ក្រុមហ៊ុនផលិតភេសជ្ជៈដ៏ធំបំផុតរបស់ប្រទេសជប៉ុន «ឃីរីន ហូលឌីង» បានប្រកាសទិញក្រុមហ៊ុន «ឈីនការៀល» ជាក្រុមហ៊ុនផលិតភេសជ្ជៈនៅប្រទេសប្រេស៊ីលក្នុងតម្លៃ១,៩សែនលាន យេន គឺប្រហែល២,៥៦ពាន់លានដុល្លារក្នុងគោលបំណងជំរុញការរីកចម្រើនទី ផ្សារនៅបរទេសក្រោយពី
ក្រុមហ៊ុនផលិតភេសជ្ជៈដ៏ធំបំផុតរបស់ប្រទេសជប៉ុន «ឃីរីន ហូលឌីង» បានប្រកាសទិញក្រុមហ៊ុន «ឈីនការៀល» ជាក្រុមហ៊ុនផលិតភេសជ្ជៈនៅប្រទេសប្រេស៊ីលក្នុងតម្លៃ១,៩សែនលានយេន គឺប្រហែល២,៥៦ពាន់លានដុល្លារក្នុងគោលបំណងជំរុញការរីកចម្រើនទីផ្សារនៅបរទេសក្រោយពីទីផ្សារនៅក្នុងស្រុកចាប់ផ្តើមធ្លាក់ចុះ ។
ទីភ្នាក់ងារ AFP ផ្សាយថា «ឈីន ការៀល» ជាក្រុមហ៊ុនផលិតស្រាបៀរលំដាប់ទី២ របស់ប្រទេសប្រេស៊ីល និងលំដាប់ទី៣ ផ្នែកភេសជ្ជៈទឹកក្រូច ដោយមានបុគ្គលិកប្រហែល១ម៉ឺននាក់ និងមានអត្រាលក់កាលពីឆ្នាំមុនចំនួន២,៨៥ពាន់លានរីយ៉ាល (ប្រាក់របស់ប្រេស៊ីល) គឺប្រហែល១,៨២ពាន់លានដុល្លារ។ក្រុមហ៊ុនខាងលើ ជាម្ចាស់លើស្លាកសញ្ញាផលិតផលដ៏ពេញនិយមដូចជា «ណូវ៉ាឈីន» «បេម លួរ៉ា» «ក្លាស៊ីយ៉ាល» និង «ប៉ាដេន បាដេន» ។
ការទិញក្រុមហ៊ុនភេសជ្ជៈខាងលើ នឹងជួយឱ្យក្រុមហ៊ុនឃីរីនពង្រីកការរីកធំធាត់ក្នុងទីផ្សារនៅក្រៅប្រទេសសម្រាប់ផ្គត់ផ្គង់ទីផ្សារក្នុងប្រទេសដែលធ្លាក់ចុះ ដោយសារតម្លៃប្រាក់យេនឡើងខ្ពស់ ចំនួនប្រជាជនធ្លាក់ចុះ និងមិនពេញនិយមពិសាស្រាបៀរច្រើនដូចកាលពីមុន ៕
ចែករំលែកព័តមាននេះ