រាជធានីភ្នំពេញ ៖ ក្រុមហ៊ុន A.V.R (Asia Vehicle Rental) ដែល​ជា​ក្រុមហ៊ុន​បុត្រ​សម្ព័ន្ធ​របស់ RMA Group បាន​ប្រារព្ធ​ខួប ​15 ឆ្នាំ​នៃប្រតិបត្តិ​ការ​របស់​ខ្លួន​នៅ​ក្នុង​ប្រទេស​កម្ពុជា កាលពី​ថ្ងៃ​ទី 28 ខែមករា ឆ្នាំ​ 2026 ​។ កម្មវិធី​នេះ​ត្រូវ​បាន​រៀបចំ​ឡើង​នៅ The Premier Center Sen Sok ក្រោម​អធិបតីភាព​របស់​លោក ង​ន សាំង អគ្គនាយក​ក្រុមហ៊ុន RMA Cambodia និង ក្រុមហ៊ុន A.V.R (Asia Vehicle Rental)​ ។

កម្មវិធី​នេះ​បាន​បង្ហាញ​អំពី​ប្រវត្តិ និង​ការ​រីក​ចម្រើន​របស់​ក្រុមហ៊ុន A.V.R ដែល​បាន​ចាប់ផ្តើម​ដំណើរការ តាំងពី​ឆ្នាំ​ 2010​ ។ នៅ​ក្នុង​ឆ្នាំ 2014 ក្រុមហ៊ុន A.V.R បាន​ទទួល​សិទ្ធិ​ផ្តាច់មុខ​ពី ក្រុមហ៊ុន​ AVIS Budget Group ដើម្បី​ដំណើរការ​សេវាកម្ម​ជួល រថយន្ត​លំដាប់​អន្តរជាតិ ដ៏​ល្បីល្បាញ​មួយ ដែល​មានឈ្មោះ​ថា AVIS​ ។ AVIS Cambodia ផ្តល់​ជូន​អតិថិជន នូវ​ជម្រើស សេវាកម្ម​ជួល​រថយន្ត​ជា​ច្រើន​សម្បូរ​បែប ដូច​ជា​ការ​ជួល​រថយន្ត​ សម្រាប់​បើកបរ​ដោយ​ខ្លួនឯង ការ​ជួល​រថយន្ត​រួម​ជាមួយ​អ្នកបើកបរ ជាមួយ​ជម្រើស​នៃ​រយៈពេល​ជួល និង​ប្រភេទ​រថយន្ត​អាច​បត់បែន​តាម​តម្រូវការ​ប្រើប្រាស់​ដែល​ផ្តល់​នូវ​បទ​ពិសោធន៍​នៃ​ការ​ធ្វើ​ដំណើរ​ ដ៏​ល្អ​ឥត​ខ្ចោះ​រួម​ជាមួយ​លក្ខខណ្ឌ​ នៃ​ការ​ជួល​ដ៏​សម្បូរ​បែប សេ​វ៉ា​ធានា​រ៉ាប់រង​ក្នុង​ការ​ធ្វើ​ដំណើរ និង​អត្ថប្រយោជន៍​នៃ​ការ​ជួល​ជា​ច្រើន​ទៀត ​។

ក្នុង​ឱកាស​ថ្លែង​សុន្ទរកថា​ស្វាគមន៍ លោ​ក ង​ន សាំង បាន​លើក​ឡើង​អំពី​ភាព​ជោគជ័យ​របស់ AVIS Cambodia ដែល​ត្រូវ​បាន​ទទួលស្គាល់​ជា​ក្រុមហ៊ុន​ជួល​រថយន្ត​ឈានមុខ​គេ នៅ​កម្ពុជា​ចំនួន 6 ឆ្នាំ​ជាប់​ៗ​គ្នា​ចាប់តាំងពី​ឆ្នាំ ​2019 ពី World Travel Awards ​។ ដោយ​មានការ​រីក​ចម្រើន​ជា​បន្តបន្ទាប់ នៅ​ក្នុង​ឆ្នាំ 2019 ក្រុមហ៊ុន A.V.R បាន​ដាក់​ដំណើរការ​សេវាកម្ម​ជួល​ឧបករណ៍ ម៉ាស៊ីន និងរថយន្ត​ធន់​ធ្ងន់ ដែល​មានឈ្មោះ​ថា Budget​ ។ សព្វថ្ងៃ Budget Cambodia មាន​ផ្តល់​សេវាកម្ម​ជួល​ផលិតផល​យ៉ាង​សម្បូរ​បែប ដូច​ជា​រថយន្ត​ធុន​ធ្ងន់​សម្រាប់​អាជីវកម្ម គ្រឿងចក្រ​សម្រាប់​វិស័យ​សំណង់ គ្រឿងចក្រ​កសិកម្ម ឧបករណ៍​ប្រើប្រាស់​ក្នុង​ឃ្លាំង ម៉ាស៊ីន​សម្អាត និង​ម៉ាស៊ីនភ្លើង សម្រាប់​គាំទ្រ​ដល់​វិស័យ​នានា ​នៅ​ក្នុង​ប្រទេស​កម្ពុជា ​។

