ធនាគារ មេយប៊ែង ដាក់បង្ហាញនូវការផ្តល់ជូនបទពិសោធន៍ធនាគារបែបទាន់សម័យ
- ភ្នំពេញ
រាជធានីភ្នំពេញ, ថ្ងៃទី ៥ ធ្នូ ២០២៥ ៖ ធនាគារ មេយប៊ែង នាថ្ងៃនេះបានដាក់បង្ហាញនូវការផ្តល់ជូនជំនាន់ក្រោយរបស់ខ្លួន ដែលផ្តោតលើបទពិសោធន៍ធនាគារ…
រាជធានីភ្នំពេញ, ថ្ងៃទី ៥ ធ្នូ ២០២៥ ៖ ធនាគារ មេយប៊ែង នាថ្ងៃនេះបានដាក់បង្ហាញនូវការផ្តល់ជូនជំនាន់ក្រោយរបស់ខ្លួន ដែលផ្តោតលើបទពិសោធន៍ធនាគារ បែបទាន់សម័យនៅធនាគារ មេយប៊ែង សាខាទឹកថ្លា ដោយមានការបើកសម្ពោធនូវ កាតឥណពន្ធវីសា ធនាគារ មេយប៊ែង Manchester United ថ្មី ដែលមានរចនាបទទាន់សម័យសម្រាប់អ្នកគាំទ្រ និងការដាក់សម្ពោធនូវមុខងារផ្តល់រង្វាន់ថ្មីនៅលើកម្មវិធី M2U KH ដែលមានឈ្មោះថា ៖ «Tap, Track, Win» ដែលត្រូវបានរចនាឡើង ដើម្បីបង្កើនភាពងាយស្រួលសម្រាប់ការរស់នៅប្រចាំថ្ងៃ ។
ដោយសារតែស្ថិតនៅក្នុងតំបន់កំពុងអភិវឌ្ឍខ្លាំង នៃរាជធានីភ្នំពេញ ធនាគារ មេយប៊ែង សាខាទឹកថ្លា ដើរតួជាចំណុចប្រសព្វមួយដ៏សំខាន់ សម្រាប់ដំណើរការ នៃប្រតិបត្តិការធនាគារប្រចាំថ្ងៃ និងកិច្ចពិភាក្សាអាជីវកម្មតូចធំនានា ។ ការរចនាបទ នៃផ្ទៃខាងក្នុងរបស់សាខានេះ ត្រូវបានរចនាឡើងថ្មី ដោយយកលំនាំតាមសិល្បៈល្ខោនស្បែក ដែលមានបរិយាកាសស្រទន់ កក់ក្តៅ និងមានការរៀបចំផ្ទៃខាងក្នុង ដែលអាចជួយសម្រួលដល់ការព្រឹក្សាយោបល់ជាមួយអតិថិជនមកគ្រប់មជ្ឈដ្ឋាន និងការធ្វើប្រតិបត្តិការធនាគារបានយ៉ាងឆាប់រហ័ស និងងាយស្រួល ។ ស្របពេលដែលតំបន់នេះកំពុងប្រែក្លាយទៅជា ទីប្រជុំជនថ្មី ដែលប្រមូលផ្តុំទៅដោយអ្នកដឹកនាំ និងអ្នកជំនាញជំនាន់ក្រោយនោះ វត្តមានរបស់ធនាគារ មេយប៊ែង នៅតំបន់ទឹកថ្លា បានផ្តល់ទំនុកចិត្តដល់អតិថិជនកាន់តែខ្លាំង ដើម្បីផ្សារភ្ជាប់ជាមួយសហគមន៍ឲ្យកាន់តែល្អប្រសើរបានថែមមួយកម្រិតទៀត ។
ថ្លែងនៅក្នុងព្រឹត្តិការណ៍នេះ លោក រ័ត្ន សោភ័ណ នាយកប្រតិបត្តិ និងនាយកប្រចាំប្រទេស នៃធនាគារ មេយប៊ែង (ខេមបូឌា) ភីអិលស៊ី បានគូសបញ្ជាក់ពីសារៈសំខាន់ជាយុទ្ធសាស្ត្រ នៃទិសដៅនេះថា ៖ «ធនាគារ មេយប៊ែង សាខាទឹកថ្លា ត្រូវបានទទួលស្គាល់ជាយូរមកហើយថា ជាចំណុចទំនាក់ទំនងសម្រាប់ការពិភាក្សាអាជីវកម្មសំខាន់ៗ និងការតភ្ជាប់ទំនាក់ទំនងជាមួយអតិថិជន។ នៅពេលអ្នកដឹកនាំ និងម្ចាស់អាជីវកម្មជំនាន់ក្រោយ ចាប់ផ្តើមបន្ត ស្នាដៃ និងសមិទ្ធិផលរបស់ក្រុមគ្រួសាររបស់ពួកគាត់ យើងក៏ត្រូវចាប់ផ្តើមអភិវឌ្ឍនូវសេវាកម្មធនាគាររបស់យើងឲ្យមានភាពទាន់សម័យ និងប្រកបដោយវិជ្ជាជីវៈខ្ពស់ ដើម្បីឲ្យសមស្របទៅតាមបែបបទ នៃការរស់នៅសម័យថ្មី។ ទាំងនេះបានឆ្លុះបញ្ចាំងពីយុទ្ធសាស្ត្រដ៏ទូលំទូលាយរបស់យើង ក្នុងការផ្តល់ជូននូវបទពិសោធន៍ដែលងាយស្រួល ទំនើប និងសម្រាប់អតិថិជនគ្រប់មជ្ឈដ្ឋាន ។ វាស្របជាមួយនឹងចក្ខុវិស័យរយៈពេលវែងរបស់ធនាគារ មេយប៊ែង ក្នុងការផ្តល់សេវាហិរញ្ញវត្ថុប្រកបដោយអរិយ្យភាព និងក្នុងការគាំទ្រដល់ទិដ្ឋភាពហិរញ្ញវត្ថុដែលកំពុងវិវត្តន៍របស់ប្រទេសកម្ពុជាផងដែរ» ។
កាតឥណពន្ធ របស់ធនាគារ មេយប៊ែង Manchester United ថ្មី ត្រូវបានរចនាឡើងសម្រាប់អតិថិជនដែលយល់ច្បាស់អំពីភាពក្លៀវក្លា ស្មារតីកីឡា ភាពជឿជាក់ និងអត្តសញ្ញាណជាសកលរបស់ក្លឹបបាល់ទាត់ Manchester United។ ក្រៅពីការរចនាបែបទំនើបនេះ កាតនេះបានផ្សារភ្ជាប់ជាមួយស្មារតីកីឡា និងបានផ្តល់ជូននូវឯកសិទ្ធិ និងអត្ថប្រយោជន៍ជាច្រើនបំផុតមួយ ដែលមាននៅក្នុងប្រទេសកម្ពុជា។ ម្ចាស់កាតឥណពន្ធនេះ អាចរីករាយជាមួយ ៖
• ការបញ្ចុះតម្លៃ រហូតដល់ ១៥% លើសំបុត្រយន្តហោះពី Malaysia Airlines
• ការបញ្ចុះតម្លៃលើការទិញទំនិញពី Official Manchester United Online Store
• អត្ថប្រយោជន៍ជាច្រើនផ្សេងៗទៀត ដែលផ្តល់ជូនដោយធនាគារ មេយប៊ែង ដូចជាការបញ្ចុះតម្លៃ និងកម្មវិធីប្រូម៉ូសិននានា ។
អតិថិជន ក៏មានឱកាសឈ្នះរង្វាន់ សម្រាប់បទពិសោធន៍អ្នកគាំទ្រ Manchester United ដ៏អស្ចារ្យ ដែលផ្តល់នូវការចូលរួមទស្សនាការប្រកួតផ្ទាល់ និងពេលវេលាដែលមិនអាចបំភ្លេចបាននៅកីឡដ្ឋាន Old Trafford ។ ការផ្តល់ជូននេះ ត្រូវបានធ្វើឡើងម្តងទៀត បន្ទាប់ពីការផ្តល់ជូននូវបទពិសោធន៍ Manchester United របស់ធនាគារ មេយប៊ែង កាលពីដើមឆ្នាំនេះ ដែលអ្នកឈ្នះរង្វាន់ពីប្រទេសកម្ពុជាទទួលបានបដិសណ្ឋារកិច្ចជាពិសេស នៅកីឡដ្ឋាន Old Trafford ដែលជាដំណើរមួយដែលមិនអាចបំភ្លេចបាន។ ទាំងនេះបានបង្ហាញពីការប្តេជ្ញាចិត្តរបស់ធនាគារ មេយប៊ែង ក្នុងការផ្សារភ្ជាប់អតិថិជនជាមួយនឹងបទពិសោធន៍សកលលំដាប់ពិភពលោក ។
