ទីក្រុងហាណូយ៖ យោងតាមការចុះផ្សាយពីសារព័ត៌មាន Tuoi Tre អាជ្ញាធរវៀតណាមបានចោទប្រកាន់ជនសង្ស័យ ២២នាក់ ពាក់ព័ន្ធបណ្តាញរត់ពន្ធពេជ្រឆ្លងដែន ដែលដឹកនាំដោយជនជាតិឥណ្ឌាម្នាក់ និងរឹបអូសបានពេជ្រចំនួន ១,១០០គ្រាប់។

បណ្តាញនេះត្រូវបានអះអាងថា ទិញពេជ្រពីប្រទេសឥណ្ឌា ប្រមូលនៅហុងកុង មុនលួចនាំចូលទៅវៀតណាម ដើម្បីចែកចាយទៅទីផ្សារក្នុងស្រុក។

ប៉ូលិសបានឱ្យដឹងថា ចាប់តាំងពីឆ្នាំ២០២៤ បណ្តាញនេះបានធ្វើសកម្មភាពរត់ពន្ធ ១៤១លើក ដោយនាំចូលពេជ្រជាង ២៨,០០០គ្រាប់ និងមានទំហំជួញដូរប្រមាណ ​ជាង ​១០,៦លានដុល្លារអាម៉េរិក​។

ការស៊ើបអង្កេតកំពុងបន្ត ខណៈអាជ្ញាធរបានអំពាវនាវឱ្យប្រជាពលរដ្ឋទិញពេជ្រតែពីអាជីវករស្របច្បាប់ និងមានវិញ្ញាបនបត្របញ្ជាក់គុណភាពប៉ុណ្ណោះ៕