ក្រសួងការបរទេសអាមេរិក បានបង្ហាញជំហររបស់ខ្លួនក្នុងការជួយដោះស្រាយបញ្ហាព្រំដែនកម្ពុជា និងថៃ តាមរយៈតួនាទីជាអ្នកសម្របសម្រួល ។ នេះបើយោងតាមសេចក្តីប្រកាសព័ត៌មានរបស់ ល៩ក Tommy Pigott អ្នកនាំពាក្យរងរបស់ក្រសួងការបរទេសអាមរិក…
ក្រសួងការបរទេសអាមេរិក បានបង្ហាញជំហររបស់ខ្លួនក្នុងការជួយដោះស្រាយបញ្ហាព្រំដែនកម្ពុជា និងថៃ តាមរយៈតួនាទីជាអ្នកសម្របសម្រួល ។ នេះបើយោងតាមសេចក្តីប្រកាសព័ត៌មានរបស់ ល៩ក Tommy Pigott អ្នកនាំពាក្យរងរបស់ក្រសួងការបរទេសអាមរិក កាលពីថ្ងៃទី១៨ ខែតុលា ។
លោក និយាយថា សហរដ្ឋអាមេរិកសម្តែងការពេញចិត្តចំពោះម៉ាឡេស៊ីដែលបានធ្វើជាម្ចាស់ផ្ទះនៃកិច្ចប្រជុំប្រកបដោយផលិតភាពជាមួយប្រទេសថៃ និងកម្ពុជា កាលពីថ្ងៃទី១៧ ខែតុលា ។
ភាគីទាំងពីរបានអះអាង ជាថ្មីនូវការប្តេជ្ញាចិត្តរបស់ពួកគេ ក្នុងការចាត់វិធានការកសាងទំនុកចិត្ត ដើម្បីកាត់បន្ថយភាពតានតឹង នៅតាមព្រំដែនរួមគ្នារបស់ពួកគេ ។
លោកបាននិយាយបន្ថែមទៀតថា នេះ គឺជាជំហានដ៏សំខាន់មួយឆ្ពោះទៅរកការស្ដារទំនុកចិត្តរវាងអ្នកជិតខាងសហរដ្ឋអាមេរិកនឹងបន្តដើរតួនាទី ដ៏មានអត្ថន័យក្នុងការសម្របសម្រួលកិច្ចសន្ទនា ខណៈភាគីទាំងពីរធ្វើការជាមួយគ្នា ដើម្បីជំរុញសន្តិភាពដ៏ស្ថិតស្ថេរ ។
ជាផ្នែកនៃកិច្ចខិតខំប្រឹងប្រែងនោះសហរដ្ឋអាមេរិកទន្ទឹងរង់ចាំកិច្ចប្រជុំគណៈកម្មាធិការព្រំដែនទូទៅប្រកបដោយការស្ថាបនារវាងប្រទេសថៃ និងកម្ពុជា ៕
ចែករំលែកព័តមាននេះ