តើអ្នកឧស្សាហ៍មានអារម្មណ៍ ឈឺបំពង់កតិចៗ, មានអ្វីចាក់ៗទើសៗ ឬធ្ងន់ធ្ងរជាងនេះគឺមាន ក្លិនមាត់មិនល្អ (Halitosis) ទោះបីជាដុសធ្មេញហើយក៏ដោយ? បញ្ហាទាំងនេះអាចបណ្តាលមកពី ជំងឺ Cryptic…
តើអ្នកឧស្សាហ៍មានអារម្មណ៍ ឈឺបំពង់កតិចៗ, មានអ្វីចាក់ៗទើសៗ ឬធ្ងន់ធ្ងរជាងនេះគឺមាន ក្លិនមាត់មិនល្អ (Halitosis) ទោះបីជាដុសធ្មេញហើយក៏ដោយ? បញ្ហាទាំងនេះអាចបណ្តាលមកពី ជំងឺ Cryptic Tonsillitis ដែលជាការរលាកសាច់បំពង់ករ៉ាំរ៉ៃ និងពិបាកព្យាបាល។
I. តើ Cryptic Tonsillitis គឺជាអ្វី?
វាជាការរលាករ៉ាំរ៉ៃដែលធ្វើឲ្យសាច់បំពង់ក (Tonsils) របស់អ្នក ខូចរូបរាង និងមាន រណ្តៅជ្រៅៗ។ រណ្តៅទាំងនេះបណ្តាលឲ្យមានការ ដក់នូវកោសិកាងាប់ៗ, បាក់តេរី, និងកម្ទចកម្ទីអាហារ។ នៅពេលសំណល់ទាំងនេះរលួយ វានឹងបង្កើតជា កំបោរលើសាច់បំពង់ក (Tonsil Stones) ដែលជាប្រភពនៃក្លិនមាត់ស្អុយរ៉ាំរ៉ៃ!
II. រោគសញ្ញាទូទៅដែលអ្នកគួរចាប់អារម្មណ៍
កុំមើលរំលងសញ្ញាទាំងនេះ បើកើតមានញឹកញាប់៖
ក្លិនមាត់មិនល្អ (Halitosis): ជាញឹកញាប់បណ្តាលមកពីការកកើតនៃកំបោរលើសាច់បំពង់ក។
ឈឺចាប់ ឬមិនស្រួលក្នុងបំពង់ក: ជាពិសេសនៅពេល លេប អាហារ។
អារម្មណ៍ចាក់ៗ ទើសៗ: ដូចមានអ្វីជាប់នៅក្នុងបំពង់ក។
គ្រុនក្តៅ: ជួនកាលកើតមាននៅក្នុងករណីឆ្លងមេរោគបាក់តេរីស្រួចស្រាវ។
III. មូលហេតុចម្បងដែលនាំឲ្យមានជំងឺនេះ
ជំងឺនេះកើតឡើងដោយសារការរួមបញ្ចូលគ្នានៃកត្តាបី៖
រណ្តៅ Tonsils ជ្រៅ (Deep Crypts): សាច់ Tonsils មាន រូបរាងមិនរាបស្មើ ដែលធ្វើឲ្យកម្ទេចកម្ទីជាប់បានយ៉ាងងាយ។
ការរលាកញឹកញាប់ (Reccurent Infection): ការរលាកសាច់បំពង់ករ៉ាំរ៉ៃ ឬការរលាកញឹកញាប់ធ្វើឲ្យសាច់ Tonsils ខូចទ្រង់ទ្រាយកាន់តែខ្លាំង។
អនាម័យមាត់មិនល្អ (Insuffisance Oral Hygiene): បណ្តាលឲ្យបាក់តេរីលូតលាស់ច្រើន និងបង្កើតកាកសំណល់។
IV. វិធីសាស្ត្រព្យាបាលដ៏មានប្រសិទ្ធភាព
អាស្រ័យលើភាពធ្ងន់ធ្ងរ គ្រូពេទ្យអាចណែនាំ៖
អនាម័យមាត់យ៉ាងម៉ត់ចត់: ត្រូវ ខ្ពុរមាត់ជាមួយទឹកអំបិល ឬទឹកខ្ពុរមាត់ជាប្រចាំ ដើម្បីកាត់បន្ថយការប្រមូលផ្តុំនៃកម្ទេចកម្ទី។
ការដកយកសំណល់ដោយឆ្គឹះចេញ: យកកំបោរ ឬកម្ទេចកម្ទីដែលកកចេញដោយបច្ចេកទេសត្រឹមត្រូវ។
ការព្យាបាលដោយអង់ទីប៊ីយ៉ូទិក: (តាមវេជ្ជបញ្ជា) ក្នុងករណីមានការឆ្លងមេរោគបាក់តេរីស្រួចស្រាវ។
ការវះកាត់យក Tonsils ចេញ (Tonsillectomy): គឺជាដំណោះស្រាយចុងក្រោយសម្រាប់ករណីដែល ឧស្សាហ៍កើតឡើងវិញ រំខានដល់គុណភាពជីវិត។
V. ដំបូន្មានសំខាន់ដែលមិនអាចរំលងបាន!
ពិគ្រោះជាមួយគ្រូពេទ្យឯកទេស: ប្រសិនបើរោគសញ្ញានៅតែបន្តកើតមាន ឬកាន់តែអាក្រក់ទៅៗ សូមទៅជួបគ្រូពេទ្យឯកទេស ត្រចៀក ច្រមុះ បំពង់ក (ENT) ជាបន្ទាន់។
កុំឆ្គឹះខ្លួនឯង: ជៀសវាងការប្រើប្រាស់ឧបករណ៍ដកយកកម្ទេចកម្ទីដោយដៃជ្រុល ពីលើ Tonsils ព្រោះវាអាចបណ្តាលឲ្យរលាក ឬឆ្លងមេរោគកាន់តែធ្ងន់ធ្ងរ។
កុំបណ្តោយឲ្យក្លិនមាត់ និងការឈឺចាប់រំខានដល់ជីវិតប្រចាំថ្ងៃរបស់អ្នក! ទទួលការព្យាបាលទាន់ពេលវេលាដើម្បីសុខភាពមាត់ធ្មេញ និងបំពង់ករបស់អ្នក!
(ប្រភព៖ មន្ទីរពេទ្យមិត្តភាពខ្មែរ-សូវៀត)
ចែករំលែកព័តមាននេះ