ចំនួនភ្ញៀវទេសចរបរទេសមកលេងកម្សាន្តនៅកម្ពុជា នៅក្នុងរយៈពេល១១ខែនៃឆ្នាំ២០២៥ អាចសម្រេចបាន៥,១៧ លាននាក់ ធ្លាក់ចុះប្រមាណជា១៣,៨ភាគរយ ប៉ុន្តែទោះបីជាយ៉ាងណា ភ្ញៀវទេសចរមកពីអឺរ៉ុប គឺកើនឡើង ។ នារយៈពេលនេះ…
ចំនួនភ្ញៀវទេសចរបរទេសមកលេងកម្សាន្តនៅកម្ពុជា នៅក្នុងរយៈពេល១១ខែនៃឆ្នាំ២០២៥ អាចសម្រេចបាន៥,១៧ លាននាក់ ធ្លាក់ចុះប្រមាណជា១៣,៨ភាគរយ ប៉ុន្តែទោះបីជាយ៉ាងណា ភ្ញៀវទេសចរមកពីអឺរ៉ុប គឺកើនឡើង ។
នារយៈពេលនេះ តាមស្ថិតិផ្លូវការរបស់ក្រសួងទេសចរណ៍ ដែលទទួលបាន កាលពីថ្ងៃទី២៧ ខែធ្នូ ឆ្នាំ២០២៥ បានឲ្យដឹងថា ភ្ញៀវទេសចរបរទេសសរុបធ្លាក់ចុះមែន ប៉ុន្តែទោះបីជាយ៉ាងណាក៏ដោយ ភ្ញៀវទេសចរមកពីអឺរ៉ុប គឺមានជិត៦២ម៉ឺននាក់ ជាមួយនឹងកំណើនប្រមាណជា៦,៣ភាគរយ ។
ប្រភពដដែលបានអះអាងថា ភ្ញៀវទេសចរមកពីអឺរ៉ុបខាងជើង គឺទទួលបានជាង១៥ ម៉ឺននាក់ កើនឡើងប្រមាណជា៩,៥ភាគរយ ។ ពីអឺរ៉ុបខាងលិច គឺមានប្រមាណជាជិត២៥ ម៉ឺននាក់ ជាមួយនឹងកំណើនប្រមាណជា៤ភាគរយ ។ ហើយអឺរ៉ុបកណ្តាល និងអឺរ៉ុបខាងកើត គឺអាចទាក់ទាញបានជាង១១ម៉ឺននាក់ ជាមួយនឹងកំណើន៥,៦ភាគរយ រីឯអឺរ៉ុបខាងត្បូងវិញ គឺអាចសម្រេចបានជាង៧ម៉ឺននាក់ ជាមួយនឹងកំណើនប្រមាណជាជា២,៨ភាគរយ ៕
ចែករំលែកព័តមាននេះ