សង្គ្រាមអ៉ីរ៉ង់ ៖ ការចរចារវាងអាមេរិក និងអ៉ីរ៉ង់ ដើម្បីស្វែងរកសន្តិភាពដ៏ស្ថិតស្ថេរមួយនៅមជ្ឈឹមបូព៌ា ចាប់ផ្ដើមនារសៀលថ្ងៃទី២១ មិថុនា នៅសណ្ឋាគារដ៏ទំនើបមួយ ក្នុងតំបន់ភ្នំALPES ស្វ៊ីស៤ថ្ងៃ បន្ទាប់ពីការចុះហត្ថលេខាលើពិសារនៃកិច្ចព្រមព្រៀងដ៏ផុយស្រួយមួយដោយសារសភាពការណ៍នៅលីបង់ ។
ការចរចាគ្រោងធ្វើសម្រាប់រយៈពេល៦០ថ្ងៃ ។ មុនបើកការចរចានោះ ការវាយប្រហារសម្លាប់មនុស្សយ៉ាងច្រើននៅបន្តនៅ
លីបង់ ពិសេស កាលពីថ្ងៃទី១៩ និង២០ មិថុនា ទោះបីក្នុងកិច្ចព្រមព្រៀងដែលចុះហត្ថលេខារួចហើយមានមួយចែងពីការបញ្ចប់ការប្រទូស្តរ៉ាយគ្នាលើគ្រប់រណសិរ្សក៏ដោយ ។ អ៉ីរ៉ង់បានប្រកាសពីការសងសឹកចំពោះការវាយប្រហារថ្មីៗរបស់អ៉ីស្រាអែលនៅភាគខាងត្បូងលីបង់បណ្ដាលឲ្យមនុស្សច្រើនសិបនាក់ស្លាប់ និងរបួស ដោយប្រកាសពីការបិទច្រកសមុទ្រហ័រមូសជាថ្មី។ កងទ័ពអ៉ីរ៉ង់ប្រកាសថា បានបិទជាថ្មីច្រកសមុទ្រហ័រមូស កាលពីថ្ងៃទី២០ មិថុនា ក្រោយអ៉ីស្រាអែលបន្តវាយប្រហារលើភាគខាងត្បូងលីបង់។ នេះបើតាមទីភ្នាក់ងារព័ត៌មានរដ្ឋអ៉ីរ៉ង់FARS ។
កងទ័ពអ៉ីរ៉ង់គូសបញ្ជាក់ថា សេចក្ដីសម្រេចចិត្តនោះត្រូវបានប្រកាន់យក ដោយសារការខ្វះភាពទៀងត្រង់ និងការរំលោភបំពានលើកិច្ចព្រមព្រៀងរបស់អាមេរិកដែលមិនអនុវត្តខដំបូងនៃកិច្ចព្រមព្រៀងបញ្ចប់សង្គ្រាម និងជាប្រតិកម្មតបចំពោះការបំពានមិនឈប់ឈរនិងនៅបន្ត បទឈប់បាញ់គ្នាពីសំណាក់របបស្យូនីស្តអ៉ីស្រាអែលនៅភាគខាងត្បូងលីបង់។ កងទ័ពអ៉ីរ៉ង់ព្រមានថា វិធានការដទៃៗទៀតក៏នឹងចាត់ដែរ ប្រសិនបើការឈ្លានពាននៅតែបន្ត។
ការវាយប្រហារថ្មីៗរបស់កងទ័ពអ៉ីស្រាអែលនៅភាគខាងកើត និងភាគខាងត្បូងលីបង់ កាលពីថ្ងៃទី២០ មិថុនា បណ្ដាលឲ្យមនុស្សស្លាប់យ៉ាងតិច៣០នាក់ មុនស្ងប់ស្ងាត់វិញនាវេលាល្ងាចបន្ទាប់ពីកងទ័ពអ៉ីស្រាអែលទទួលបទបញ្ជាបញ្ឈប់ការប៉ះទង្គិចគ្នាជាមួយពួកហេសប៊ុលឡាហ៍លីបង់ ។ កងទ័ពអ៉ីស្រាអែលពន្យល់ថា ការវាយប្រហារទាំងនេះ ជាការឆ្លើយតបចំពោះការបាញ់គ្រាប់រ៉ុក្កែតជាង៥០លើករបស់ពួកហេសប៊ុលឡាហ៍ ប្រឆាំងកងទ័ពខ្លួននៅភាគខាងត្បូងលីបង់់់។
ខាងផ្នែកការទូតស្វ៊ីសគូសបញ្ជាក់ថា គណៈប្រតិភូអាមេរិកដឹកនាំដោយអនុប្រធានាធិបតីលោកឌីជីវ៉ាន និងគណៈប្រតិភូអ៉ីរ៉ង់ដឹកនាំដោយលោកម៉ូហាម៉ាដបាក់ហ័រហ្គាលីបាហ្វប្រធានសភា បានមកដល់សណ្ឋាគារBURGENSTOCK ស្ថិតនៅក្បែរបឹងLUCERNEដែលជ្រើសរើសយកជាកន្លែងនៃការចរចាគ្នា ។ ប្រទេសជាអាជ្ញាកណ្ដាលគឹប៉ាគីស្ថាន និងកាតាក៏មានវត្តមានដែរ។
លោកឌីជីវ៉ានថ្លែងទៅកាន់សារព័ត៌មានកាលពីយប់ថ្ងៃទី២០មិថុនាថា លោកអាចស្ថិតនៅប្រទេសស្វ៊ីស១ថ្ងៃ ឬ២ថ្ងៃ។ លោក
សង្ឈឹមថា ការចរចានឹងមានការរីកចម្រើនលើបញ្ហានុយក្លេអ៊ែរនិងបញ្ហាឈប់បាញ់គ្នានៅលីបង់។ នោះជាចំណុចសំខាន់២ដែលផ្ដោតក្នុងការចរចានេះ ៕
ចែករំលែកព័តមាននេះ