រាជធានីភ្នំពេញ ៖ សម្តេចតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥និងជាប្រធានព្រឹទ្ធសភា ព្រោះតែជាតិនិងប្រជាជន គ្មានទេពាក្យថា ហត់នឿយ! ឆ្លងកាត់…
រាជធានីភ្នំពេញ ៖ សម្តេចតេជោ ហ៊ុន សែន នាយឧត្តមសេនីយ៍ផុតលេខផ្កាយមាស៥និងជាប្រធានព្រឹទ្ធសភា ព្រោះតែជាតិនិងប្រជាជន គ្មានទេពាក្យថា ហត់នឿយ! ឆ្លងកាត់ ១០៥សមរភូមិ និងរបួសធ្ងន់៥ដង ។ នេះបើតាមការបញ្ជាក់របស់ឯកឧត្តម ជា ធីរិទ្ធ អ្នកនាំពាក្យសម្តេចតេជោថ្ងៃទី២២ ខែធ្នូ ឆ្នាំ២០២៥ ។
យោងតាមបណ្តាញសង្គមតេឡេក្រាមអ្នកនាំពាក្យសម្តេចតេជោបានលើកឡើងថា ព្រោះតែជាតិនិងប្រជាជន គ្មានទេពាក្យថា ហត់នឿយ! ឆ្លងកាត់១០៥សមរភូមិ និងរបួសធ្ងន់៥ដង។ ឯកឧត្តមអ្នកនាំពាក្យបានរៀបរាប់ពីសកម្មភាពរបស់សម្តេចតេជោយ៉ាងដូច្នេះថា ថ្ងៃទី២០ ខែមិថុនា ឆ្នាំ១៩៧៧ យកជីវិតជាដើមទុន ដើម្បីតស៊ូរំដោះជាតិចេញពីរបបប្រល័យពូជសាសន៍ ។
ថ្ងៃទី២២ ខែតុលា ឆ្នាំ១៩៩៦ ធ្វើដំណើរចូលទៅតំបន់ខ្មែរក្រហម ដោយយកជីវិតទៅប្តូរនឹងសន្តិភាពសម្រាប់កម្ពុជា រហូតបញ្ចប់សង្គ្រាមស៊ីវិលបានទាំងស្រុងនៅថ្ងៃទី ២៩ ខែធ្នូ ឆ្នាំ១៩៩៨ ។ ដឹកនាំកម្ពុជាពីគំនរផេះផង់ ឲ្យមានការអភិវឌ្ឍន៍ក្នុងកំណើនសេដ្ឋកិច្ចខ្ទង់៧ភាគរយក្នុងមួយឆ្នាំ ជាងពីរទសវត្សរ៍នៅមុនកូវីដ-១៩ ។
អ្នកនាំពាក្យបានលើកឡើងទៀតថា បច្ចុប្បន្ន សម្តេចកំពុងរួមជាមួយសម្តេចធិបតីផ្តល់យុទ្ធសាស្ត្រដល់បណ្តាមេទ័ពទប់ទល់ជាមួយសត្រូវឈ្លានពាន ។ ឯកឧត្តមអ្នកនាំពាក្យបានបញ្ជាក់ថា «គ្រប់ពេលដែលជាតិ និងប្រជាជនជួបការលំបាក តែងតែមានវត្តមានរបស់លោកជានិច្ច! ជីវិតលោក ជារបស់ជាតិខ្មែរ» ។
ជាមួយគ្នានោះដែរ ឯកឧត្តមបានលើកឡើងថា រាល់ពេលប្រចាំការ លោកតែងតំណាលឲ្យសហការីស្តាប់ពីបទពិសោធន៍ក្នុងភ្នក់ភ្លើងសង្គ្រាម និងដឹកនាំប្រទេស ដោយលោកតែងរម្លឹកជារឿយៗថា «ជីវិត ហ៊ុន សែន មិនសមបើអាចរស់មកដល់ពេលនេះទេ ព្រោះឆាកជីវិតវាលំបាកពេក» ៕
ចែករំលែកព័តមាននេះ