រាជធានីភ្នំពេញ៖ ក្នុងឱកាសប្រារព្ធទិវានារីអន្ដរជាតិ និងជាផ្នែកមួយនៃគំនិតផ្ដួចផ្ដើម ដើម្បីបរិស្ថាន សង្គម និងអភិបាលកិច្ចរបស់ធនាគារនៅឆ្នាំនេះ ធនាគារកម្ពុជាសាធារណៈ ភីអិលស៊ី សហការជាមួយ មជ្ឈមណ្ឌលជាតិ…
រាជធានីភ្នំពេញ៖ ក្នុងឱកាសប្រារព្ធទិវានារីអន្ដរជាតិ និងជាផ្នែកមួយនៃគំនិតផ្ដួចផ្ដើម ដើម្បីបរិស្ថាន សង្គម និងអភិបាលកិច្ចរបស់ធនាគារនៅឆ្នាំនេះ ធនាគារកម្ពុជាសាធារណៈ ភីអិលស៊ី សហការជាមួយ មជ្ឈមណ្ឌលជាតិ ផ្ដល់ឈាមបានរៀបចំយុទ្ធនាការ បរិច្ចាគឈាមក្រោមប្រធានបទ “ផ្ដល់ឈាម ផ្ដល់ជីវិត ផ្ដល់ក្ដីសង្ឃឹម” ដែលធ្វើឡើងនៅ អគារធនាគារកម្ពុ (ទីស្នាក់ការកណ្ដាល) រាជធានីភ្នំពេញ នៅថ្ងៃព្រហស្បតិ៍ ២រោច ខែផល្គុន ឆ្នាំម្សាញ់ សប្ដស័ក ព.ស២៥៦៩ ត្រូវនឹងថ្ងៃទី៥ ខែមីនា ឆ្នាំ២០២៦ ។
យុទ្ធនាការផ្ដល់ឈាមនេះត្រូវបានរៀបចំឡើងក្រោមអធិបតីភាពរបស់ លោកស្រីវេជ្ជបណ្ឌិតឯកទេស
ហេង សុខចម្រើន អនុប្រធាននៃមជ្ឈមណ្ឌលជាតិផ្តល់ឈាម និងមានការចូលរួមពីសំណាក់បុគ្គលិក
អតិថិជន និងដៃគូច្រើនជាង ១០០ នាក់ ។
ថ្លែងនៅក្នុងសន្ទរកថា លោក អុង មីងតិច នាយកប្រតិបត្តិ បានមានប្រសាសន៍ថា សកម្មភាពមនុស្សធម៌នេះ មិនត្រឹមតែបានបង្ហាញនូវ អំពើមនុស្សធម៌របស់អ្នកបរិច្ចាគម្នាក់ៗ ក្នុងការសង្គ្រោះជីវិតប៉ុណ្ណោះទេ ប៉ុន្ដែថែមទាំងបង្ហាញពីគំនិតផ្ដួចផ្ដើមរបស់វិស័យក្រុមហ៊ុន ឬុឯកជន ទៅដល់សេវាសហគមន៍ ។ លោកក៏បានគូសបញ្ជាក់ អំពីសារសំខាន់នៃការបរិច្ចាគឈាម ជាប្រចាំដើម្បីរក្សាសុខភាពរឹងមាំ ព្រមទាំងធានាដល់ការផ្គត់ផ្គង់ឈាម ប្រកបដោយចីរភាព សម្រាប់បុគ្គលដែលត្រូវការឈាម ដោយសារការបរិច្ចាគរបស់បុគ្គលម្នាក់ គឺជាអំណោយសង្គ្រោះជីវិត ដែលមិនអាចកាត់ថ្លៃបានសម្រាប់ជីវិតមនុស្សបីនាក់ ។ ក្នុងស្មារតីរួមគ្នាតែមួយ គ្មានភាពរីករាយណា ដែលប្រសើរជាងការផ្ដល់ “អំណោយឈាម” ដើម្បីសង្គ្រោះជីវិតមនុស្សក្នុងព្រះរាជាណាចក្រកម្ពុជាទេ ។
លោកបានបន្ថែមទៀតថា ធនាគារនឹងបន្ដដើរតួនាទីយ៉ាងសកម្មក្នុងការរៀបចំ ក៏ដូចជាការចូលរួមគំនិតផ្ដួចផ្ដើម ដើម្បីសកម្មភាពមនុស្សធម៌ និងគម្រោងក្នុងសហគមន៍ផ្សេងៗ សំដៅជួយដល់ទុរគតជននៅ ក្នុងព្រះរាជាណាចក្រកម្ពុជា ៕ អត្ថបទសហការ
ចែករំលែកព័តមាននេះ