ថ្លើមមានតួនាទីដូចជារោងចក្រគីមីមួយនៅក្នុងរាងកាយរបស់យើង។ វាដើរតួរយ៉ាងសំខាន់មិនត្រឹមតែក្នុងការផ្តល់ប្រូតេអីុន គ្លីកូហ្សែន និងលីពីត ស៊ីនដឺស៊ីស និងការរំលាយអាហារក្នុងរាងកាយប៉ុណ្ណោះទេ ប៉ុន្តែវាថែមទាំងមានតួនាទីបន្សាបជាតិពុល និងបង្កើតគីមីសរីរាង្គសំខាន់ៗសម្រាប់ការឃាត់ឈាមផងដែរ។
ថ្លើមមានតួនាទីដូចជារោងចក្រគីមីមួយនៅក្នុងរាងកាយរបស់យើង។ វាដើរតួរយ៉ាងសំខាន់មិនត្រឹមតែក្នុងការផ្តល់ប្រូតេអីុន គ្លីកូហ្សែន និងលីពីត ស៊ីនដឺស៊ីស និងការរំលាយអាហារក្នុងរាងកាយប៉ុណ្ណោះទេ ប៉ុន្តែវាថែមទាំងមានតួនាទីបន្សាបជាតិពុល និងបង្កើតគីមីសរីរាង្គសំខាន់ៗសម្រាប់ការឃាត់ឈាមផងដែរ។ ប្រសិនបើថ្លើមមានជំងឺមុខងាររបស់វានឹងដំណើរការមិនប្រក្រតី។ រាងកាយរបស់យើងនឹងទន់ខ្សោយក្នុងការឃាត់ឈាម ហើយការរំលាយអាហារក្នុងរាងកាយអាចឈានទៅរកការបាត់បង់ឈាមជាបន្តបន្ទាប់ បាត់បង់ស្មារតី និងអាចរហូតដល់បាត់បង់ជីវិត។ ចំពោះស្រ្តីមានផ្ទៃពោះដែលមានជំងឺថ្លើមធ្ងន់ធ្ងរ ឬជំងឺថ្លើមពីកំណើត ក្នុងពេលសម្រាលបុត្រសុខភាព និងអាយុជីវិតរបស់គាត់ គឺមានការប្រឈមមុខខ្ពស់។ នៅក្នុងខែមីនា ឆ្នាំ២០១១ មន្ទីរពេទ្យ FV បានជួយសង្គ្រោះជីវិតស្រ្តីមានផ្ទៃពោះចំនួនពីរនាក់ដែលមានជំងឺថ្លើម។
ការវះកាត់ទាន់ពេល គឺជាការជួយសង្គ្រោះអាយុជីវិតទាំងមាតា និងទារកអ្នកជំងឺដំបូងបង្អស់ គឺជាស្ត្រីកម្ពុជាដែលមាននាមត្រកូលឃីង។ គាត់ធ្លាប់មានបទពិសោធន៍ក្នុងការសម្រាលបុត្រដោយការវះកាត់ម្តងរួចមកហើយ ក្នុងឆាកជីវិតរបស់គាត់។ អ្នកស្រី ឃីង បានបញ្ជូនមកកាន់មន្ទីរពេទ្យនៅពេលមានគ័ររហូតដល់សប្តាហ៍ទី៣៣ ។ ស្បែក និងកែវភ្នែករបស់គាត់ឡើងពណ៌លឿងដែលជារោគសញ្ញាទូទៅនៃជំងឺថ្លើមកម្រិតធ្ងន់ ដោយសារផលប៉ះពាល់នៃការប្រើឱសថសម្រាប់ព្យាបាលរោគរបេង។ បន្ថែមលើនេះ អ្នកស្រី ឃីង ធ្លាប់បានធ្វើរោគវិនិច្ឆ័យជាមួយទារកក្នុងស្បូនផងដែរ ហេតុដូច្នេះអាចរងផលប៉ះពាល់ពីការហូរឈាមច្រើនគ្រប់ពេល។
