​សុខភាព៖ យោងតាមការចុះផ្សាយរបស់សារព័ត៌មានបរទេសបានឱ្យដឹងថា ផ្សិតចំបើងដែលយើងតែងតែយកមកចម្អិនជាអាហារជារៀងរាល់ថ្ងៃ គឺជា​អាហារ​ដ៏មានប្រសិទ្ធភាព​មួយក្នុងការជួយសម្រួលសម្ពាធឈាម និងគ្រប់គ្រងជាតិស្ករ។ លក្ខណៈសម្បត្តិដ៏វិសេសវិសាលរបស់ផ្សិតចំបើង គឺវាជាអាហារដែលគ្មានកម្រិតជាតិស្ករទាល់តែសោះ ដែលធ្វើឱ្យវាក្លាយជាជម្រើសសុខភាពលេខ ១ សម្រាប់អ្នកដែលមានកម្រិតជាតិស្ករក្នុងឈាមខ្ពស់ ឬអ្នកជំងឺទឹកនោមផ្អែមប្រភេទទី ២ អាចទទួលទានបានដោយភាពជឿជាក់ និងគ្មានក្ដីបារម្ភពីការហក់ឡើងនៃជាតិស្ករឡើយ។

ក្រៅពីការគ្រប់គ្រងជាតិស្ករ ផ្សិតចំបើងក៏ដើរតួនាទីយ៉ាងសំខាន់ក្នុងការជួយឱ្យសរសៃឈាមមានភាពបត់បែនល្អ ដែលជាកត្តាចម្បងក្នុងការជួយបញ្ចុះសម្ពាធឈាមសម្រាប់អ្នកដែលមានបញ្ហាលើសឈាម។ ដើម្បីទទួលបានអត្ថប្រយោជន៍ខ្ពស់បំផុត អ្នកជំនាញបានណែនាំឱ្យយកផ្សិតចំបើងមកចម្អិនជាមុខម្ហូបដោយប្រើកម្ដៅល្មមៗ ដូចជាការស្លកកូរ ស្លម្ជូរគ្រឿង ឬឆាជាមួយបន្លែផ្សេងៗ ហើយអ្វីដែលកាន់តែសំខាន់នោះ គឺលោកអ្នកគួរកាត់បន្ថយការប្រើប្រាស់គ្រឿងប្រៃ ដើម្បីរក្សាតុល្យភាពសម្ពាធឈាម និងទាញយកជីវជាតិពីផ្សិតមកពង្រឹងសុខភាពរាងកាយឱ្យបានពេញលេញបំផុត។ ការបញ្ចូលផ្សិតចំបើងទៅក្នុងរបបអាហារជាប្រចាំ គឺជាវិធីសាស្ត្រដ៏ឆ្លាតវៃក្នុងការថែរក្សាសុខភាពសរីរាង្គខាងក្នុង និងការពារខ្លួនពីជំងឺរ៉ាំរ៉ៃផ្សេងៗតាមបែបធម្មជាតិ។
​

សូមបញ្ជាក់៖ ព័ត៌មាននេះផ្តល់ជូនសម្រាប់តែជាចំណេះដឹងទូទៅប៉ុណ្ណោះ។ ប្រសិនបើលោកអ្នកមានបញ្ហាសុខភាព ឬអាការៈមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការពិនិត្យ និងការព្យាបាលឱ្យបានត្រឹមត្រូវបំផុត៕
​