រាជធានីភ្នំពេញ ៖ លើសពីមជ្ឈមណ្ឌលលក់ទំនិញ ដែលប្រមូលផ្ដុំទៅដោយម៉ាកយីហោជាតិ និងអន្តរជាតិល្បីៗ ផ្សារទំនើបខ្មែរ ជីប ម៉ុង ២៧១ មេហ្គា ម៉ល បានសហការជាមួយដៃគូពាណិជ្ជកម្មថ្មីៗចំនួន ៣ រួមមានសាលារៀនលំដាប់អន្តរជាតិ Authentic Advanced Academy (AAA), មជ្ឍមណ្ឌលកម្សាន្តសម្រាប់កុមារ Funderland និងក្រុមហ៊ុន Baby Outlet  ដើម្បីបន្តផ្ដល់នូវបទពិសោធន៍គ្មានដែនកំណត់ រួមចំណែកបន្ថែមការបណ្ដុះបណ្ដាលភាពឆ្លាតដល់កុមារ បង្កើនភាពស្និទ្ធស្នាលរវាងមាតាបិតា និងកូនៗក្នុងកន្លែងតែមួយ ។ 

តាមរយៈសុន្ទរកថាដ៏មានន័យរបស់ លោកជំទាវ លី សុខឆេង អគ្គនាយិកា ក្រុមហ៊ុន ជីប ម៉ុង រីថែល នាឱកាសប្រកាសជាផ្លូវការ លើការសហការរួមគ្នានេះ បានមានប្រសាសន៍ថា ៖ ផ្សារទំនើប ជីប ម៉ុង ២៧១ មេហ្គា ម៉ល យើងខ្ញុំបាននឹងកំពុងបន្តបេសកកម្មកសាងម៉ាកយីហោ ផ្សារទំនើបរបស់កូនខ្មែរយើងមួយនេះ ឱ្យក្លាយជាមជ្ឈមណ្ឌលកម្សាន្ត និងអប់រំ ដ៏មានប្រជាប្រិយភាពមួយប្រចាំប្រទេសកម្ពុជា ក៏ដូចជាក្លាយជាគោលដៅទេសចរណ៍ដល់ភ្ញៀវជាតិ និងអន្តរជាតិ ។ ជាពិសេសយើងនឹងខិតខំប្រឹងប្រែងរក្សាឱ្យបាននៅគោលជំហរបន្តដឹកនាំ កសាងទំនុកចិត្តដល់ប្រជាជនខ្មែរគ្រប់ៗរូប មានជំនឿលើម៉ាកយីហោខ្មែរ ដែលបានរួមគ្នាបង្កើតឡើងដោយស្នាដៃកូនខ្មែរ ជាក់ស្តែងដូចសមិទ្ធផលផ្សារទេសចរណ៍ «ភូមិខ្មែរអ្នកធ្វើ» ។

លោកជំទាវ អគ្គនាយិកា ក្រុមហ៊ុន ក្រុមហ៊ុន ជីប ម៉ុង រីថែល បញ្ជាក់បន្ថែមថា ក្នុងរយៈពេលដ៏ខ្លីខាងមុខនេះ យើងនឹងបានឃើញនូវវត្តមានរបស់ដៃគូពាណិជ្ជកម្ម ទាំងអស់នៅជាន់ទី ២ នៃផ្សារទំនើប ជីប ម៉ុង ២៧១ មេហ្គា ម៉ល ដែលយើងបានផ្លាស់ប្តូរ floor concept ទៅជា concept Edutainment មានទាំងសាលារៀន និងកន្លែងក្មេងលេងសម្រាប់សិស្ស និងសមាជិកគ្រួសារ ។

ការរីកចម្រើនទាំងនេះបានបង្ហាញថា ក្រុមហ៊ុន ជីប ម៉ុង រីថែល មិនត្រឹមតែជាអ្នកដឹកនាំនៅក្នុងវិស័យផ្សារទំនើបតែប៉ុណ្ណោះទេ ប៉ុន្តែជាដៃគូសហការដែលមានចក្ខុវិស័យ និងការប្តេជ្ញាចិត្តក្នុងការចូលរួមអភិវឌ្ឍសង្គម និងសេដ្ឋកិច្ចជាតិ ។

ទំនាក់ទំនងសម្រាប់ការជួលទីតាំងហាង សូមទំនាក់ទំនងទៅកាន់លេខ៖ +855 93 922 888 , +855 66 401 222, +855 87 322 522 ៕ អត្ថបទសហការ