ស្រប​ពេល​ដែល​យើង​កំពុង​ក្រឡេក​មើល​អតីត​កាលពី 15 ឆ្នាំ​មុន និង 15 ក្រោយ លោកនាយក​បាន​សម្តែង​សេចក្តី​សោមនស្ស​រីករាយ​និង​ទទួលស្គាល់​នូវ​ការ​ខិតខំ​ប្រឹងប្រែង​របស់​ក្រុមការងារ​ពី​គ្រប់​ផ្នែក​ទាំងអស់ ដែល​ធ្វើ​ឲ្យ​ក្រុមហ៊ុន​ទទួល​បានការ​រីក​ចម្រើន​ជា​បន្តបន្ទាប់ មក​ដល់​សព្វ​ថ្ងៃនេះ​។ តួយ៉ាង​នៅ​ក្នុង​ប្រទេស​កម្ពុជា​យើង​ផ្ទាល់​គឺ​មានការ​ពង្រីក​រហូត​ដល់ 3 ទីតាំង ដែល​ស្ថិត​នៅ​ក្នុង ទីក្រុង​ភ្នំពេញ ខេត្តសៀមរាប និង​ខេត្ត​ព្រះ​សីហ​នុ​ ។

គួរ​បញ្ជាក់​ផង​ដែល​ថា ក្រុមហ៊ុន A.V.R ត្រូវ​បាន​ទទួលស្គាល់​ថា​ ជា​ក្រុមហ៊ុន​ដំបូង​គេ ដែល​ផ្តល់​សេវាកម្ម​ជួល​រថយន្ត​លំដាប់​អន្តរជាតិ និង​ឆ្លងកាត់​គ្រប់​ឧបសគ្គ​ដើម្បី​ពង្រឹងគុណភាព​សេវាកម្ម​ជួល​រថយន្ត​នៅ​ក្នុង​ទីផ្សារ​ប្រទេស​កម្ពុជា​ ។ ក្រុមហ៊ុន A.V.R បាន​ពង្រីក​សេវាកម្ម​ជួល​របស់​ខ្លួន​ឲ្យ​ក្លាយជា​ក្រុមហ៊ុន​ដែល​ផ្តល់​ដំណោះស្រាយ​លើ​សេវាកម្ម​ជួល​ផលិតផល​សម្បូរ​បែប​នៅ​កន្លែង​តែ​មួយ ដែល​ផ្តល់​ជូន​នូវ​ផលិតផល​មានគុណ​ភាព​ខ្ពស់ ជួយ​គាំទ្រ​ដល់​វិស័យ​សំណង់ វិស័យ​កសិកម្ម វិស័យ​នាំ​ចេញ​-​នាំ​ចូល និង​វិស័យ​ជា​ច្រើន​ទៀត​ ។ ជាមួយនឹង​បទ​ពិសោធន៍​ជាង 15​ឆ្នាំ រួម​ជាមួយ​រថយន្ត​និង​ផលិតផល​រាប់​ពាន់​គ្រឿង ក្រុមហ៊ុន A.V.R ស័​ក្ត​សមជា​ជម្រើស​ដៃគូ​អាជីវកម្ម ដ៏​គួរ​អោយ​ទុកចិត្ត និង​ផ្តល់​សេវាកម្ម​ដ៏​ល្អ​បំផុត​នៅ​កម្ពុជា ​៕ អត្ថបទសហការ