តារាចម្រៀងព្រះនាង ជេនណា បានសម្តែងការស្ញើចសសើរ និងមានមោទនភាពយ៉ាងខ្លាំងចំពោះប្អូនជីដូនមួយដែលទទួលបានមេដាយមាសទាំងពីរអង្គ ក្នុងវគ្គផ្ដាច់ព្រ័ត្រ នៃការប្រកួតកីឡាជឺជីតស៊ូ ជើងឯកថ្នាក់ជាតិលើកទី៤ ដែលបានបិទបញ្ចប់ការពីពេលថ្មីៗនេះ ។ ព្រះនាងបានបង្ហាញក្តីរំភើបរីករាយយ៉ាងខ្លាំង…
តារាចម្រៀងព្រះនាង ជេនណា បានសម្តែងការស្ញើចសសើរ និងមានមោទនភាពយ៉ាងខ្លាំងចំពោះប្អូនជីដូនមួយដែលទទួលបានមេដាយមាសទាំងពីរអង្គ ក្នុងវគ្គផ្ដាច់ព្រ័ត្រ នៃការប្រកួតកីឡាជឺជីតស៊ូ ជើងឯកថ្នាក់ជាតិលើកទី៤ ដែលបានបិទបញ្ចប់ការពីពេលថ្មីៗនេះ ។
ព្រះនាងបានបង្ហាញក្តីរំភើបរីករាយយ៉ាងខ្លាំង ចំពោះបងប្អូនជីដូនមួយទាំងពីររបស់ព្រះនាងដែលមានសមត្ថភាពទាំងនៅវ័យក្មេង និងបានចាត់ទុកជ័យជំនៈមួយនេះ គឺជាមោទនភាពសម្រាប់គ្រួសារ និងសង្គមជាតិផងដែរ ។
តាមរយៈសំណេរបង្ហោះលើបណ្តាញសង្គម ព្រះនាង នរោត្តម ជេនណា បានលើកឡើងថា សូមអបអរសាទរ ដល់បងប្អូនជីដូនមួយ ទាំងពីរអង្គរបស់ខ្ញុំ គឺអ្នកអង្គម្ចាស់ នរោត្តម ច័ក្រាមុន្នី និងអ្នកអង្គម្ចាស់ នរោត្តម ពង្សច័ក្រី ដែលទទួលបានជ័យលាភី មេដាយមាស ក្នុងវគ្គផ្ដាច់ព្រ័ត្រ នៃការប្រកួតកីឡាជឺជីតស៊ូ ជើងឯកថ្នាក់ជាតិលើកទី៤ កាលពីម្សិលម៉ិញនេះ។
ព្រះនាងថា ខ្ញុំពិតជារំភើប និងសប្បាយចិត្ត ដែលបងប្អូនខ្ញុំសុទ្ធសឹងតែជាបុគ្គលមានសមត្ថភាព ក្នុងការនាំយកមោទនភាពជូនគ្រួសារ និងសង្គមជាតិ ហើយខ្ញុំក៏សូមចូលរួមលើកទឹកចិត្តដល់បងប្អូន ដែលមិនទាន់បានលទ្ធផលល្អ ទោះបីជាលើកនេះពុំទាន់ទទួលបានជ័យ
ជម្នះ ប៉ុន្តែបងប្អូនបានធ្វើអ្វីដែលខ្លួនឯងស្រលាញ់ ហើយបានខំអស់ពីសមត្ថភាព នេះក៏អាចរាប់បានថា ជាជោគជ័យសម្រាប់ខ្លួនឯងដូចគ្នា ។
សូមបញ្ជាក់ផងដែរថា អ្នកអង្គម្ចាស់ទាំងពីរអង្គនេះ ជាព្រះបុត្រាសំណព្វព្រះទ័យ នៃម្ចាស់មាខ្ញុំ គឺព្រះអង្គម្ចាស់ នរោត្តម ចារូច័ក្រ ។
ជាការកត់សម្គាល់ក្នុងចំណោមបងប្អូនជីដូនមួយចំនួន២អង្គខាងលើរបស់ព្រះនាង ជេនណា នាពេលនេះ មានមួយអង្គត្រូវបានគេដឹងថា គឺជាកូនប្រុសដំបូងរវាងអង្គម្ចាស់ នរោត្តម ចារូច័ក្រ ជាមួយនឹងតារាសម្តែងអ្នកនាង សិទ្ធី នីកា ។
ក្នុងពេលដែលកូនប្រុសទទួលបានជ័យជំនៈនាពេលនេះដែរ តារាសម្តែង សិទ្ធី នីកា ក៏បានបង្ហោះសំណេររបស់ខ្លួននៅលើបណ្តាញសង្គមដែរថា សូមអបអរសាទរដល់កំលោះសង្ហារទាំងពីរ សំរាប់ការទទួលបាននៅមេដាយមាស ក្នុងការប្រកួតកីឡា ជឺជីតស៊ូ ជ្រើសរើសជើងឯកថ្នាក់ជាតិលើកទី៤ ។
នាងបញ្ជាក់ថា ប៉ាប៉ា នឹងមាំមី មិនមានពាក្យអ្វីក្រៅពីរំភើប នឹងមានមោទនភាពបំផុត ចំពោះការខិតខំប្រឹងប្រែងតស៊ូរបស់កូន We’re truly proud of both of you. Watching you grow makes us so proud. ។
គួរបញ្ជាក់ថា នេះមិនមែនជាលើកទឹកមួយដែល ព្រះនាង ជេនណា បង្ហាញការគាំទ្រ និងលើកទឹកចិត្តដល់ក្រុមគ្រួសាររបស់ព្រះនាងផ្ទាល់ ដែលបានចូលរួមមិនថា វិស័យកីឡា ឬ
វិស័យភាពយន្តនោះឡើយ ដោយជាក់ស្តែង ព្រះនាងក៏បានលើកទឹកចិត្តទៅកាន់ម្ចាស់បងរបស់ព្រះនាងមួយរូបផងដែរ ដែលមានឱកាសប្រឡូកក្នុងវិស័យភាពយន្តជាលើកដំបូង ។
ព្រះនាង ជេនណា បានបញ្ជាក់តាមរយៈសំណេរបង្ហោះលើបណ្តាញសង្គមថា អបអរសាទរម្ចាស់បង ជាទីស្រឡាញ់របស់ខ្ញុំ ក្នុងការបោះជំហានដំបូង ក្នុងវិស័យភាពយន្តនៅកម្ពុជា ។
ខ្ញុំពិតមានមោទកភាពណាស់ ចំពោះភាពក្លាហាន ក្តីស្រឡាញ់ និងការខិតខំប្រឹងប្រែងរបស់ម្ចាស់បង សូមជូនពរឱ្យម្ចាស់បងទទួលបានភាពជោគជ័យ និងទទួលបានក្ដីស្រលាញ់ ការគាំទ្រពីពុកម៉ែបងប្អូនយើង ។ We can’t wait to see your action on the big screen! ៕
ចែករំលែកព័តមាននេះ