​
បច្ចេកវិទ្យា៖ យោងតាមការចុះផ្សាយពីប្រភពបរទេស ទោះបីជាមានការសន្មតថាការរចនាខ្សែភ្លើងខ្លីត្រឹម ៦០ ទៅ ៨០ សង់ទីម៉ែត្រគឺដើម្បីកាត់បន្ថយការចំណាយ ប៉ុន្តែតាមពិតវាគឺជាការគិតគូរយ៉ាងល្អិតល្អន់អំពីសុវត្ថិភាពនិងបទពិសោធប្រើប្រាស់។

មូលហេតុចម្បងទាំង ៤ រួមមាន៖ ការកាត់បន្ថយហានិភ័យនៃការជំពប់ដួលឬការទាញកំសៀវទឹកក្ដៅឱ្យផ្ដួលរំលំ ការការពារកុំឱ្យខ្សែភ្លើងប៉ះចំប្រភពកម្ដៅផ្សេងទៀតនៅក្បែរនោះ ការកាត់បន្ថយការកាច់បត់ខ្សែរហូតដាច់ទង់ដែងខាងក្នុង និងភាពស្របគ្នានឹងការប្រើប្រាស់ដុំទ្រនាប់ដែលអាចបង្វិលបាន ៣៦០ ដឺក្រេ។

អ្នកជំនាញបានផ្ដល់អនុសាសន៍ថាមិនគួរប្រើខ្សែភ្លើង​មានតំណភ្ជាប់ទេ ព្រោះកំសៀវស៊ីភ្លើងច្រើនងាយធ្វើឱ្យខ្សែតូចឡើងកម្ដៅនិងឆ្លងចរន្តអគ្គិសនី៕