ទន្ទឹមនឹងការសម្ពោធកាតដែលមានរូបរាងថ្មីនេះ ធនាគារ មេយប៊ែង បានដាក់សម្ពោធនូវមុខងារ «Tap, Track, Win» ដែលជាកម្មវិធីផ្តល់រង្វាន់ឌីជីថលនៅក្នុងកម្មវិធី M2U KH។ លក្ខណៈពិសេសនេះ អនុញ្ញាតឱ្យអតិថិជនទទួលបានអត្ថប្រយោជន៍ រាល់ការធ្វើប្រតិបត្តិការឌីជីថលទូទៅដូចជា៖ ការបញ្ចូលទឹកប្រាក់ទូរស័ព្ទ ការទូទាត់វិក្កយបត្រ ការផ្ទេរប្រាក់ និងការទូទាត់ QR ជាមួយកម្មវិធី M2U KH។ ទាំងនេះបានបញ្ជាក់ពីការផ្តោតសំខាន់ ទៅលើការពង្រឹងលើសេវាធនាគារឌីជីថលរបស់ធនាគារ មេយប៊ែង ដែលពោរពេញដោយភាពសាមញ្ញ រលូន និងផ្តល់រង្វាន់ ។
លោក ឌុក សារ៉ាក់ នាយក នៃនាយកដ្ឋានសេវាហិរញ្ញវត្ថុសហគមន៍ នៃធនាគារ មេយប៊ែង (ខេមបូឌា) ភីអិលស៊ី បានមានប្រសាសន៍ថា ៖ «កាតឥណពន្ធ Manchester United ថ្មីនេះ ឆ្លះបញ្ចាំងពីការបន្តប្តេជ្ញាចិត្តរបស់យើងចំពោះការផ្តល់ជូន ដែលស្របទៅតាមការរស់នៅសម័យថ្មី ខណៈពេលដែលមុខងារ «Tap, Track, Win» បានរួមចំណែក ធ្វើឲ្យការប្រើប្រាស់នូវសេវាកម្មឌីជីថលប្រចាំថ្ងៃសម្រាប់អតិថិជនរបស់យើងកាន់តែមានភាពរីករាយ។ ការនាំមកជូនទាំងពីរនេះ បានផ្តល់ជូននូវភាពងាយស្រួល រង្វាន់ និងការផ្សារភ្ជាប់ដែលឆ្លុះបញ្ចាំងពីចំណាប់អារម្មណ៍ និងទម្លាប់របស់របស់ប្រជាជនកម្ពុជានាសម័យទំនើប» ។
នៅក្នុងកម្មវិធីនេះផងដែរ អតិថិជនរបស់យើងបានចូលរួមក្នុងការសាកល្បងប្រើប្រាស់នូវសេវាកម្មឌីជីថលដោយផ្ទាល់ ដែលរួមមាន៖ ការបញ្ចូលទឹកប្រាក់តាមទូរស័ព្ទ និងការទូទាត់ QR ដែលមានរង្វាន់ភ្លាមៗ។ ទាំងនេះបានបញ្ជាក់ពីសេវាធនាគារសម័យទំនើបដែលមានភាពរលូន និងរីករាយ ដែល ផ្តល់ជូនដោយធនាគារ មេយប៊ែង។ ការដាក់បង្ហាញនូវការផ្តល់ជូនទាំងនេះ នៅធនាគារ មេយប៊ែង សាខាទឹកថ្លា បានបង្ហាញអំពីជំហរ នៃការប្តេជ្ញាចិត្តរបស់យើង ក្នុងការធ្វើឱ្យសេវាធនាគារកាន់តែមានភាពងាយស្រួល ប្រកបដោយភាពច្នៃប្រឌិត និងសមស្របទៅតាមការរីកចម្រើនរបស់សហគមន៍ក្នុងទីប្រជុំជននៅប្រទេសកម្ពុជា ៕ អត្ថបទសហការ
ចែករំលែកព័តមាននេះ