ខេត្តព្រះវិហារ ៖ មន្ត្រីមន្ទីរបរិស្ថានខេត្តព្រះវិហារ នៅថ្ងៃទី២៦-២៧ ខែធ្នូ ឆ្នាំ២០២៥ បានសហការជាមួយមន្ត្រីជំនាញអង្គការ សមាគមអភិរក្សសត្វព្រៃកម្ពុជា WCS បានចុះទៅយកសំណាកសា.កស.ព…
ខេត្តព្រះវិហារ ៖ មន្ត្រីមន្ទីរបរិស្ថានខេត្តព្រះវិហារ នៅថ្ងៃទី២៦-២៧ ខែធ្នូ ឆ្នាំ២០២៥ បានសហការជាមួយមន្ត្រីជំនាញអង្គការ សមាគមអភិរក្សសត្វព្រៃកម្ពុជា WCS បានចុះទៅយកសំណាកសា.កស.ព សត្វដំរីមេ និងកូនតូចទើបកើត ដែលបានស្លា.ប់ នៅចំណុចអូរស្កាច ស្ថិតក្នុងភូមិសាស្ត្រភូមិក្រឡាពាស ឃុំព្រីងធំ ស្រុកជាំក្សាន្ត ខេត្តព្រះវិហារ បន្ទាប់ពីបានរកឃើញត្រូវអំបែងគ្រាប់ផ្លោងរបស់កងទ័ពថៃ នៅតាមបណ្តោយព្រំដែនកម្ពុជា-ថៃ នាពេលកន្លងទៅថ្មីៗនេះ ។ នេះបើយោងតាមផេកក្រសួងបរិស្ថានបានប្រកាសនាថ្ងៃរសៀលទី២៨ ខែធ្នូ នេះ ។
សូមបញ្ជាក់ថា យោងតាមតាមការត្រួតពិនិត្យ និងវាស់វែងជាក់ស្តែង ក្រុមការងារបានបញ្ជាក់ថា សា.កស.ពដំរីមេ មានអាយុប្រហែល៤០ឆ្នាំ ទំងន់ប្រហែល២៥០០គីឡូក្រាម ប្រវែងពីស្មារមុខដល់គូទដំរី មានប្រវែង ២៧០សង់ទីម៉ែត្រ ប្រមោយដំរី មានប្រវែង១៣០សង់ទីម៉ែត្រ បាតជើងក្រោយខាងស្តាំ មានទំហំ៥៥សង់ទីមែត្រ ជើងក្រោយត្រឹមជង្គង់ មានកំពស់៨០សង់ទីម៉ែត្រ ស្នាមមុខរបួសចំនួន០២កន្លែងជិតគ្នា ។
មុខរបួសនីមួយៗ មានបណ្តោយប្រវែង ១៣សង់ទីម៉ែត្រ ទទឹង ៥សង់ទីម៉ែត្រ ជម្រៅ ២០សង់ទីម៉ែត្រ។ ដោយឡែក សា.កស.ពកូនដំរី មានសភាពស្អុ.យរលួយបាត់ទ្រង់ទ្រាយមិនអាចវាស់បានទេ ។
ក្រុមការងារបានរក្សាទុកសំណាកស.ពសត្វដំរីទាំងពីរ(ម្តាយ និងកូន)។មន្ត្រីជំនាញក្រសួងបរិស្ថាន និងអង្គការសមាគមអភិរក្សសត្វព្រៃកម្ពុជា WCS នឹងចាត់វិធានការស្រាវជ្រាវបន្ត ៕
ចែករំលែកព័តមាននេះ