តាមលទ្ធផលនៃការសិក្សាថ្មីមួយរបស់សហរដ្ឋអាមេរិកបាននិយាយថា ទទួលទានសាច់ជ្រូកប្រឡាក់ (bacon)ត្រឹមតែ២ដុំ ហត់ដក(hot dog)ឬក៏សាច់ផ្សេងៗទៀតក្នុងចំនួនច្រើនជាប្រចាំអាចបង្កើនអត្រា ប្រឈមនឹងជំងឺទឹកនោមផ្អែមប្រភេទ២ដល់ទៅជាង៥០ភាគរយ។
តាមលទ្ធផលនៃការសិក្សាថ្មីមួយរបស់សហរដ្ឋអាមេរិកបាននិយាយថា ទទួលទានសាច់ជ្រូកប្រឡាក់ (bacon)ត្រឹមតែ២ដុំ ហត់ដក(hot dog)ឬក៏សាច់ផ្សេងៗទៀតក្នុងចំនួនច្រើនជាប្រចាំអាចបង្កើនអត្រាប្រឈមនឹងជំងឺទឹកនោមផ្អែមប្រភេទ២ដល់ទៅជាង៥០ភាគរយ។
ការសិក្សានេះបានធ្វើឡើងដោយក្រុមអ្នកស្រាវជ្រាវនៅសាលកវិទ្យាល័យ Harvard School of Public Healthហើយត្រូវបានគេចុះផ្សាយនៅក្នុងព្រឹត្តិប័ត្រ American Journal of Clinical Nutrition បានពិសោធន៍លើមនុស្សប្រមាណ៤៤ម៉ឺននាក់ ។តាមការរៀបរាប់នៅក្នុងរបាយការណ៍ ក្រុមអ្នកស្រាវជ្រាវបានបញ្ជាក់ថា ទទួលទានសាច់ក្រហមកែច្នៃរួចមានដូចជា៖សាច់ចិញ្ច្រាំ សាច់ក្រកឬក៏ភ្លៅជ្រូក៥០ក្រាមរៀងរាល់ថ្ងៃអាចបង្កើនអត្រាប្រឈមនឹងជំងឺទឹកនោមផ្អែមប្រភេទ២ ៥១ភាគរយខណៈទទួលទានសាច់មិនទាន់កែច្នៃ១០០ក្រាមក្នុងមួយថ្ងៃឬមានទំហំប៉ុនសន្លឹកបៀរមួយហ៊ូ មានអត្រាប្រឈមត្រឹមតែ១៩ភាគរយ។
ទោះជាយ៉ាងណាការប្រឈមទាំងអស់នេះអាចថយចុះប្រសិនបើគេទទួលទានពពួកសណ្តែក បាយអង្ករសម្រូបរួមនឹងអាហារផ្សេងទៀតដែលមានសារធាតុប្រូតេអ៊ីនជំនួសសាច់ក្រហម។
សាស្ត្រាចារ្យហ្វ្រែង ហ៊ូ អ្នកសរសេររបាយការណ៍ស្រាវជ្រាវបានបញ្ជាក់ថា៖«វាច្បាស់ណាស់ លទ្ធផលនៃការសិក្សាលើកនេះគឺបានបង្ហាញពីភាពស្មុគស្មាញយ៉ាងធំសម្បើមមួយក្នុងបញ្ហាសុខភាពសាធារណៈខណៈដែលការប្រើប្រាស់សាច់ក្រហមលើសាកលលោកកំពុងតែកើនឡើងស្របពេលដែលអ្នកកើតជំងឺទឹកនោមផ្អែមប្រភេទ២កំពុងតែកើនដែរ។ ដំណឹងល្អគឺថា ការប្រឈមទាំងអស់នេះវាអាចទូទាត់គ្នាបានដោយការទទួលទានអាហារដែលសំបូរដោយប្រូតេអ៊ីន »។
ចែករំលែកព័តមាននេះ