ផ្នែកសម្រាលដោយការវះកាត់ត្រូវបានស្នើសុំ និងគួរអនុវត្តឲ្យបានឆាប់រហ័សបំផុត។ តែទោះជាយ៉ាងណា ក្នុងលក្ខខណ្ឌដែលថ្លើមរបស់គាត់ខ្សោយដែលបង្កប្រព័ន្ធឃាត់ឈាមដំណើរការខុសប្រក្រតី ដូច្នេះការវះកាត់អាចជាជម្រើសមួយដ៏គ្រោះថ្នាក់។
ការប្រឹក្សាយោបល់ដ៏ច្បាស់លាស់ត្រូវបានធ្វើឡើងបន្ទាន់ ដោយមានការចូលរួមពីក្រុម វេជ្ជបណ្ឌិតផ្នែកសម្ភពផ្នែកក្រពះពោះវៀន ផ្នែកថ្នាំស្ពឹក ផ្នែកសុខភាពទារក និងផ្នែកវេជ្ជសាស្ត្រប្រចាំនៅមន្ទីរពេទ្យ។ បន្ទាប់ពីការសម្រចចិត្តយ៉ាងយកចិត្តទុកដាក់ទៅលើជម្រើសជាច្រើន ក្រុមវេជ្ជបណ្ឌិតបានសម្រេចផ្តល់ការវះកាត់ដល់អ្នកស្រី ឃីង ជាមួយការត្រៀមឧបករណ៍ពេទ្យទំនើបៗគ្រប់គ្រាន់បំផុតរាប់ចាប់តាំងពីការជួយសង្គ្រោះបន្ទាន់ ម៉ាស៊ីនលាងថ្លើម ឱសថ និងជំនួយការវេជ្ជបណ្ឌិត។ អ្នកបកប្រែជនជាតិខ្មែរ ក៏ត្រូវបានអនុញ្ញាតឲ្យចូលរួមជាមួយក្រុមវេជ្ជបណ្ឌិតផងដែរ ដើម្បីផ្តល់ការពន្យល់ និងព័ត៌មានច្បាស់លាស់ដល់អ្នកជំងឺ និងក្រុមគ្រួសាររបស់គាត់។
បន្ទាប់មកអព្ភូតហេតុក៏បានកើតឡើង។ ផ្នែកវះកាត់បានឆ្លងផុតដោយជោគជ័យទទួល បាននូវភាពរីករាយ សុវត្ថិភាព និងសុខភាពល្អទាំងមាតា និងទារក។ ការបាត់បង់ឈាមធ្ងន់ធ្ងរមិនបានកើតឡើងឡើយចំពោះមាតា។ ហើយទារកក៏ត្រូវបានបញ្ជូនទៅកាន់ផ្នែកថែរក្សាទារកភ្លាមៗ ដើម្បីមើលថែយ៉ាងយកចិត្តទុកដាក់ផងដែរ។ អ្នកស្រី ឃីង បានបន្តការព្យាបាលថ្លើម និងទទួលបានការសង្គ្រោះយ៉ាងល្អបំផុត។
ការសម្រាលបុត្រដ៏គួរឲ្យស្មុគស្មាញបំផុតមួយសម្រាប់មាតាកើតជំងឺថ្លើមធ្ងន់ធ្ងរថ្មីៗបន្ទាប់ពីដំណោះស្រាយយ៉ាងជោគជ័យចំពោះករណីដ៏ស្មុគស្មាញរបស់អ្នកស្រី ឃីង ក្នុងវេលាព្រឹកផ្នែកសម្ភពនៃមន្ទីរពេទ្យ FV ក៏ទទួលបានករណីពិសេសមួយផ្សេងទៀត នៅពេលរសៀល។ អ្នកស្រី V.T.N អាយុ៣៣ឆ្នាំ ជនជាតិវៀតណាម ធ្លាប់ទទួលការសម្រាលដោយការវះកាត់ម្តងរួចមកហើយ។ លទ្ធផលនៃការពិនិត្យសុខភាពមុនពេលសម្រាលបុត្រក្នុងរយៈពេលមានគភ៌ គឺគ្រប់យ៉ាងធម្មតា។
