តាមប្រភពពី BBC ផ្សាយឱ្យដឹងថា ក្រុមហ៊ុនហុងដា (Honda Motor) របស់ជប៉ុន បានឱ្យដឹងពីលទ្ធផលប្រាក់ចំណេញក្នុងត្រីមាសទី២ ឆ្នាំ២០១១ (មេសា-មិថុនា) របស់ក្រុមហ៊ុនថា បានថយចុះ៨៨% ក្រោយពីកើតហេតុរញ្ជួយដី និងស៊ូណាមី កាលពីខែមីនា កន្លងមក ដោយប្រាក់ចំណេញក្នុងត្រី
តាមប្រភពពី BBC ផ្សាយឱ្យដឹងថា ក្រុមហ៊ុនហុងដា (Honda Motor) របស់ជប៉ុន បានឱ្យដឹងពីលទ្ធផលប្រាក់ចំណេញក្នុងត្រីមាសទី២ ឆ្នាំ២០១១ (មេសា-មិថុនា) របស់ក្រុមហ៊ុនថា បានថយចុះ៨៨% ក្រោយពីកើតហេតុរញ្ជួយដី និងស៊ូណាមី កាលពីខែមីនា កន្លងមក ដោយប្រាក់ចំណេញក្នុងត្រីមាសនេះមានចំនួន៣,១៧សែនលានយេនគឺធ្លាក់ចុះចំនួន២,៧៤សែនលានយេន បើប្រៀបធៀបនឹងឆ្នាំមុន។
មូលហេតុនៃវិបត្តិនេះ គឺបញ្ហាគ្រឿងបន្លាស់រថយន្តមានកង្វះខាតក្រោយពេលកើតហេតុគ្រោះធម្មជាតិខាងលើធ្វើឱ្យការផ្គត់ផ្គង់បានផ្អាក ។ ទោះបីជាបែបណាក៏ដោយ ក្រុមហ៊ុនហុងដា បានធ្វើការកែទម្រង់បង្កើនប្រាក់ចំណូលពេញរយៈពេល១ឆ្នាំនេះឱ្យកើនឡើង៣៥% ព្រោះបច្ចុប្បន្នសេដ្ឋកិច្ចរបស់ជប៉ុនមានសញ្ញាកើនឡើង ។
ក្រៅពីនេះ តួលេខផលចំណេញនៅក្នុងត្រីមាសបន្ទាប់នៅមានចំនួនច្រើនជាងការរំពឹងទុករបស់អ្នកវិភាគ ។ លោកណាអូគី ហ្វូជីវ៉ារ៉ា អ្នកគ្រប់គ្រងមូលនិធិបានថ្លែងថា ក្រុមហ៊ុនហុងដា គួរតែបានទទួលការកោតសរសើរសម្រាប់លទ្ធផលក្នុងត្រីមាសទី២នេះ ព្រោះជាត្រីមាសដែលមនុស្សទូទៅគិតថា ក្រុមហ៊ុនបានខាតដើមដ៏សន្ធឹកសន្ធាប់ ៕
ចែករំលែកព័តមាននេះ