ប្រទេសបារាំង ៖ ដូចរាល់ឆ្នាំដែរ ក្នុងយប់ឆ្លងឆ្នាំ រថយន្តច្រើនគ្រឿងត្រូវបានដុតបំផ្លាញនៅបារាំង ។ ក្រសួងមហាផ្ទៃបារាំងចេញសេចក្ដីប្រកាសមួយពីតុល្យការនៃយប់ឆ្លងឆ្នាំ គឺរថយន្តដល់ជាង១០០០គ្រឿងរងការដុតបំផ្លាញ ហើយមនុស្សជាង៥០០នាក់បានត្រូវចាប់ខ្លួននៅបារាំងនាយប់ឆ្លងឆ្នាំ ។…
ប្រទេសបារាំង ៖ ដូចរាល់ឆ្នាំដែរ ក្នុងយប់ឆ្លងឆ្នាំ រថយន្តច្រើនគ្រឿងត្រូវបានដុតបំផ្លាញនៅបារាំង ។ ក្រសួងមហាផ្ទៃបារាំងចេញសេចក្ដីប្រកាសមួយពីតុល្យការនៃយប់ឆ្លងឆ្នាំ គឺរថយន្តដល់ជាង១០០០គ្រឿងរងការដុតបំផ្លាញ ហើយមនុស្សជាង៥០០នាក់បានត្រូវចាប់ខ្លួននៅបារាំងនាយប់ឆ្លងឆ្នាំ ។
ក្រសួងនោះអះអាងនាថ្ងៃទី១ មករា ថា យប់ឆ្លងឆ្នាំលើកនេះ កំណត់ពីអំពើហិង្សាក្នុងក្រុងដែលមានការចុះថយជាងលើកមុនៗ ។ សរុបមនុស្ស៥០៥នាក់បានត្រូវចាប់ខ្លួន ហើយ៤០១នាក់ត្រូវឃុំខ្លួន។
ក្រសួងនេះបន្តថា យប់ឆ្លងឆ្នាំលើកនេះ ហាក់ស្ងប់ស្ងាត់ជាងកាលពីឆ្នាំទៅមិញ ។ កាលពីឆ្នាំទៅមិញ យប់ឆ្លងឆ្នាំក្នុងប្រទេសបារាំងទាំងមូល មនុស្ស៤២០នាក់ត្រូវចាប់ច្លួនហើយ៣១០នាក់ត្រូវឃុំខ្លួន ។ រួចចំនួនរថយន្តដែលដុតបំផ្លាញមានដល់១១៧៣គ្រឿង។
យប់ឆ្លងឆ្នាំលើកនេះ ប៉ូលិសជាគោលដៅនៃការវាយប្រហារ ដោយកាំជ្រូចភ្លើងក្នុងទីក្រុងផ្សេងៗ ពិសេស នៅក្រុងនីស លិយ៉ុង ស្ត្រាស្បួរ ឬរ៉ែន ។ ប៉ូលិសនិងកងតម្រួតប្រមាណជា៩០.០០០នាក់ ត្រូវបានដាក់ពង្រាយក្នុងនោះ១០.០០០នាក់ដាក់ពង្រាយនៅក្រុងប៉ារីស។
នៅរដ្ឋធានីតាមអយ្យការក្រុងប៉ារីស ថាមនុស្ស១២៥នាក់ មានអាយុពី១៧ទៅ៥៣ឆ្នាំត្រូវឃុំខ្លួន ៕
ចែករំលែកព័តមាននេះ