សង្គ្រាមអ៉ីរ៉ង់ ៖ កងទ័ពអាមេរិកអះអាង នាថ្ងៃទី១២ កក្កដា ថា ច្រកសមុទ្រហ័រមូសនៅតែបើកនិងថា ចរាចរណ៍របស់បណ្ដានាវានៅដំណើរការ ទោះបីមានការប្រកាសរបស់អ៉ីរ៉ង់នាពេលមុននេះ ពីការបិទច្រកសមុទ្រជាថ្មី ក្រោយផ្ទុះការវាយប្រហារគ្នាថ្មីក៏ដោយ ។
តាមបណ្ដាញសង្គមX ទីបញ្ជាការដ្ឋានកណ្ដាលកងទ័ពអាមេរិកនៅមជ្ឈឹមបូព៌ាសរសេរថា ច្រកសមុទ្រហ័រមូសនៅតែបើក សម្រាប់គ្រប់នាវា ដែលចង់ឆ្លងកាត់ស្របច្បាប់ផ្លូវសមុទ្រអន្តរជាតិនោះ។ កងទ័ពអាមេរិក អះអាងថា អ៉ីរ៉ង់មិនបានត្រួតត្រាច្រកសមុទ្រនេះទេ ហើយចរាចរណ៍នៅតែដំណើរការ ។
ប្រធានាធិបតីអាមេរិកលោកដូណាល់ត្រាំថ្លែង កាលពីថ្ងៃទី១២ កក្កដា ថា ច្រកសមុទ្រហ័រមូសនៅតែបើកចំពោះនាវាចរណ៍ពាណិជ្ជកម្ម ចំណែកកងទ័ពអាមេរិកគូសបញ្ជាក់ថា ត្រៀមធានាដល់ការធ្វើនាវាចរណ៍ដោយសេរី ក៏ទោះបីអ៉ីរ៉ង់ប្រកាសពីការបិទច្រកសមុទ្របនោះ ក្រោយការប៉ះទង្គិចគ្នាថ្មីៗក៏ដោយ។
ក្នុងបទសម្ភាសន៍មួយជាមួយទូរទស្សន៍ NBC លោកត្រាំថ្លែងថា ច្រកសមុទ្រហ័រមូសនៅតែបើក សម្រាប់ចរាចរណ៍ពាណិជ្ជកម្ម។ កងទ័ពអាមេរិកបានត្រៀមធានាថា ការធ្វើនាវាចរណ៍នៅតែប្រព្រឹត្តទៅ ទោះបីមានការគំរាមកំហែង និងសេចក្ដីថ្លែងការណ៍នានារបស់អ៉ីរ៉ង់ក្ដី។ អ៉ីរ៉ង់មិនបានត្រួតត្រាច្រកសមុទ្រនោះទេ ៕
ចែករំលែកព័តមាននេះ