រាជធានីភ្នំពេញ ៖ នៅថ្ងៃ​ទី 30 ខែមករា ឆ្នាំ 2026 នេះ មន្ទីរពេទ្យ Sunway Medical Centre, Sunway City (SMC) ដែល​ជា​មន្ទីរពេទ្យ​ឯកជន​កម្រិត​ខ្ពស់​បំផុត និង​ធំ​បំផុត​នៅ​ប្រទេស​ម៉ា​ឡេ​ស៊ី បានបើក​ដំណើរការ​ ដោយ​ជោគជ័យ​នូវ​ពិព័រណ៍ Sunway Medical City Expo 2026 ជា​លើក​ដំបូង ដែល​ប្រារព្ធ​ឡើង​ចាប់ពី​ថ្ងៃ​ទី 30 ខែមករា ដល់​ថ្ងៃ​ទី 1 ខែកុម្ភៈ ឆ្នាំ 2026 នៅ AEON Mall 2 ទីក្រុងភ្នំពេញ ដែល​ជា​សញ្ញា​សម្គាល់​ដ៏​សំខាន់​មួយ​ក្នុង​ការ​ពង្រឹង​ទំនាក់ទំនង​លើ​វិស័យ​សុខាភិបាល និងទេសចរណ៍​វេជ្ជសាស្ត្រ រវាង​ប្រទេស​ម៉ា​ឡេ​ស៊ី និង​ប្រទេស​កម្ពុជា​ ។

ពិព័រណ៍​នេះ​ត្រូវ​បាន​បើក​ជា​ផ្លូវការ​ក្រោម​អធិបតីភាព ឯកឧត្តម សំ​ហេង បូ​រ៉ា រដ្ឋលេខាធិការ​ក្រសួង ពាណិជ្ជកម្ម​នៃ​ព្រះរាជាណាចក្រ​កម្ពុជា និងឯកឧត្តម Shaharuddin bin Onn ឯកអគ្គរដ្ឋទូត​ម៉ា​ឡេ​ស៊ី ប្រចាំ​កម្ពុជា ដោយ​មាន​វត្តមាន លោក​វេជ្ជបណ្ឌិត Khoo Chow Huat នាយក​គ្រប់គ្រង​ផ្នែក​ប្រតិបត្តិការ មន្ទីរពេទ្យ និង​សុខាភិបាល​នៃ Sunway Healthcare Group តំណាង​ឱ្យ SMC​ ។

ព្រឹត្តិការណ៍​នេះ​ក៏​មានការ​ចូលរួម​ពី​ដៃគូ​យុទ្ធសាស្ត្រ​របស់ Sunway នៅ​កម្ពុជា រួម​មាន AirAsia Cambodia និង Tourism Malaysia ដែល​បង្ហាញ​ពី​ទំនាក់ទំនង​យ៉ាង​ជិត​ស្និទ្ធ​ក្នុង​ការ​ទទួលយក​ស វា​ថែទាំ​សុខភាព និង​ការ​ធ្វើ​ដំណើរ​ទេសចរណ៍​វេជ្ជសាស្ត្រ​ផង​ដែរ​ ។

ក្នុង​រយៈពេល​បី​ថ្ងៃ​នៃ​ពិព័រណ៍​នេះ​បាន​បង្ហាញ​ឱ្យ​ឃើញ​ថា មន្ទីរពេទ្យ Sunway Medical Centre, Sunway City គឺជា​គោលដៅ​សុខាភិបាល​ឈានមុខ​គេ ​សម្រាប់​អ្នកជំងឺ​ពី​ប្រទេស​កម្ពុជា ខណៈ​ពេល ដែល​បង្ហាញ​ពី​ប្រព័ន្ធ​អេកូ​ស៊ី​ស្ទឹម​រួម​បញ្ចូល​គ្នា​របស់ Sunway ដែល​រួម​មាន Sunway Sanctuary សួន​កម្សាន្ត សណ្ឋាគារ និង​រមណីយដ្ឋាន ព្រមទាំង​វិស័យ​អប់រំ ផង​ដែរ ដើម្បី​ឆ្លើយ​តប​ទៅ​នឹង​ការ​កើន ឡើង​នៃ​ចំណាប់អារម្មណ៍​ក្នុង​ការ​ស្វែងរក​សេវា​ព្យាបាល និង​សុខុមាលភាព​នៅ​ទីក្រុង​គូ​ឡា​ឡាំ​ពួរ​ ។

