ស្របពេលដែលតម្លៃស្រូវនៅកម្ពុជាកំពុងតែធ្លាក់ចុះ អង្គការស្បៀងអាហារ និងកសិកម្មនៃអង្គការសហប្រជាជាតិ (FAO)បានអះអាងថា វាមិនមែនធ្លាក់តែនៅកម្ពុជានោះទេ គឺនៅលើពិភពលោក ។ អង្គការនេះបានអះអាងថា តម្លៃអង្ករជាអន្តរជាតិបានធ្លាក់ចុះ ២,៥…
ស្របពេលដែលតម្លៃស្រូវនៅកម្ពុជាកំពុងតែធ្លាក់ចុះ អង្គការស្បៀងអាហារ និងកសិកម្មនៃអង្គការសហប្រជាជាតិ (FAO)បានអះអាងថា វាមិនមែនធ្លាក់តែនៅកម្ពុជានោះទេ គឺនៅលើពិភពលោក ។
អង្គការនេះបានអះអាងថា តម្លៃអង្ករជាអន្តរជាតិបានធ្លាក់ចុះ ២,៥ ភាគរយដែលជាការធ្លាក់ចុះដ៏ខ្ពស់ ខណៈដែលទិន្នផលអង្ករកំពុងតែមានការកើនឡើង ។
អង្គការនេះបានអះអាងថា ការធ្លាក់ចុះនៃតម្លៃអង្ករនេះបានឆ្លុះបញ្ចាំងពី ការប្រកួតប្រជែងកាន់តែខ្លាំងឡើងសម្រាប់ទីផ្សារ និងការចាប់ផ្តើមនៃការប្រមូលផលដំណាំសំខាន់ៗនៅក្នុងប្រទេសនាំចេញជាច្រើន ។
សម្រាប់រដូវប្រមូលផលឆ្នាំ ២០២៥-២០២៦ខាងមុខនេះ បរិមាណស្តុកអង្ករពិភពលោកត្រូវបានគេព្យាករណ៍ថានឹងកើនឡើង ២,២ ភាគរយដល់កម្រិតកំពូលថ្មី ដោយសារតែទិន្នផលស្រូវឆ្នាំនេះប្រសើរខ្លាំង។
ប្រភពដដែលបានអះអាងថា បរិមាណស្តុកអង្ករនៅក្នុងអំឡុងពេលនេះ ត្រូវបានគេដឹងថា គឺមានបរិមាណសរុបប្រមាណជា ២១៥,៤ លានតោន ។
ចែករំលែកព័តមាននេះ