រាជធានីភ្នំពេញ ៖ មន្ទីរពេទ្យអន្តរជាតិ អរៀនដា បានប្រារព្ធនូវពិធីសម្ពោធជាផ្លូវការ ផ្នែកវះកាត់ប្រព័ន្ធប្រសាទខួរក្បាលដែលជាផ្នែកមួយ និងពិសេសបំផុតសម្រាប់ការព្យាបាល និងវះកាត់ជូនអ្នកជំងឺនៅក្នុងមន្ទីរពេទ្យ អរៀនដា ។…
រាជធានីភ្នំពេញ ៖ មន្ទីរពេទ្យអន្តរជាតិ អរៀនដា បានប្រារព្ធនូវពិធីសម្ពោធជាផ្លូវការ ផ្នែកវះកាត់ប្រព័ន្ធប្រសាទខួរក្បាលដែលជាផ្នែកមួយ និងពិសេសបំផុតសម្រាប់ការព្យាបាល និងវះកាត់ជូនអ្នកជំងឺនៅក្នុងមន្ទីរពេទ្យ អរៀនដា ។ កម្មវិធីធ្វើឡើងនៅរសៀលថ្ងៃទី ០៩ ខែមករា ឆ្នាំ ២០២៦ ក្រោមអធិបតីភាពរបស់គណៈគ្រប់គ្រងនៃមន្ទីរពេទ្យអន្តរជាតិ អរៀនដា និងមន្ទីរពេទ្យ អរៀនដាចំការមន ព្រមទាំងថ្នាក់ដឹកនាំ បុគ្គលិក និងភ្ញៀវសរុបប្រមាណជាង ១០០នាក់ ។
គណៈគ្រប់គ្រងនៃមន្ទីរពេទ្យអន្តរជាតិ អរៀនដា បានថ្លែងថា ផ្នែកវះកាត់ប្រព័ន្ធប្រសាទខួរក្បាល មានវេជ្ជបណ្ឌិតឯកទេស មានបទពិសោធន៍ជាច្រើនឆ្នាំ មានសមត្ថភាពខ្ពស់អាចព្យាបាល និងវះកាត់បញ្ហាខួរក្បាលជាច្រើនជូនដល់អ្នកជំងឺ ជាមួយគ្រឿងបរិក្ខារទំនើបៗ និងវេជ្ជបណ្ឌិត បានបញ្ចប់ការសិក្សាឯកទេសមកពីប្រទេសចិន និងវគ្គបណ្ដុះបណ្ដាលមកពីប្រទេសជប៉ុន បទពិសោធន៍ជាង១០ឆ្នាំលើការវះកាត់ និងពិគ្រោះព្យាបាលអ្នកជំងឺរហូតដល់ ១០ម៉ឺនករណី ។
គួរបញ្ជាក់ផងដែរថា បច្ចុប្បន្ននេះ ជំងឺដាច់សរសៃឈាមខួរក្បាល និងជំងឺខួរក្បាលផ្សេងទៀត កំពុងតែកើនឡើងជាបន្តបន្ទាប់ដែលជាកង្វល់សុខភាពមួយដ៏សំខាន់ទូទាំងពិភពលោក ដែលអាចឈានទៅដល់ការបាត់បង់ជីវិត ប្រសិនបើមិនមានការជួយសង្គ្រោះទានពេលវេលា ។ មន្ទីរពេទ្យអន្តរជាតិ អរៀនដា បានបង្កើតផ្នែកវះកាត់ប្រព័ន្ធប្រសាទខួរក្បាលឡើងក្នុងគោលបំណងផ្ដល់ការព្យាបាលប្រកបដោយ ប្រសិទ្ធភាពសម្រាប់ប្រជាជននៅក្នុងស្រុកដោយមិនចាំបាច់ចេញទៅក្រៅប្រទេស ។
ចំពោះលោកអ្នកដែលមានអាការៈដូចជា ឈឺក្បាល វិលមុខ ស្រវាំងភ្នែក (ធ្លាក់ចុះរបកគំហើញ ) ហ៊ឹងត្រចៀកឬការស្ដាប់ធ្លាក់ចុះ ធ្លាក់មុខមួយចំហៀង ពិបាកក្នុងការនិយាយ ឬនិយាយមិនច្បាស់ ទន់មួយចំហៀងខ្លួន ស្ពឺមួយចំហៀងខ្លួន ពិបាកក្នុងការដើរ ឬដើរគ្មានលំនឹង បាត់បង់ការចងចាំ ឬការចងចាំចុះខ្សោយ ឧស្សាហ៍ភ័ន្តច្រឡំ ឬងាយវង្វេង ឧស្សាហ៍ឈ្លាក់ក្នុងពេលបរិភោគអាហារ សុទ្ធតែជាអាការៈដែលបង្ហាញថាខួរក្បាលរបស់លោកអ្នកអាចនឹងមានបញ្ហាដែលទាមទារឱ្យមកពិគ្រោះជាមួយវេជ្ជបណ្ឌិតឱ្យបានទាន់ពេលវេលា ។
ផ្នែកវះកាត់ប្រព័ន្ធប្រសាទខួរក្បាលនៅមន្ទីរពេទ្យអន្តរជាតិ អរៀនដា មានសេវាកម្មព្យាបាលជំងឺដូចជា ៖
ផ្នែកវះកាត់ប្រព័ន្ធប្រសាទខួរក្បាលនៅមន្ទីរពេទ្យអន្តរជាតិ អរៀនដា ក៏មានសេវាកម្មវះកាត់ដូចជា ៖
សម្រាប់ព័ត៌មានបន្ថែមនៃមន្ទីរពេទ្យអន្តរជាតិ អរៀនដា អាចធ្វើការទំនាក់ទំនងតាមលេខទូរសព្ទ 081 811 789 / 078 233 789 / 096 6233 789 ឬតាមរយៈតេលេក្រាមលេខ 078 233 789 ឬក៏អាចចូលទៅកាន់ទំព័រហ្វេសប៊ុក Facebook page : Orienda International Hospital ឬក៏អាចអញ្ជើញទៅកាន់ទីតាំងផ្ទាល់ស្ថិតនៅ អគារលេខ 66 ផ្លូវដួងងៀប 2 ភូមិដំណាក់ធំ ៣ សង្កាត់ស្ទឹងមានជ័យទី ៣ ខណ្ឌមានជ័យ រាជធានីភ្នំពេញ ៕ អត្ថបទសហការ
ចែករំលែកព័តមាននេះ