ក្នុង​ពេល​ថ្លែង​សុន្ទរកថា​នៅ​ពិធី​បើក លោក​វេជ្ជបណ្ឌិត Khoo Chow Huat បាន​មាន​ប្រសាសន៍​ថា​៖ «Sunway Medical City Expo 2026 គឺជា​វេទិកា​មួយ​ដើម្បី​នាំ​យក​ព័ត៌មាន​ផ្នែក​សុខាភិបាល ​ដែល​អាច ជឿ​ទុកចិត្ត​បានឱ្យ​កាន់តែ​ជិត​ស្និទ្ធ​ជាមួយ​អ្នកជំងឺ​ពី​ប្រទេស​កម្ពុជា ខណៈ​ពេល​ដែល​កំពុង​ពង្រឹង​លើទំនាក់ទំនង​រវាង​ប្រទេស​ម៉ា​ឡេ​ស៊ី និង​ប្រទេស​កម្ពុជា ក្នុង​ការ​ទទួល​បាន​សេវា​ថែទាំ​សុខភាពទេសចរណ៍វេជ្ជសាស្ត្រ និង​ការ​គាំទ្រ​សម្រាប់​អ្នកជំងឺ​ផ្ទាល់​» ។

ស្រប​ពេល​ជាមួយនឹង​ការ​រៀបចំ​ពិព័រណ៍​នេះ មន្ទីរពេទ្យ Sunway Medical Centre, Sunway City ក៏ បាន​ប្រកាស​អំពី​ភាព​ជា​ដៃគូ​ថ្មី​ជាមួយ Forte Insurance, FTB Bank និង AIA Cambodia ដោយ មាន​គោលបំណង​បង្កើន​ភាព​ងាយស្រួល​ក្នុង​ការ​ធ្វើ​ដំណើរការ​របស់​អ្នកជំងឺ សម្រួល​ដល់​សេវា​សុខា​ភិ​បា ល​ឆ្លង​ដែន និង​ធ្វើ​ឲ្យ​បទ​ពិសោធន៍​របស់​អ្នកជំងឺ​ជា​រួម​កាន់តែ​ប្រសើរ​។ គម្រោង​នានា​រួម​មាន ដំណោះ ស្រាយ​ទូទាត់​ប្រាក់​ដោយ​មិន​ប្រើ​សាច់ប្រាក់ ជាមួយ​ដៃគូ​ធនាគារ​ក្នុងស្រុក ក៏​បង្ហាញ​ពី​ការ​ប្តេជ្ញា​ចិត្ត​របស់ SMC ដើម្បី​ផ្ដល់​ភាព​ងាយស្រួល​ដល់​អ្នកជំងឺ​ផង​ដែរ​ ។

ក្នុង​អំឡុង​ពិព័រណ៍ អ្នកចូលរួម​ក៏​អាច​ជួប​ជាមួយ​អ្នកតំណាង​របស់ SMC ដើម្បី​ទទួល​បាន​ព័ត៌មាន​វេជ្ជ​សាស្ត្រ ការ​រៀប​ចំការ​ណាត់ជួប​ពេទ្យ និង​ស្វែង​យល់​ពី​កញ្ចប់​ពិសេស​ផ្សេង​ៗ និង​ចូលរួម​សកម្មភាព​ជា​ច្រើន រួម​មាន ការ​ពិនិត្យ​ជាតិ​ស្ករ​ក្នុង​ឈាម ការ​ពិនិត្យ​លើ BMI ការ​ពិនិត្យ​ភ្នែក ព្រមទាំង​ការ​បង្ហាញ​អំពី​អាជីវ កម្ម និង​កម្មវិធី​ចាប់​រង្វាន់​ផ្សេង​ៗ​នៅ​ទីតាំង​ផ្ទាល់ ​។

ពិព័រណ៍​នេះ​ក៏​បាន​ផ្តល់​ជូន​សម្រាប់​អ្នកចូលរួម​នូវ​ទិដ្ឋភាព​ដ៏​ទូលំទូលាយ​អំពី​សេវា​សុខាភិបាល​ដែល​មាន នៅ​មន្ទីរពេទ្យ Sunway Medical Centre, Sunway City ព្រមទាំង​អាច​ស្វែង​យល់​អំពី​សេវាកម្ម​ផ្សេ ង​ៗ​របស់ Sunway លើ​បដិសណ្ឋារកិច្ច សុខុមាលភាព ការ​កម្សាន្ត និង​ការ​អប់រំ​ផង​ដែរ ៕ អត្ថបទសហការ