រាជាធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ កាលពីថ្ងៃទី២២ ខែមករា ឆ្នាំ២០២៦ បានប្រកាសសាលក្រមផ្តន្ទាទោសអតីតឧកញ៉ា ហេង សិទ្ធី ភេទប្រុស…
រាជាធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ កាលពីថ្ងៃទី២២ ខែមករា ឆ្នាំ២០២៦ បានប្រកាសសាលក្រមផ្តន្ទាទោសអតីតឧកញ៉ា ហេង សិទ្ធី ភេទប្រុស អាយុ៣៦ឆ្នាំ មានចំនួន៤សំណុំរឿង តម្រូវឲ្យអនុវត្តក្នុងពន្ធនាគារកំណត់១៣ និង៦ខែ មិនសុខចិត្តបើកផ្លូវឲ្យប្តឹងឧទ្ធរណ៍តាមកំណង់ច្បាប់ ។
សាលក្រមទី១ លើសំណុំរឿង.បទហឹង្សាដោយចេតនា ដាក់ពន្ធនាគារកំណត់២ឆ្នាំ ។ សាលក្រមទី២ លើសំណុំរឿង.បទបរិហារកេរ្តិ៍ និងបទញុះញង់ឱ្យមានការរើសអើង ដាក់ពន្ធនាគារកំណត់១ឆ្នាំ៦ខែ ។ សាលក្រមទី៣ លើសំណុំរឿង.បទ ញុះញង់បង្កឲ្យមានភាពវឹកវរធ្ងន់ធ្ងរដល់សណ្ដាប់ធ្នាប់សង្គម ដាក់ពន្ធនាគារកំណត់២ឆ្នាំ ។ សាលក្រមទី៤ លើសំណុំរឿង.បទ កំរាមកំហែងហែកកេរ្តិ៍មានស្ថានទម្ងន់ទោស ដាក់ពន្ធនាគារកំណត់៨ ឆ្នាំ ។ ដូច្នោះ ទោសសរុបទាំង៤សំណុំរឿង ជនជាប់ចោទត្រូវអនុវត្តក្នុងពន្ធនាគារចំនួន១៣ឆ្នាំកន្លះ ដែលបច្ចុប្បន្នជនជាប់ចោទអតីតឧកញ៉ា ហេង សិទ្ធី កំពុងជាប់ឃុំនៅពន្ធនាគារ(ម៣)ត្រពាំងផ្លុង ខេត្តត្បូងឃ្មុំ ។
សូមជម្រាបថា សាលាដំបូងរាជធានីភ្នំពេញ កាលពីថ្ងៃទី២៥ ខែធ្នូ ឆ្នាំ២០២៥ បានសម្រេចលើកពេលប្រកាសសាលក្រម អតីតឧកញ៉ា ហេង សិទ្ធី ពាក់ព័ន្ធសំណុំរឿងការចោទប្រកាន់ពីបទ.ហិង្សាដោយចេតនា និងគំរាមកំហែងហែកកេរ្តិ៍ និង២សំណុំរឿងទៀតទៅថ្ងៃក្រោយ ។ កាលពីព្រឹកថ្ងៃទី២០ ខែវិច្ឆិកា ឆ្នាំ២០២៥ សាលាដំបូងរាជធានីភ្នំពេញ បានលើកយកសំណុំរឿងអតីតៈឧកញ៉ា ហេង សិទ្ធី មកបើកសវនាការជំនុំជម្រះទោសជាសាធារ ណៈ ពាក់ពន្ធបទល្មើសចំនួន២ ៖
១.សំណុំរឿងព្រហ្មទណ្ឌលេខ ៥០៦៩ ចុះថ្ងៃទី២៨ ខែសីហា ឆ្នាំ២០២៥ ជាប់ចោទពីបទ.ហិង្សាដោយចេតនា និង២.សំណុំ រឿងព្រហ្មទណ្ឌលេខ ៧៦៣៧ ចុះថ្ងៃទី២១ ខែវិច្ឆិកា ឆ្នាំ២០២៤ ពីបទ.គំរាមកំហែងហែកកេរ្តិ៍ ដែលទាំងពីសំណុំរឿងនេះគឺមានលោក ញឹម ពិសាល ជាប្រធានប្រឹក្សាជំនុំជំនះ និងលោក សេង ហៀង ព្រះរាជអាជ្ញារង តំណាងអយ្យការអមសាលាដំបូងរាជធានីភ្នំពេញ ដែលសវនាការបានធ្វើឡើងជាសាធារណៈ ចំពោះមុខជនត្រូវចោទ និងមេធាវីការពារសិទ្ធិឲ្យភាគីទាំងសងខាង ។ សវនាការបានសាកសួរដេញដោលស្របតាមនីតិវិធី រហូតដល់ទីបញ្ចប់ ទើបប្រធានក្រុមប្រឹក្សាជំនុំជម្រះ សម្រេចលើកពេលប្រកាសសា លក្រមទៅថ្ងៃក្រោយដោយមិនកំណត់ ។
