រាជធានីភ្នំពេញ ៖ ថ្នាក់ដឹកនាំព្រមទាំងបុគ្គលិក មកពីក្រុមហ៊ុនជាច្រើន បានចូលរួមបរិច្ចាគឈាម ជូនមជ្ឈមណ្ឌលជាតិផ្តល់ឈាម នៅអគារ ដឺ ព្រេមៀសែនធ័រ សែនសុខ…
រាជធានីភ្នំពេញ ៖ ថ្នាក់ដឹកនាំព្រមទាំងបុគ្គលិក មកពីក្រុមហ៊ុនជាច្រើន បានចូលរួមបរិច្ចាគឈាម ជូនមជ្ឈមណ្ឌលជាតិផ្តល់ឈាម នៅអគារ ដឺ ព្រេមៀសែនធ័រ សែនសុខ នៅថ្ងៃទី ២១ ខែមករា ឆ្នាំ២០២៦ នេះ ក្រោមប្រធានបទ «រួមគ្នាសង្គ្រោះជីវិត រួមគា្នបរិច្ចាគឈាម» ។
លោក មាន សំអុល នាយកប្រតិបត្តិ ដឺ ព្រមៀ លែន បានឱ្យដឹងថា ៖ «ការបរិច្ចាគឈាមនៅថ្ងៃនេះ យើងសង្ឃឹមថា នឹងអាចជួយជីវិតប្រជាជនផ្សេងទៀតជាច្រើនដែលកំពុងត្រូវការឈាម ។ ឈាមយើងម្នាក់ៗ គឹមានតម្លៃមហាសាល និងអាចជួយជីវិតមនុស្សបានទៀតផង ។ ការបរិច្ចាគនៅថ្ងៃនេះ យើងបានប្រមូលគ្នាមកបានប្រហែលជាង ៣៨០នាក់ ដែលប្រហែលជាអាចទទួលបាន ៣០០ប្លោកជាង ទាំងនេះគឺជាការធ្វើបុណ្យយ៉ាងធំធេងបំផុត ។ ពេលនេះគ្រាន់តែជាឆ្នាំចាប់ផ្តើមទេ ពួកយើងនឹងព្យាយាមបន្តធ្វើយ៉ាងណាបរិច្ចាគឈាមឱ្យបាន ១ម្តង» ។
ជាមួយគ្នានេះផងដែរ លោកស្រីវជ្ជ.ឯកទស ហេង សុខចំរើន អនុប្រធានមជ្ឈមណ្ឌលជាតិផ្ដល់ឈាម ក៏បានថ្លែងអំណរគុណសប្បុរសជនទាំងអស់ ដែលបានបរិច្ចាគឈាមនាពេលនេះ ។ លោកស្រីបានឱ្យដឹងថា ៖ «សកម្មភាពគ្រប់បែបយ៉ាងនាពេលនេះ ក៏ដូចជាសកម្មភាពរបស់សប្បុរសជននានាកន្លងមក គឺដើម្បីលើកកម្ពស់ការបរិច្ចាគឈាមដោយស្ម័គ្រចិត្ត និងមិនទទួលកម្រៃ ដែលរួមចំណែកជួយសង្គ្រោះជីវិតជនរងគ្រោះ» ។
លោកស្រីវជ្ជ. បន្តថា ៖ យុទ្ធនាការ «រួមគ្នាសង្គ្រោះជីវិត រួមគ្នាបរិច្ចាគឈាម» នាថ្ងៃនេះ គឺជាប្រធានបទដ៏មានអត្ថន័យសម្រាប់យើង ទាំងអស់គ្នា និងមានគោលបំណងសំខាន់ ២ គឺ ៖ ទី ១ បង្កើតទម្លាប់ និងវប្បធម៌នៃការបរិច្ចាគឈាមដោយស្ម័គ្រចិត្ត ដើម្បីជំរុញការលើកកម្ពស់ឱ្យយុវជន និងប្រជាជនទូទៅ ចូលរួមធ្វើសកម្មភាពជាមួយសេវាកម្មជាតិផ្ដល់ឈាមនៅទូទាំងប្រទេស ដើម្បីធានាឱ្យ មានការផ្គត់ផ្គង់ឈាមគ្រប់គ្រាន់សម្រាប់អ្នកជំងឺដែលកំពុងត្រូវការឈាមនៅគ្រប់មន្ទីរពេទ្យទាំងអស់ដោយ គ្មានការរើសអើង មិនប្រកាន់ជាតិសាសន៍ សាសនា ឬនិន្នាការនយោបាយ ។ និងទី ២ ផ្សារភ្ជាប់សកម្មភាពនៃការបរិច្ចាគឈាមដោយស្ម័គ្រចិត្ត ទៅនឹងសកម្មភាពមនុស្សធម៌ដ៏ល្អប្រពៃ ក្នុងសង្គម ។
លោកស្រីវជ្ជ. ក៏បានប្រាប់ពីអត្ថប្រយោជន៍ ៣ សំខាន់យ៉ាងនៃការបរិច្ចាគឈាម ៖
១. អត្ថប្រយោជន៍ផ្ទាល់ខ្លួន ៖ ការបរិច្ចាគឈាមម្តង យើងទទួលបានការពិនិត្យពិគ្រោះសុខភាពម្ដង ឱ្យយើងបានដឹងពីស្ថានភាពជំងឺឆ្លងផ្សេងៗដូចជា ៖ ជំងឺថ្លើមប្រភេទ បេ សេ ស្វាយ អេដស៍ ។ល។ ហើយក្រុមការងារនៃមជ្ឈមណ្ឌលជាតិ ផ្តល់ឈាម នឹងរក្សាសម្ងាត់ជូន ។ (ជួយកាត់បន្ថយផងដែរនូវហានិភ័យនៃជំងឺមហារីកនានា) ។
