តាមប្រភពពី AFP ចេញផ្សាយកាលពីថ្ងៃទី១៣ សីហា បានឱ្យដឹងថា ក្រុមហ៊ុនអាកាសចរណ៍ Cathay Pacific បានចាប់ខ្លួនបុគ្គលិកចំនួនពីរនាក់ដោយផ្អែកលើរូបថតបានបង្ហោះតាមប្រព័ន្ធអ៊ីនធើណែតជាច្រើនសន្លឹក ដែលបង្ហាញពីសកម្មភាពឱរ៉ាល់សិចក្នុងបន្ទប់អ្នកបើកយន្តហោះ ។ កាលពីសប្តាហ៍មុន ក្រុមហ៊ុនដឹកជញ្ជូនតាមផ្លូវអាកាស
តាមប្រភពពី AFP ចេញផ្សាយកាលពីថ្ងៃទី១៣ សីហា បានឱ្យដឹងថា ក្រុមហ៊ុនអាកាសចរណ៍ Cathay Pacific បានចាប់ខ្លួនបុគ្គលិកចំនួនពីរនាក់ដោយផ្អែកលើរូបថតបានបង្ហោះតាមប្រព័ន្ធអ៊ីនធើណែតជាច្រើនសន្លឹក ដែលបង្ហាញពីសកម្មភាពឱរ៉ាល់សិចក្នុងបន្ទប់អ្នកបើកយន្តហោះ ។ កាលពីសប្តាហ៍មុន ក្រុមហ៊ុនដឹកជញ្ជូនតាមផ្លូវអាកាសនៅទីក្រុងហុងកុងបានបើកការស៊ើបអង្កេតមួយជុំវិញករណីលេចធ្លាយនូវរូបថតជាច្រើនសន្លឹករបស់ស្ត្រីម្នាក់ក្នុងសំលៀកបំពាក់ពណ៌ក្រហមស្រដៀងទៅនឹងឯកសណ្ឋានរបស់អ្នកបម្រើតាមយន្តហោះរបស់ក្រុមហ៊ុនអាកាសចរណ៍ Cathay ដែលបានប្រព្រឹត្តឱរ៉ាល់សិចជាមួយបុរសម្នាក់នៅក្នុងបន្ទប់បើកយន្តហោះ និងផ្អែកតាមរបាយការណ៍ត្រូវបានគេដឹងថា បុរសនោះជាមិត្តប្រុសរបស់នាង។
លោក John Slosar ប្រធានផ្នែកប្រតិបត្តិរបស់ក្រុមហ៊ុន Cathay បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រ សប្តាហ៍កន្លងមកថា សមាជិកក្រុមអ្នកបើកយន្តរបស់ពួកគេចំនួន២រូបដែលបានឃើញនៅក្នុងរូបថត ចេញផ្សាយជាសាធារណៈនៅតាមបណ្តាញសារព័ត៌មានក្នុងស្រុកកាលពីពេលថ្មីៗនេះ គឺមិនធ្វើជាបុគ្គលិករបស់ក្រុមហ៊ុន Cathay Pacific តទៅទៀតបានឡើយ។ លោកបានបន្តថា មនុស្សជាច្រើនរងការអាម៉ាស់ដោយសារឧប្បត្តិហេតុនៅក្នុងបន្ទប់បើកយន្តហោះ ដែលបង្កឡើងដោយអ្នកបម្រើរបស់ពួកគេ។
គេមិនទាន់ច្បាស់ថា តើបុគ្គលិកមួយគូនោះ ត្រូវគេបណ្តេញ ឬលាលែងពីការងារដោយស្ម័គ្រចិត្ត ខណៈពេលភ្នាក់ងារស៊ើបអង្កេតផ្នែកដឹកជញ្ជូនតាមផ្លូវអាកាសពុំបាននិយាយបញ្ជាក់ឱ្យបានពិស្តារ ។ ស្របពេលជាមួយគ្នានោះដែរ ប្រព័ន្ធដឹកជញ្ជូនតាមផ្លូវអាកាសបានបដិសេធមិននិយាយផងដែរថា តើឧប្បត្តិហេតុដែលកើតឡើងនោះនៅក្នុងបន្ទប់បើកយន្តហោះឬយ៉ាងណាទេ ប៉ុន្តែគ្រាន់តែឱ្យដឹងថា ការស៊ើបអង្កេតពុំបានរកឃើញនូវភស្តុតាងដើម្បីបញ្ជាក់ថា សកម្មភាពនោះវាកើតឡើងនៅជើងហោះហើរណាមួយ ខណៈពេលកំពុងហោះហើរ ។
តាមប្រពភពព័ត៌មានពីកាសែតក្នុងស្រុកមួយបានឱ្យដឹងថា បុរសដែលពុំទាន់បានកំណត់អត្តសញ្ញាណនោះ គឺជាអ្នកបើកយន្តហោះ ប៉ុន្តែមិនបានពាក់ឯកសណ្ឋានរបស់ក្រុមហ៊ុន Cathay ទេ ហើយរូបថតទាំងនោះត្រូវបានគេលួចពីកុំព្យូទ័រផ្ទាល់ខ្លួនរបស់គាត់ ។ លោក Slosar បានបន្ថែមថា អាកប្បកិរិយាទាំងនេះបានធ្វើឱ្យស្អុយកេរ្តិ៍ឈ្មោះក្រុមហ៊ុនរបស់លោក ព្រមទាំងក្រុមសមាជិកទាំងអស់មិនអាចទទួលយកបាននូវទង្វើអសីលធម៌របស់បុគ្គលពីររូបនេះទេ ហើយក្រុមហ៊ុនបានបញ្ជូនលទ្ធផលនៃការស៊ើបអង្កេតទៅអាជ្ញាធរអាកាសចរណ៍ក្រុង ដើម្បីចាត់ការតាមនីតិវិធី ៕
ចែករំលែកព័តមាននេះ