបានចេញស្វះស្វែងរកប្រពន្ធនៅតាមទីជនបទ ។ ប្រកាសនេះនឹងញ៉ាំងឱ្យប្រជាជនក្រីក្រកាន់តែរងគ្រោះថែមទៀតដោយសារការបាត់លំនឹងរវាងភេទដែលប្រការនេះពួកគេនឹងគ្មានជម្រើសក្រៅពីការដើរលេងស្រីរកស៊ីផ្លូវភេទ ឬការចាប់បង្ខំរៀបការដែលបណ្តានារីត្រូវលក់ឱ្យបុរសហើយបង្ខំរៀបការ ។ លោកបន្តថា សកម្មភាព ខុសច្បាប់ទាំងនេះ គឺជាការគំរាមកំហែងចំពោះគូស្នេហ៍ដែលរៀបការ និងបណ្តាគ្រួសារព្រមទាំងធ្វើឱ្យប៉ះពាល់ដល់ស្ថិរភាពសង្គម។
អត្រាកំណើតនៅចិនគឺក្មេងប្រុស១១១,០៨ សម្រាប់ក្មេងស្រី១០០ក្នុងឆ្នាំ២០១០ គឺខ្ពស់ជាងបទដ្ឋានប្រជាសាស្ត្រ ។ ការស្តារលំនឹងរវាងភេទនៅចិន គឺប្រទេសនេះបានប្រកាន់យកគំនិតក្មេងស្រីម្នាក់ទល់នឹងក្មេងប្រុសម្នាក់ហើយបង្កើនការខិតខំប្រឹងប្រែងតស៊ូប្រឆាំងការសម្រាំងរំលូតកូនទុកកូនប្រុសយកកូនស្រីចេញ ៕
ចែករំលែកព័តមាននេះ