រាជធានីភ្នំពេញ ៖ យោងតាមប្រភពព័ត៌មានបឋមបាន្យដឹងថា មានឧប្បត្តិហេតុអគ្គិភ័យមួយបានកើតឡើង ដោយផ្ទះមួយកន្លែងត្រូវភ្លើងឆាបឆេះ សន្ធោសន្ធៅ បណ្ដាលឲ្យបុរសចំណាស់ម្នាក់ជាម្ចាស់ផ្ទះបានស្លាប់ភ្លាមៗនៅនឹងកន្លែង ។ ចំណែកស្ត្រីចំណាស់ម្នាក់ទៀត ដែលតាមការអះអាងថាជាប្រពន្ធគាត់បានរងរបួសធ្ងន់…
រាជធានីភ្នំពេញ ៖ យោងតាមប្រភពព័ត៌មានបឋមបាន្យដឹងថា មានឧប្បត្តិហេតុអគ្គិភ័យមួយបានកើតឡើង ដោយផ្ទះមួយកន្លែងត្រូវភ្លើងឆាបឆេះ សន្ធោសន្ធៅ បណ្ដាលឲ្យបុរសចំណាស់ម្នាក់ជាម្ចាស់ផ្ទះបានស្លាប់ភ្លាមៗនៅនឹងកន្លែង ។ ចំណែកស្ត្រីចំណាស់ម្នាក់ទៀត ដែលតាមការអះអាងថាជាប្រពន្ធគាត់បានរងរបួសធ្ងន់ និងត្រូវបានក្រុមរុករកនិងសង្គ្រោះ៧១១ដឹកបញ្ជូនទៅសង្គ្រោះបន្ទាន់ ។
ហេតុការណ៍នោះបានកើតឡើងកាលពីវេលាម៉ោង៩យប់ថ្ងៃទី១៧ ខែមីនា ឆ្នាំ២០២៦ ស្ថិតតាមផ្លូវជាតិលេខ៣ ក្នុងបុរីលនស៊ីធី ភូមិព្រៃព្រីងត្បូង១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
គេនៅមិនទាន់ដឹងពីមូលហេតុនៃការឆាបឆេះផ្ទះខាងលើនោះនៅឡើយទេ ចំណែកជនរងគ្រោះដែលស្លាប់ និងប្រពន្ធរបស់គាត់ដែលរងរបួស ក៏មិនទាន់ត្រូវបានស្គាល់អត្តសញ្ញាណនៅឡើយដែរ គ្រាន់តែដឹងថាពួកគាត់គឺជាម្ចាស់កើតហេតុខាងលើនោះ ។
ខណៈពេលមានការឆាបឆេះយ៉ាងសន្ធោសន្ធៅបានបង្កឲ្យមានការភ្ញាក់ផ្អើលយ៉ាងខ្លាំង ហើយកម្លាំងអាជ្ញាធរនិងសមត្ថកិច្ច ព្រមទាំងមន្ត្រីជំនាញពន្លត់អគ្គិភ័យ បានចេញរថយន្ដពន្លត់អគ្គិភ័យជាច្រើនគ្រឿងចេញរថយន្ដមកអន្តរាគមន៍បាញ់ពន្លត់ រហូតរលត់ទៅវិញនាយប់ថ្ងៃកើតហេតុដដែលនោះ ៕
ចែករំលែកព័តមាននេះ