ដោយដកស្រង់ប្រភពទីភ្នាក់ងារស្រាវជ្រាវរបស់មន្ទីរប៉ង់តាហ្គោន DARPA ទីភ្នាក់ងារព័ត៌មានបារាំង AFP រាយការណ៍ថា ពួកអ្នកស្រាវជ្រាវរបស់មន្ទីរប៉ង់តាហ្គោនបានបាត់ការទាក់ទងជាមួយនឹងយានសំកាំងដ៏ទំនើបបំផុតដែលអាចហោះហើរបានក្នុងល្បឿនដល់ទៅ២៧.០០០គីឡូម៉ែត្រក្នុងមួយម៉ោងកាលពីថ្ងៃទី១១ សីហា ក្នុងឱកាសនៃការហោះ
ដោយដកស្រង់ប្រភពទីភ្នាក់ងារស្រាវជ្រាវរបស់មន្ទីរប៉ង់តាហ្គោន DARPA ទីភ្នាក់ងារព័ត៌មានបារាំង AFP រាយការណ៍ថា ពួកអ្នកស្រាវជ្រាវរបស់មន្ទីរប៉ង់តាហ្គោនបានបាត់ការទាក់ទងជាមួយនឹងយានសំកាំងដ៏ទំនើបបំផុតដែលអាចហោះហើរបានក្នុងល្បឿនដល់ទៅ២៧.០០០គីឡូម៉ែត្រក្នុងមួយម៉ោងកាលពីថ្ងៃទី១១ សីហា ក្នុងឱកាសនៃការហោះសាកល្បងលើកទី២របស់យានពិសោធន៍នោះ។
ផលិតដោយក្រុមហ៊ុន LOCKHEED MARTIN ជាសហគ្រាសការពារ និងសន្តិសុខសំខាន់មួយក្នុងចំណោមសហគ្រាសការពារ និងសន្តិសុខសំខាន់ៗរបស់អាមេរិក យានគ្មានមនុស្សបើកនោះមានឈ្មោះថា HYPERSONIC TECHNOLOGY VEHICLE-2 (HTV-2) ផលិតដើម្បីធ្វើការហោះហើរក្នុងកំពស់យ៉ាងខ្ពស់នៃបរិយាកាសផែនដីមានល្បឿនអាចដល់២២ដងលឿនជាងសម្លេងទៅទៀត។
យាននេះឆ្លើយតបចំពោះគម្រោងយោធាអាមេរិកឱ្យមានមធ្យោបាយវាយប្រហារគោលដៅទាំងឡាយទោះបីជានៅកន្លែងណាក៏ដោយនៃផែនដីក្នុងរយៈពេលយ៉ាងយូរបំផុតត្រឹមតែ១ម៉ោងប៉ុណ្ណោះ ដែលគម្រោងនេះមានឈ្មោះថា «វាយប្រហារពិភពលោកយ៉ាងរហ័ស»។ រយៈពេលនៃការហោះហើររបស់វារវាងក្រុងញូវយ៉ក និងក្រុងឡូសអេនចឺឡេសប្រើពេលមិនដល់១២នាទីផង៕
ចែករំលែកព័តមាននេះ