សហរដ្ឋអាមេរិក ៖ ក្រុមបាល់ទាត់ជម្រើសជាតិសហរដ្ឋអាមេរិក បានក្លាយជាក្រុមម្ចាស់ផ្ទះចុងក្រោយគេបង្អស់ ដែលធ្លាក់ចេញពីព្រឹត្តិការណ៍ World Cup ឆ្នាំ២០២៦ ក្រោយរងបរាជ័យយ៉ាងដំណំក្រោយថ្វីជើងបែលហ្ស៊ិក ដោយលទ្ធផល ១-៤ កាលពីព្រឹកថ្ងៃទី៧ ខែកក្កដា (ម៉ោងនៅកម្ពុជា)។ ដូច្នេះសហម្ចាស់ផ្ទះទាំង ៣ សហរដ្ឋអាមេរិក កាណាដា និងម៉ិកស៊ិក សុទ្ធតែធ្លាក់ចេញត្រឹមវគ្គ ១៦ ក្រុមចុងក្រោយដូចគ្នា។
កាណាដា គឺជាម្ចាស់ផ្ទះដំបូងគេ ធ្លាក់ចេញពីព្រឹត្តិកាណ៍ World Cup ឆ្នាំ២០២៦ ក្រោយចាញ់ម៉ារ៉ុក ដោយលទ្ធផល ៣-០ កាលពីវេលាឈានចូលព្រឹកថ្ងៃទី៥ ខែកក្កដា (ម៉ោងនៅកម្ពុជា)។ មុនឈានមកដល់វគ្គនេះ កាណាដាបានស្មើបូស្នី ១-១ មុនលត់កាតា ៦-០ និងចាញ់ស្វីស ២-១ នៅវគ្គចែកពូល (ពូល B) ហើយបន្តធ្វើបានយ៉ាងល្អនៅវគ្គ ៣២ ក្រុម ដោយយកឈ្នះអាហ្វ្រិកខាងត្បូង ១-០។
ចំណែកម្ចាស់ផ្ទះម៉ិកស៊ិក ធ្វើបានយ៉ាងល្អដោយបញ្ចប់វគ្គចែកពូល (ពូល A) ឈ្នះទាំង ៣ ប្រកួតតែម្តង ដោយឈ្នះអាហ្វ្រិកខាងត្បូង ២-០ កូរ៉េខាងត្បូង ១-០ រួមទាំងសាធារណរដ្ឋឆែក ៣-០ មុនពេលប៉ះអេក្វាឌ័រនៅវគ្គ ៣២ ក្រុម ដោយឈ្នះលទ្ធផល ២-០។ ប៉ុន្តែអស់ឱកាសត្រឹមវគ្គ ១៦ ក្រុម កាលពីព្រឹកថ្ងៃទី៦ ខែកក្កដា ដោយចាញ់អង់គ្លេសក្នុងលទ្ធផល ៣-២។
ដោយឡែក សហរដ្ឋអាមេរិកឯណោះវិញ គឺជាក្រុមម្ចាស់ផ្ទះចុងក្រោយគេ ធ្លាក់ចេញត្រឹមវគ្គ ១៦ ក្រុម ក្រោយចាញ់បែលហ្ស៊ិក កាលពីព្រឹកថ្ងៃទី៧ ខែកក្កដា។ អាមេរិកបញ្ចប់វគ្គចែកពូល (ពូល D) ដោយឈ្នះប៉ារ៉ាហ្គាយ ៤-១ ហើយឈ្នះអូស្ត្រាលី ២-០ បន្តទៀត មុនពេលចាញ់តួកគីយ៉េ ៣-២ នៅប្រកួតបិទពូល ហើយចូលដល់វគ្គ ៣២ ក្រុម ពួកគេបានយកឈ្នះបូស្នី ដោយលទ្ធផល ២-០។
គួរបញ្ជាក់ថា ព្រឹត្តិការណ៍ World Cup ឆ្នាំ ២០២៦ ក្លាយជាការប្រកួតដំបូងបំផុតក្នុងប្រវត្តិសាស្ត្រ ដែលមាន ៣ ប្រទេសធ្វើជាម្ចាស់ផ្ទះ ខណៈដែលរយៈពេល៩២ឆ្នាំកន្លងមកនេះ មានតែការប្រកួតក្នុងឆ្នាំ ២០០២ ប៉ុណ្ណោះ ដែលជប៉ុន និងកូរ៉េខាងត្បូងធ្វើជាម្ចាស់ផ្ទះរួមគ្នា។ ការប្រកួតនៅឆ្នាំ ២០២៦ ក៏ជាការប្រកួតដំបូងបង្អស់ក្នុងប្រវត្តិសាស្ត្រ ដែលមានរហូតដល់ ៤៨ ក្រុម ខុសពីទម្រង់ចាស់ មានត្រឹម៣២ក្រុមតែប៉ុណ្ណោះ ។
គួរបញ្ជាក់ថា ព្រឹត្តិការណ៍ World Cup ឆ្នាំ ២០២៦ ដែលចាប់ផ្តើមតាំងពីថ្ងៃទី១១ ខែមិថុនា និងគ្រោងបញ្ចប់នៅថ្ងៃទី១៩ ខែកក្កដា បានក្លាយជាការប្រកួតដំបូងបំផុតក្នុងប្រវត្តិសាស្ត្រ ដែលមាន ៣ ប្រទេសធ្វើជាម្ចាស់ផ្ទះ ខណៈដែលរយៈពេល៩២ឆ្នាំកន្លងមកនេះ មានតែការប្រកួតក្នុងឆ្នាំ ២០០២ ប៉ុណ្ណោះ ដែលជប៉ុន និងកូរ៉េខាងត្បូងធ្វើជាម្ចាស់ផ្ទះរួមគ្នា។ ការប្រកួតនៅឆ្នាំ ២០២៦ ក៏ជាការប្រកួតដំបូងបង្អស់ក្នុងប្រវត្តិសាស្ត្រ ដែលមានរហូតដល់ ៤៨ ក្រុម ខុសពីទម្រង់ចាស់ មានត្រឹម៣២ក្រុមតែប៉ុណ្ណោះ៕
ចែករំលែកព័តមាននេះ