ពីមុនមកលទ្ធផលតាមដានស្មារតីរបស់គាត់នៅថ្ងៃទី១៦ ខែមីនា បង្ហាញថា មិនមានអ្វីខុសប្រក្រតីឡើយ។ ប៉ុន្តែនៅពេលគាត់បញ្ជូនមកកាន់មន្ទីរពេទ្យដើម្បីសម្រាលវេជ្ជបណ្ឌិត Nguyen Thị Lam Giang ជាអ្នកជំនាញនៅមន្ទីរពេទ្យ FV បានរកឃើញថា កម្រិតឈាមរបស់គាត់មានការចុះទាបយ៉ាងខ្លាំង និងជីពចរយឺតជាងធម្មតា។ វេជ្ជបណ្ឌិត Giang ក៏សម្រេចយកឈាមទៅពិនិត្យនៅពេលឃើញស្បែករបស់គាត់ឡើងពណ៌លឿង។ លទ្ធផលនៃការពិនិត្យឈាមបង្ហាញថា អ្នកស្រី V.T.N ប្រព័ន្ធឃាត់ឈាមដំណើរការប្រក្រតី ហើយអង់ស៊ីមរបស់ថ្លើមនៅត្រឹម (1000 mmol/l) ខណៈដែលថ្លើមធម្មតាមានកម្រិតអង់ស៊ីមយ៉ាងហោចណាស់លើសនេះរាប់សិបដង។
វេជ្ជបណ្ឌិត Hieu រំលឹកឡើងវិញថា «អ្នកស្រី V.T.N រងឥទ្ធិពលពីជំងឺថ្លើមធ្ងន់ធ្ងរក្នុងអំឡុងពេលមានគភ៌ ដែលជាធម្មតាកើតឡើងចំពោះស្ត្រីមានគភ៌នៅខែចុងក្រោយមុនពេលសម្រាល។ ការសម្រាលបុត្រនៅក្នុងករណីនេះ គឺជួបឧបសគ្គបំផុត។ ជំងឺថ្លើមធ្ងន់ធ្ងររបស់គាត់បង្កឲ្យខ្សោយក្រលៀន និងប្រព័ន្ធឃាត់ឈាមចុះខ្សោយដែលធ្វើឲ្យករណីនេះកាន់តែធ្ងន់ធ្ងរ ហើយគាត់អាចប្រឈមមុខនឹងការបាត់បង់ជីវិតគ្រប់ពេល»។
បន្ទាប់ពីការប្រឹក្សាយោបល់ច្បាស់លាស់ត្រូវបានធ្វើឡើងបន្ទាន់រួចមកវេជ្ជបណ្ឌិត Giang និង Hieu បានសម្រេចបញ្ចូលគ្រាប់ឈាមកកឲ្យគាត់ ដើម្បីជួយសម្រួលដល់ការសម្រាលតាមធម្មជាតិ ប៉ុន្តែផ្នែកវះកាត់ក៏ត្រូវបានត្រៀមទុកផងដែរ ដើម្បីជួយបន្ទាន់ក្នុងករណីចាំបាច់។ វេជ្ជបណ្ឌិត Hieu បានមានប្រសាសន៍ប្រកបដោយភាពរីករាយថា «យើងសម្រេចជួយគាត់ឲ្យសម្រាលបុត្រតាមធម្មជាតិ ព្រោះយើងឃើញគាត់នៅមានកម្លាំងល្អនៅឡើយ ការវះកាត់ចុងក្រោយមិនបង្កឲ្យមានការឈឺចាប់ ទើបមាត់ស្បូនក៏ចាប់បើកយ៉ាងឆាប់រហ័ស ហើយក្បាលទារកក៏ធ្លាក់ចុះទាបផងដែរ។ បន្ទាប់ពីការខិតខំប្រឹងប្រែងមួយ ខណៈពេលមកទារកដ៏មានសុខភាពល្អទម្ងន់៤.០៤៥ក្រាម បានប្រសូតដោយសុវត្ថិភាព។ ហេតុដូច្នេះការបញ្ចូលគ្រាប់ឈាមកកឲ្យគាត់ ដើម្បីជួយឃាត់ឈាមការពារមិនឲ្យគ្រោះថ្នាក់ដល់ជីវិត»។
