ខេត្តកំពង់ឆ្នាំង ៖ ដើម្បីទប់ស្កាត់ការរីករាលដាលនៃជំងឺ លើសត្វពាហនៈ ដែលជាកម្លាំងអូសទាញ របស់ប្រជាកសិករ មន្ត្រីការិយាល័យផលិតកម្មនិងបសុជាព្យាបាល ខេត្តកំពង់ឆ្នាំងនៅព្រឹកថ្ងៃទី ២៥ ខែកុម្ភៈ…
ខេត្តកំពង់ឆ្នាំង ៖ ដើម្បីទប់ស្កាត់ការរីករាលដាលនៃជំងឺ លើសត្វពាហនៈ ដែលជាកម្លាំងអូសទាញ របស់ប្រជាកសិករ មន្ត្រីការិយាល័យផលិតកម្មនិងបសុជាព្យាបាល ខេត្តកំពង់ឆ្នាំងនៅព្រឹកថ្ងៃទី ២៥ ខែកុម្ភៈ ឆ្នាំ ២០២៦ បានចុះចាក់វ៉ាក់សាំងការពារជំងឺបូសខ្យល់ ដល់សត្វគោក្របីរបស់ប្រជាពលរដ្ឋជាច្រើនក្បាល នៅឃុំចោងស្រុក ទឹកផុស។
លោក ហ៊ុន លី អនុប្រធានការិយាល័យ ផលិតកម្មនិងបសុ ព្យាបាល ខេត្តកំពង់ឆ្នាំង បានបញ្ជាក់ថា ដើម្បីទប់ស្កាត់ការរាលដាលនៃជំងឺលើសត្វគោក្របី ដែលមានអត្រាស្លាប់ច្រើននៅរដូវប្រាំងនេះ ពិសេសជំងឺបូសខ្យល់ ដែលតែងកើតមានឡើងនៅខែក្តៅខ្លាំង ថ្ងៃនេះលោកបានដឹកនាំមន្ត្រីពេទ្យសត្វ ដែលបានការចូលរួមពី លោក ផូ ផល្លី អភិបាលរងស្រុកទឹកផុស ចុះចាក់វ៉ាក់សាំងលើសត្វគោក្របីរបស់បងប្អូនប្រជាពលរដ្ឋក្នុង ឃុំ ចោងម៉ោង ។
ក្រៅពីចាក់វ៉ាក់សាំងដល់សត្វគោក្របីរបស់ប្រជាពលរដ្ឋ លោក ល៊ុន លី ក៏បានណែនាំដល់បងប្អូនប្រជាពល យកចិត្តទុកដាក់ថែរក្សាសត្វគោក្របី ដោយដាក់ឲ្យដេកក្នុងក្រោលបានត្រឹមត្រូវ ឱ្យចំណីនិងទឹកឲ្យបានគ្រប់គ្រាន់ ហើយបើមានការសង្ស័យថាមានជំងឺបូសខ្យល់ ឬជំងឺផ្សេងទៀតលើសត្វគោក្របីសូមទំនាក់ទំនងពេទ្យសត្វភូមិជាបន្ទាន់ដើម្បីចុះព្យាបាលទាន់ពេលវេលា។
ជាលទ្ធផលនៅព្រឹកថ្ងៃដដែលនោះ គឺចាក់វ៉ាក់សាំងលើគោក្របីបងប្អូនប្រជាពលរដ្ឋបានចំនួន ១៨៥ ក្បាល ក្នុងនោះក្របី ៧៥ ក្បាល ហើយការវ៉ាក់សាំងនិងបន្តទៅឃុំផ្សេងទៀតក្នុងស្រុកទៅផង ៕
ចែករំលែកព័តមាននេះ