រាជធានីភ្នំពេញ ៖ តារាចម្រៀងលោក ណុប បាយ៉ារិទ្ធ បានស្នើដល់ទស្សនិកជនខ្មែរទាំងអស់អោយចូលរួមគាំទ្រ និងលើកទឹកចិត្តដល់បេក្ខភាពបវរកញ្ញាដែលតំណាងឱ្យប្រទេសកម្ពុជាចេញទៅប្រកួត ខណៈពេលដែលលោកចាត់ទុកថា វិស័យបវរកញ្ញាគឺជាចំណែកមួយយ៉ាងសំខាន់ក្នុងការចូលរួមផ្សព្វផ្សាយសិល្បៈវប្បធម៌ខ្មែរនៅលើឆាកអន្តរជាតិ ។…
រាជធានីភ្នំពេញ ៖ តារាចម្រៀងលោក ណុប បាយ៉ារិទ្ធ បានស្នើដល់ទស្សនិកជនខ្មែរទាំងអស់អោយចូលរួមគាំទ្រ និងលើកទឹកចិត្តដល់បេក្ខភាពបវរកញ្ញាដែលតំណាងឱ្យប្រទេសកម្ពុជាចេញទៅប្រកួត ខណៈពេលដែលលោកចាត់ទុកថា វិស័យបវរកញ្ញាគឺជាចំណែកមួយយ៉ាងសំខាន់ក្នុងការចូលរួមផ្សព្វផ្សាយសិល្បៈវប្បធម៌ខ្មែរនៅលើឆាកអន្តរជាតិ ។
ការលើកឡើងរបស់លោកណុប បាយ៉ារិទ្ធ នាពេលនេះ ធ្វើឡើងក្នុងន័យគាំទ្រដល់បេក្ខភាពបវរកញ្ញា ផន ស្រីពី ដែលតំណាងប្រទេសកម្ពុជានៅក្នុងការប្រកួតប្រជែងកម្មវិធី Miss Cosmo ដែលរៀបចំធ្វើឡើងនៅប្រទេសវៀតណាម ។
តាមរយៈសំណេរបង្ហោះលើបណ្តាញសង្គមលោក ណុប បាយ៉ារិទ្ធ បានលើកឡើងថា បវរកញ្ញាក៏ជាវិស័យមួយមានចំណែកក្នុងការជួយផ្សព្វផ្សាយសិល្បៈ វប្បធម៌ ខ្មែរលើឆាកអន្តរជាតិដែរ ពិសេស បង្ហាញពិភពលោកអោយបានឃើញពីរូបសម្បតិ្ត ចំណេះដឹង ទេពកោសល្យរបស់នារីខ្មែរ ដែលមានភាពក្លាហានក្នុងការឈរនៅលើឆាកអន្តរជាតិ ហើយបានប្រើប្រាស់នៅសមត្ថភាពប្រើប្រាស់សម្លេងរបស់គាត់និយាយទៅកាន់ពិភពលោកពីកម្ពុជា ។
លោកបន្តថា បេក្ខនារីកម្ពុជា គឺតំណាងអោយកម្ពុជាក្នុងការឈរជើងលើឆាកប្រកួតប្រជែងមួយដែលមានការចូលរួមពីប្រទេសជាច្រើនទាំងនៅអាស៊ី អឺរ៉ុប ដើម្បីដណ្តើមយកជ័យលាភីលើកមុខមាត់ដល់ប្រទេសរបស់ខ្លួន ។ លោកបញ្ជាក់ថា បេក្ខភាពមួយណាក៏ចង់ទទួលបានជ័យលាភីអោយប្រទេសខ្លួនដែរ ពិសេស ប្រជាជនរបស់ប្រទេសនិមួយៗ ពិតជាចង់ឃើញបវរកញ្ញាតំណាងប្រទេសខ្លួនទទួលបានជោគជ័យ ។
ចុះកម្ពុជាយើងចង់ឃើញ miss cosmo Cambodia របស់យើងទទួលបានជោគជ័យដែរឬទេ? ខ្ញុំឃើញថា បេក្ខភាពប្រទេសនីមួយៗគេទទួលបានការលើកទឹកចិត្តពីប្រជាជន ឬ fansរបស់គេណាស់ ពិសេសប្រទេសជិតខាងយើង ។ បើតាមលោក ណុប បាយ៉ារិទ្ធ សម្រាប់គាត់ជាបេក្ខភាពតំណាងអោយប្រទេសកម្ពុជាទៅប្រកួតលើឆាកអន្តរជាតិ គាត់មានសមត្ថភាព មានចំណេះដឹង និងទេពកោសល្យ ពិសេសគឺមហិច្ឆិតា និងភាពក្លាហាន តែអ្វីដែលគាត់ខ្វះ និងកំពុងត្រូវការបំផុតពីកម្លាំងចិត្តពីប្រជាជនកម្ពុជាសម្រាប់គាត់ក្នុងការប្រគួតប្រជែងមួយនេះ ។
សូមបងប្អូនជួយផ្តល់កម្លាំងចិត្តដល់គាត់ផងចង់ឃើញគាត់ទទួលបានជោគជ័យយកជោគជ័យមកវិញទេ? បើចង់ សូមកុំនៅស្ងៀមអី ប្រើប្រាស់សម្លេងគាំទ្ររបស់យើង និងកម្លាំងចិត្តជូនដល់គាត់ទាំងអស់គ្នា ។ ពីខ្ញុំ ជូនពរអោយប្អូនមានសុខភាពល្អ មានកម្លាំងចិត្តក្នុងការប្រកួត និងជូនពរអោយប្អូនដណ្តើមបានជោគជ័យមកកាន់ប្រទេសកម្ពុជា ។ អ្នកជាមនុស្សដែលមានសមត្ថភាព សូមប្រើសមត្ថភាពរបស់អ្នកយកជោយជ័យអោយបានជោគជ័យសម្រាប់ខ្លួនអ្នក គ្រួសារអ្នក និងសម្រាប់កម្ពុជា ៕
ចែករំលែកព័តមាននេះ