បន្ទាប់ពីការសម្រាលបុត្របានពីរថ្ងៃ អ្នកស្រី V.T.N បានទទួលវេជ្ជបញ្ជាឲ្យប្រើឱសថជំនួយដល់មុខងាររបស់ថ្លើម។ អង់ស៊ីមថ្លើមរបស់គាត់បានធ្លាក់ចុះបន្ទាប់ពីការសម្រាលដែលបង្កដោយជំងឺថ្លើមក្នុងពេលមានគភ៌។ អ្នកស្រី V.T.N និងបុត្ររបស់គាត់ទទួលបាននូវភាពរីករាយ បន្ទាប់ពីសម្រាកក្នុងមន្ទីរពេទ្យបានបួនថ្ងៃ។
វេជ្ជបណ្ឌិត Hieu បានធ្វើការវាយតម្លៃជាចុងក្រោយថា «សូមអរគុណដល់កិច្ចសហការដ៏ល្អរវាងផ្នែកទាំងបីដូចជា ផ្នែកសម្ភព និងទារក ផ្នែកថ្នាំស្ពឹក ផ្នែកក្រពះ ពោះវៀន និងថ្លើមដែលបានជួយដល់ស្ត្រីមានផ្ទៃពោះទាំងពីររូបដែលមានជំងឺថ្លើមឲ្យសម្រាលបុត្រដោយជោគជ័យ និងមានសុខភាពល្អបន្ទាប់ពីការសម្រាលបុត្រ»។
យោងទៅតាមវេជ្ជបណ្ឌិត Nguyen Ngoc Son ប្រធានដឹកនាំផ្នែកក្រពះពោះវៀន និងថ្លើមនៃមន្ទីរពេទ្យ FV បានឲ្យដឹងថា ការប្រែប្រួលរបស់ថ្លើមចំពោះស្ត្រីមានផ្ទៃពោះអាចខុសគ្នា និងកើតមានជាធម្មតានៅអំឡុងពេលបីខែចុងក្រោយមុនពេលសម្រាល។ ស្ត្រីមានផ្ទៃពោះដែលអាចទទួលរងផលប៉ះពាល់ពីជំងឺថ្លើមមានរោគសញ្ញាដូចជា ស្បែកឡើងលឿងចង់ស្ទះទឹកប្រមាត់ ខ្វះឈាម ។ល។ ប្រព័ន្ធឃាត់ឈាមមិនប្រក្រតីក្នុងពេលសម្រាលបុត្រអាចគំរាមកំហែងដល់អាយុជីវិតទាំងមាតា និងទារក។ នៅក្នុងករណីធ្ងន់ធ្ងរមួយចំនួនស្ត្រីទាំងនោះត្រូវបានណែនាំឲ្យយកបុត្រចេញ ដើម្បីជួយសង្គ្រោះអាយុជីវិតមាតា។ ដូច្នេះអ្នកជំងឺថ្លើមប្រភេទ B ប្រភេទ C ។ល។ មុនពេលមានគភ៌គួរតែអញ្ជើញមកជួបអ្នកជំនាញផ្នែកក្រពះពោះវៀន និងថ្លើម ដើម្បីតាមដានបញ្ហាថ្លើមរបស់គាត់ជាមុនសិន។
ចំពោះករណីជំងឺថ្លើមកើតមានក្នុងអំឡុងពេលមានគភ៌ គឺជាករណីកម្រមួយ ប៉ុន្តែបើកើតមាន វាពិតជាប្រឈមមុខនឹងគ្រោះថ្នាក់ខ្ពស់ទាំងមាតា និងទារក ព្រោះពិបាករករោគសញ្ញាឃើញភ្លាមៗណាស់ ហើយវារីករាលដាលឆាប់រហ័សបំផុត។ ដូច្នេះយើងខ្ញុំសូមផ្តាំផ្ញើដល់ស្ត្រីគ្រប់រូបដែលមានគភ៌ ប្រសិនបើសង្កេតឃើញរោគសញ្ញាខុសពីធម្មតាត្រូវប្រញាប់មកពិនិត្យអង់ស៊ីមថ្លើម ដើម្បីរករោគសញ្ញានៃជំងឺថ្លើមជាបន្ទាន់៕
ចែករំលែកព័តមាននេះ