ដំណឹងដ៏រីករាយ! វីរៈសិល្បករអាយ៉ៃជើងចាស់ លោក ព្រហ្ម ម៉ាញ បានជាពីជំងឺ និងចងចាំឡើងវិញហើយ
- ភ្នំពេញ
រាជធានីភ្នំពេញ ៖ មហាជនបានសម្តែងក្តីសប្បាយរីករាយយ៉ាងខ្លាំង ក្នុងពេលដែលគេទទួលដំណឹងថា វីរៈសិល្បៈផ្នែកអាយ៉ៃលោក ព្រហ្ម ម៉ាញ បានធូរស្បើយពីជម្ងឺឡើងវិញ និងអាចចេញពីមន្ទីរពេទ្យ ខណះពេលដែលការចងចាំរបស់លោកក៏វិលមកសភាពដើមផងដែរ ។ គួររំលឹកថា វីរៈសិល្បករអាយ៉ៃជើងចាស់ លោកព្រហ្ម ម៉ាញ ធ្លា.ក់ខ្លួនឈឺជាថ្មី និងបាត់បង់ការចងចាំ កំពុងសម្រាកនៅមន្ទីរពេទ្យ
នេះចាត់ទុកជាដំណឹងដ៏រីករាយសម្រាប់ទស្សនិកជន ក្នុងពេលដែលកាលពីថ្មីៗនេះ មហាជនបានសម្តែងក្តីបារម្ភយ៉ាងខ្លាំង បន្ទាប់ពីគេបានឃើញលោក ព្រហ្ម ម៉ាញ បានធ្លាក់ខ្លួនឈឺជាថ្មី រហូតឈានដល់បាត់ការចងចាំផងដែរ ។
ទោះបីយ៉ាងណា ក្រោយការសម្រាកព្យាបាលមួយរយះ ទីបំផុតលោក ព្រហ្ម ម៉ាញ ក៏បានធូស្បើយពីជំងឺឡើងវិញ និងអាចចេញពីមន្ទីរពេទ្យវិលមកគេហដ្ឋានវិញ ដោយនៅក្នុងនោះទាំងអាការៈ និងស្មារតីចងចាំរបស់លោកក៏អាចវិលមកសភាពដើមដូចគ្នា ។
បើតាមការបញ្ជាក់ពីតារាសម្តែង នាយ ព្រែក ដែលបានបង្ហោះរូបភាពមួយសន្លឹករបស់លោក ព្រហ្ម ម៉ាញ អង្គុយនៅលើសាឡុង ក្នុងទឹកមុខធម្មតាឡើងវិញ លើបណ្តាញសង្គម ដោយភ្ជាប់ជាមួយសំណេរថា អរគុណបងប្អូនដែលបានបារម្ភនិងជូនពរអ៊ំ ពេលនេះអ៊ំបានចេញពីមន្ទីរពេទ្យនិងមានការចងចាំឡើងវិញដូចដើម ។
ការប្រកាសដំណឹងខាងលើនេះមហាជនជាច្រើនបាននាំគ្នាចូលទៅខំមិនដោយម្នាក់ៗបានបង្ហាញក្តីរីករាយ និងរំភើបយ៉ាងខ្លាំង ក្នុងពេលដែលឃើញលោក ព្រហ្ម ម៉ាញ បានធូរស្បើយពីជំងឺឡើងវិញ ខណៈពេលដែលម្នាក់ៗក៏បានជូនពរឲ្យលោកមានសុខភាពល្អ និងមានអាយុយឺនយូរផងដែរ ។
ជាការកត់សម្គាល់ កាលពីពេលថ្មីៗនេះមហាជនខ្មែរបានសម្តែងក្តីបារម្ភយ៉ាងខ្លាំង ក្នុងពេលដែលពួកគេបានឃើញនាយ ព្រែក បានបង្ហោះរូបភាពរបស់លោក ព្រហ្ម ម៉ាញ ក្នុងសភាពដេកស្តូកស្តឹងសម្រាកព្យាបាលនៅមន្ទីរពេទ្យមួយលើទឹកដីអាមេរិក បន្ទាប់អាការៈជំងឺចាស់របស់លោកបានរើឡើងជាថ្មីម្តងទៀត ។
អ្វីដែលធ្វើឲ្យមហាជនសម្តែងក្តីបារម្ភថែមទៀតនោះគឺស្ថានភាពរបស់លោក ព្រហ្ម ម៉ាញ នាពេលនេះបានឈានដល់ថ្នាក់វង្វេងវង្វាន់បាត់បង់ការចងចាំ ដែលនោះគឺជាការវិវឌ្ឍន៍ថ្មីមួយបន្ថែមទៀតសម្រាប់ស្ថានភាពរបស់លោក ក្នុងពេលដែលវ័យកាន់តែចាស់ជរា និងញាំញីដោយជំងឺប្រចាំកាយ ៕
ចែករំលែកព័តមាននេះ