សូមជម្រាបទៀតថា អង្គហេតុសំណុំរឿងទី១ ការចោទប្រកាន់ពីបទ.ហិង្សាដោយចេតនា ជនត្រូវចោទឈ្មោះ ហេង សិទ្ធី បានប្រ ព្រឹត្តបទល្មើសយកវត្ថុរឹង (ម្ជុលធ្វើតេស្តទឹកនោម) ចាក់ទៅលើជនជាប់ឃុំនៅក្នុងពន្ធនាគារជាមួយគ្នា បណ្តាលឲ្យមានរបួសស្នាម ។ ប៉ុន្តែចម្លើយជនត្រូវចោទនៅចំពោះមុខតុលាការ បានផ្ទុយមកវិញថា ជាការប្រលែងគ្នាលេង មិនមែនជាការប្រព្រឹត្តបទល្មើសដូចការចោទប្រកាន់ទេ ។ តែទោះជាចម្លើយដោះបន្ទុករបស់ជនសង្ស័យយ៉ាងណាក្តី ការសម្រេចសេចក្តីនិងការវិច្ឆ័យទោស ទោស វាអាស្រ័យទៅការលើភស្តុតាង សាក្សី អង្គហេតុ និងអង្គច្បាប់ របស់តុលាការជាអ្នកសម្រេច ។
សំណុំរឿងទី២.ហាក់ដូចមិនចម្លែកទេ ជាប់ចោទពីបទ.គំរាមកំ ហែងហែកកេរ្តិ៍ អង្គហេតុដែលផ្តើមចេញពីការងារក្រុមហ៊ុនរកស៊ីជាមួយគ្នា លុះពេលបែកបាក់គ្នាតែងតែ មានបញ្ហារកាំរកុះប្រើពាក្យសំដីធ្ងន់ស្រាលទៅវិញទៅមកជាមិនខាន ។ បទល្មើសនេះក៏ត្រូវបានរង់ចាំការកាត់ក្តីពីតុលាការដែរ ។
គួររំលឹកថា កាលពីរសៀលថ្ងៃទី២៥ ខែឧសភា ឆ្នាំ២០២៥ លោកស្រី យី សុខវួច ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាសម្រេចឃុំខ្លួនអតីតឧកញ៉ា ហេង សិទ្ធី ដាក់ពន្ធនាគារម១ ព្រៃស ជាបណ្តោះអាសន្ន ។ តាមដីកាបង្គាប់ឲ្យឃុំខ្លួនរបស់លោកស្រីចៅក្រមស៊ើបសួរបានបញ្ជាក់ថា បានឃើញសំណុំរឿងស៊ើបសួរលេខ ៥៥៥៩ ចុះថ្ងៃទី២ ខែធ្នូ ឆ្នាំ២០ ២៤ ដែលទាក់ទងនឹងឈ្មោះ ហេង សិទ្ធី ភេទប្រុស កើតថ្ងៃទី២៦ ឆ្នាំ១៩៨៩ មុខរបរ ពាណិជ្ជករ ទីលំនៅមុនពេលឃាត់ ខ្លួននៅផ្ទះលេខ៦២LM ផ្លូវលេខ២០៥ ភូមិ៤ សង្កាត់ទំនប់ទឹក ខណ្ឌបឹង កេងកង រាជធានីភ្នំពេញ ប្រពន្ធ (លែងលះ) មានកូន៤ នាក់ ។ ជននេះត្រូវបានដាក់ឲ្យស្ថិតនៅក្រោមការ ពិនិត្យ ពីបទ.គំរាមកំ ហែងហែកកេរ្តិ៍ស្ថានទម្ងន់ទោស ប្រព្រឹត្តិនៅប្រទេសកម្ពុជា ក្នុងខែវិច្ឆិកា ឆ្នាំ២០២៤ បទល្មើសព្រហ្មទណ្ឌដែលមានចែងឲ្យផ្តន្ទាទោសតាមបញ្ញត្តិមាត្រា ៣៧២ និងមាត្រា ៣៧៤ នៃក្រមព្រហ្ម ទណ្ឌ ។
អតីតឧកញ៉ា ហេង សិទ្ធី ត្រូវបានសមត្តកិច្ចនគរបាលជាតិនៃប្រទេសកម្ពុជា សហការជាមួយអាជ្ញាធរនៃប្រទេសរុស្សី បាននាំខ្លួនពីប្រទេសរុស្សីតាមដីការបស់ចៅក្រមស៊ើបសួរសាលាដំបូងរាជធានីភ្នំពេញ ដោយនាំយកទៅឃុំខ្លួនជាបណ្តោះអាសន្ននៅពន្ធនាគារម១ព្រៃស ដើម្បីបើកការស៊ើបអង្កេតលើការចោទប្រកាន់នោះ ។ ប៉ុន្តែក្រោយមកដោយមានរឿងរ៉ាវ ជាមួយជនជាប់ចោទនៅក្នុពន្ធនាគារដូចគ្នា ជនត្រូវចោទអតីតឧកញ៉ា ហេង សិទ្ធី ត្រូវបានផ្ទេរទៅពន្ធត្រពាំងផ្លុង ខេត្តត្បូងឃ្មុំវិញ ៕
ចែករំលែកព័តមាននេះ