ថ្នាក់ដឹកនាំខេត្តសៀមរាប ចូលរួមគោរពវិញ្ញាណក្ខន្ធ អនុសេនីយ៍ទោ ចិន វិចិត្រ ដែលពលីនៅសមរភូមិមុខ
ខេត្តសៀមរាប ៖ ថ្ងៃទី៣០ ខែធ្នូ ឆ្នាំ២០២៥ លោក នាក់ ណេរ៉ុន អភិបាលរងខេត្តសៀមរាប តំណាងដ៏ខ្ពង់ខ្ពស់លោក…
ខេត្តសៀមរាប ៖ ថ្ងៃទី៣០ ខែធ្នូ ឆ្នាំ២០២៥ លោក នាក់ ណេរ៉ុន អភិបាលរងខេត្តសៀមរាប តំណាងដ៏ខ្ពង់ខ្ពស់លោក ប្រាក់ សោភ័ណ អភិបាល នៃគណៈអភិបាលខេត្តសៀមរាប បានដឹកនាំប្រតិភូខេត្ត ចូលរួមគោរពវិញ្ញាណក្ខន្ធ លោកអនុសេនីយ៍ទោ ចិន វិចិត្រ នាយក្រុម២ អនុសេនាតូចលេខ២ អនុសេនាធំលេខ១ វរសេនាតូចអន្តរាគមន៍លេខ២៤១ ចំណុះកងពលធំអន្តរាគមន៍លេខ២ បានទទួលមរណភាព នាថ្ងៃទី២៩ ខែធ្នូ ឆ្នាំ២០២៥ ក្នុងសមរភូមិប្រយុទ្ធរវាងកងទ័ពកម្ពុជា-ថៃ នៅទិសប្រាសាទតាមាន់ ស្រុកបន្ទាយអំពិល ខេត្តឧត្តរមានជ័យ ។
ក្នុងនាមក្រុមប្រឹក្សាខេត្ត គណៈអភិបាលខេត្ត កងកម្លាំងប្រដាប់អាវុធ មន្ត្រីរាជការ ព្រមទាំងប្រជាពលរដ្ឋទូទាំងខេត្តសៀមរាប មានសេចក្តីរន្ធត់តក់ស្លុតឥតឧបមា ក្រោយពីបានទទួលដំណឹងយ៉ាងក្រៀមក្រំថា លោកអនុសេនីយ៍ទោ ចិន វិចិត្រ នាយក្រុម២ អនុសេនាតូចលេខ២ អនុសេនាធំលេខ១ វរសេនាតូចអន្តរាគមន៍លេខ២៤១ ចំណុះកងពលធំអន្តរាគមន៍លេខ២ បានទទួលមរណភាព នាថ្ងៃទី២៩ ខែធ្នូ ឆ្នាំ២០២៥ ក្នុងសមរភូមិប្រយុទ្ធរវាងកងទ័ពកម្ពុជា-ថៃ នៅទិសប្រាសាទតាមាន់ ស្រុកបន្ទាយអំពិល ខេត្តឧត្តរមានជ័យ។ ក្នុងបរិយាកាសដ៏សែនក្ដុកក្ដួលនេះ លោកអភិបាលរងខេត្ត សូមសម្តែងនូវការអសោកស្តាយ អាឡោះអាល័យជាអនេក និងសូមចូលរួមរំលែកទុក្ខ ដ៏សែនក្រៀមក្រំបំផុតជាមួយក្រុមគ្រួសារ ។
មរណភាពរបស់លោកអនុសេនីយ៍ទោ ចិន វិចិត្រ នាយក្រុម២ អនុសេនាតូចលេខ២ អនុសេនាធំលេខ១ វរសេនាតូចអន្តរាគមន៍លេខ២៤១ ចំណុះកងពលធំអន្តរាគមន៍លេខ២ បានទទួលមរណភាព នាថ្ងៃទី២៩ ខែធ្នូ ឆ្នាំ២០២៥ ក្នុងសមរភូមិប្រយុទ្ធរវាងកងទ័ពកម្ពុជា-ថៃ នៅទិសប្រាសាទតាមាន់ ស្រុកបន្ទាយអំពិល ខេត្តឧត្តរមានជ័យ គឺជាការបាត់បង់ដ៏ធំធេង មិនត្រឹមតែចំពោះក្រុមគ្រួសារប៉ុណ្ណោះទេ តែក៏ជាការបាត់បង់នូវវីរយុទ្ធជនខ្មែរដ៏អង់អាចក្លាហានម្នាក់ ដែលបាន បូជាសាច់ស្រស់ ឈាមស្រស់ ក្នុងកិច្ចការពារបូរណភាពទឹកដី ការពារអធិបតេយ្យជាតិ ពីការឈ្លានពានរបស់ពួកខ្មាំងសត្រូវលើសមរភូមិមុខ គួរឱ្យស្ញប់ស្ញែងជាទីបំផុត ។
សូមដួងវិញ្ញាណក្ខន្ធរបស់ លោកអនុសេនីយ៍ទោ ចិន វិចិត្រ នាយក្រុម២ អនុសេនាតូចលេខ២ អនុសេនាធំលេខ១ វរសេនាតូចអន្តរាគមន៍លេខ២៤១ ចំណុះកងពលធំអន្តរាគមន៍លេខ២ បានទទួលមរណភាព ក្នុងសមរភូមិប្រយុទ្ធរវាងកងទ័ពកម្ពុជា-ថៃ នៅទិសប្រាសាទតាមាន់ ស្រុកបន្ទាយអំពិល ខេត្តឧត្តរមានជ័យ សូមបានទៅកាន់ សុគតិភពកុំបីឃ្លៀងឃ្លាតឡើយ យើងខ្ញុំនឹងចង់ចាំនូវគំរូវីរភាពដ៏អង់អាចក្លាហានរបស់ លោកក្នុងក្រអៅបេះដូងជារៀងរហូត ៕
ចែករំលែកព័តមាននេះ