កាត់បន្ថយកំហាប់ឈាម និងការលើសជាតិដែក ដែលធ្វើឱ្យមានផលប៉ះពាល់ដល់ថ្លើម និងលំពែង ។ ជួយធ្វើឱ្យប្រសើរឡើងនូវសុខភាពបេះដូង បន្ថយការឡើងទម្ងន់ ជំងឺដាច់សរសៃឈាមក្នុងខួរក្បាល ។ អ្នកនឹងមានភាពសប្បាយរីករាយ នៅពេលអ្នកអាចក្លាយជាជំនួយការខានមិនបានម្នាក់សម្រាប់ វេជ្ជបណ្ឌិត ក្នុងការសង្គ្រោះជីវិតអ្នកជំងឺ ។
២. អត្ថប្រយោជន៍សម្រាប់សង្គមជាតិ ៖ ការបរិច្ចាគឈាម គឺជាសង្គហធម៌ដ៏ល្អប្រពៃសម្រាប់សង្គមជាតិ ការបរិច្ចាគឈាម គឺជាការប្រគល់ជូន ត្រលប់មកវិញនូវមាតា បិតា ស្វាមី ភរិយា បុត្រា បុត្រី ជាទីស្រឡាញ់ជូនក្រុមគ្រួសារវិញ នៅពេលពួកគាត់ជួប គ្រោះថ្នាក់ដល់ជីវិត ប្រកបដោយសមធម៌ធ្វើឱ្យសង្គមជាតិមួយមានសុជីវធម៌ គុណធម៌ និងវប្បធម៌ល្អ នេះគឺជា ការឆ្លើយតបយ៉ាងត្រឹមត្រូវទៅនឹងទិសស្លោក ៖ «យុវជនយុវនារី ដើម្បីបុព្វហេតុជាតិ និងមាតុភូមិ» «យើងទាំង អស់គ្នាអាចធ្វើបាន» ដែលជាភាសាបេះដូង មួយសម្រាប់យុវជនយើងទាំងអស់គ្នា ។ ការបរិច្ចាគឈាមមិនត្រឹម តែអាចជួយក្រុមគ្រួសារយើងប៉ុណ្ណោះទេ ថែមទាំងសង្គ្រោះជីវិតមនុស្សទូទៅក្នុងសង្គមជាតិឱ្យផុតពីជ្រោះមរណៈ ។
៣. អត្ថប្រយោជន៍សម្រាប់បរមជាតិខាងមុខ ៖ ព្រះពុទ្ធសាសនាជាសាសនារបស់រដ្ឋ ៩០% នៃប្រជាពលរដ្ឋរបស់យើងជាអ្នកកាន់ព្រះពុទ្ធសាសនា ។ ពុទ្ធសាសនិកទាំងអស់ តែងតែធ្វើបុណ្យដាក់ទាន ជាប់ជាប្រចាំនៅគ្រប់កម្មវិធីសាសនាទាំងអស់ ការបរិច្ចាគឈាមជាការធ្វើទានដែលបានផលានិសង្ឃច្រើន នេះបើយោងតាមគម្ពីរព្រះត្រៃបិដក និងធម្មទេសនា របស់ សម្តេចព្រះឧត្តមវង្សា គូ សុភាព ។ ការបរិច្ចាគឈាម គឺស្ថិតនៅក្នុងទានកម្រិតទី ២ «ទានឧបបារមី» (១.ទាន បារមី ២.ទានឧបបារមី ៣.ទានបរមត្ថបារមី ដែលយើងទាំងអស់គ្នាអាចធ្វើបាន ទោះបីគ្មាន លុយកាក់ក៏ ដោយ ព្រោះការបរិច្ចាគឈាមគឺជាការធ្វើទាន ដោយការលះបង់នូវកោសិការបស់ខ្លួន ដើម្បីជាគុណប្រយោជន៍ចាំបាច់ជួយសង្គ្រោះជីវិតអ្នកជំងឺ ។
សូមជម្រាបជូនផងដែរថា ការបរិច្ចាគឈាមនាពេលនេះ ត្រូវបានចូលរួមដោយ អ្នកឧកញ៉ា សេង ញ៉ក់ អគ្គនាយក គ្រី អេធីវ លីវីង លោកជំទាវអ្នកឧកញ៉ា លី អាផណ អគ្គនាយិកា គ្រី អេធីវ លីវីង ព្រមទាំងថ្នាក់ដឹកនាំ និងបុគ្គលិក ដែលមកពីបណ្តាក្រុមហ៊ុន រួមមាន៖ ក្រុមហ៊ុន ក្រុមហ៊ុន គ្រី អេធីវ លីវីង ឯ.ក, មជ្ឈមណ្ឌល ដឺ ត្រេមៀ សេនធ័រ សែនសុខ, ក្រុមហ៊ុន ដឺ ជ្រេមៀ លែន, ភោជនីយដ្ឋានចិន ដឹ ព្រេមៀ ផាលេស, ភោជនីយដ្ឋានជប៉ុន ហ្វជិ ថេប៉ាន់យ៉ាគិ, កំពង់ស្ពឺ ព្រមៀ ស្តេសល អ៊ីឃើណម៉ិក ហ្សូន, ភ្នំពេញសាហ្វារី, សារព័ត៌មានភីអិនអិន, ហ្គាឌិន ស៊ីធី វ៉តធើផាក, សណ្ឋាគារ ហ្គាឌិន ស៊ីធី, និងក្លិបវាយកូនហ្គោល ហ្គាឌិន ស៊ីធី ៕ អត្ថបទសហការ
ចែករំលែកព័តមាននេះ