បច្ចុប្បន្នមនុស្សទូទៅនិយមប្រើប្រាស់ទូរស័ព្ទចល័ត ឯទូរស័ព្ទលើតុមិនសូវមានការពេញនិយមប៉ុន្មានទេ ។ ខាងក្រោមនេះ គឺជាការបញ្ជាក់ពីអត្តចរិតមួយចំនួនរបស់អ្នកនិយាយទូរស័ព្ទលើ តុស្របតាមឥរិយាបថរបស់គេ។ *ការប្រើដៃទាំងសងខាងក្តោបទូរស័ព្ទ ៖
បច្ចុប្បន្នមនុស្សទូទៅនិយមប្រើប្រាស់ទូរស័ព្ទចល័ត ឯទូរស័ព្ទលើតុមិនសូវមានការពេញនិយមប៉ុន្មានទេ ។ ខាងក្រោមនេះ គឺជាការបញ្ជាក់ពីអត្តចរិតមួយចំនួនរបស់អ្នកនិយាយទូរស័ព្ទលើតុស្របតាមឥរិយាបថរបស់គេ។
*ការប្រើដៃទាំងសងខាងក្តោបទូរស័ព្ទ ៖ ជាប្រភេទមនុស្សពូកែខាងង៉ក់ងរ និងគិតតែ ប្រយោជន៍ផ្ទាល់ខ្លួន ត្រូវការឱ្យអ្នកផ្សេងស្រឡាញ់ និងយកចិត្តទុកដាក់លើខ្លួន ។ បើស្រឡាញ់អ្នកណាម្នាក់ហើយមិនងាយដកចិត្តវិញឡើយ ប៉ុន្តែជាមនុស្សមិនសូវប្រាកដប្រជាក្នុងចិត្ត និងមិនហ៊ានសម្រេចចិត្តលើបញ្ហាណាមួយដោយខ្លួនឯង ។
*និយមនិយាយទូរស័ព្ទដាក់នៅឆ្ងាយពីត្រចៀក ៖ អាការបែបនេះបង្ហាញថា ជាមនុស្សចេះសម្របតាមសង្គម ជឿជាក់លើខ្លួនឯង ឧស្សាហ៍ព្យាយាម ឈា្លសវៃ និងហ៊ានចេញមុខដោះស្រាយ ។ ជាមនុស្សហ៊ានពុះពារគ្រប់ឧបសគ្គ ប្រសិនជាស្ត្រីគឺជាអ្នកមានមន្តស្នេហ៍ មានចរិតកាចឆ្នាស់ បើស្រឡាញ់អ្នកណាម្នាក់តែងតែធ្វើការលះបង់ខ្លួនសម្រាប់គូស្នេហ៍ ។
*ដៃម្ខាងកាន់ខ្សែទូរស័ព្ទលេង ៖ ជាមនុស្សពូកែស្រមៃ ប្រច័ណ្ឌខុសរឿង និងពូកែខាងនិយាយស្តី ចូលចិត្តចង់ដឹងរឿងរ៉ាវរបស់គេ ។
*និយមកាន់ផ្នែកខាងក្រោមទូរស័ព្ទ ៖ ឥរិយាបថខាងលើបង្ហាញថា ជាមនុស្សមានថាមពលក្នុងខ្លួនខ្ពស់ និយាយទៀងត្រង់ ចូលចិត្តការសប្បាយរីករាយ និងស្រឡាញ់សេរីភាព មិនចូលចិត្តមានអ្នកផ្សេងមកឆាឆៅ ។
*ចូលចិត្តកាន់ទូរស័ព្ទនៅផ្នែកខាងលើ ៖ ជាអ្នកដែលមានអារម្មណ៍ប្រែប្រួល ឆាប់ខឹងឆេវឆាវ និងមាត់ដាច ប៉ុន្តែចូលចិត្តរណេបរណបអ្នកផ្សេង ៕
ចែករំលែកព័តមាននេះ