ពេជ្រ វត្តីសារ៉ាវឌ្ឍី វាយបកជនជាតិថៃដែលប្តឹងនាង
- ភ្នំពេញ
រាជធានីភ្នំពេញ ៖ តារាសម្តែងពេជ្រ វត្តីសារ៉ាវឌ្ឍី បានបញ្ជាក់ពីរឿងម្ចាស់ផលិតផលជនជាតិសៀម ដែលប្ដឹងរូបនាង ។ តើរឿងហេតុយ៉ាងណាខ្លះ ? កាលពីពេលថ្មីៗកន្លងមក…
រាជធានីភ្នំពេញ ៖ តារាសម្តែងពេជ្រ វត្តីសារ៉ាវឌ្ឍី បានបញ្ជាក់ពីរឿងម្ចាស់ផលិតផលជនជាតិសៀម ដែលប្ដឹងរូបនាង ។ តើរឿងហេតុយ៉ាងណាខ្លះ ?
កាលពីពេលថ្មីៗកន្លងមក ពេជ្រ វត្តីសារ៉ាវឌ្ឍី លើកឡើងតាមបញណ្ដាញសង្គមថា «ក្នុងបណ្តឹងនោះភាគីថៃបានសរសេរថា ខាងនាងខ្ញុំគេចវេះអត់ព្រមប្រគល់អ៊ីវ៉ាន់ទៅឱ្យភាគីខាងថៃនោះវិញក្នុងពេលឥឡូវហ្នឹង។
នាងខ្ញុំសុំច្រានចោលការចោទប្រកាន់ទាំងស្រុងដោយភាគីខាងលើមិនបានចូលអានសារដែលនិយាយព្រមព្រៀងគ្នា រួចបែរជាចេញលិខិតដោយអត្តនោម័តដោយខ្លួនឯង គ្មានការយល់ព្រមតាមកិច្ចព្រមព្រៀងដែលបាននិយាយដោយផ្ទាល់រវាងភាគីទាំងសងខាង ៖
ទី១ក្នុងការនិយាយតាំងពីការចាប់ផ្តើមដំបូងនៃការសហការbusiness មួយនេះគឺភាគីខាងថៃនិយាយថាគាត់នឹងរ៉ាប់រងលើការចំណាយ cover 100% លើការផលិតដោយនាងខ្ញុំឈរឈ្មោះជាម្ចាស់ផលិតផល និងទទួលប្រាក់ចំណេញពីការលក់ ប៉ុន្តែនៅពេលដែលផលិតផលពិតជាក់ស្តែងយកមកគុណភាពមិនល្អដូចអ្វីដែលបានពិភាក្សាគ្នា ទើបមិនមានការចេញលក់ ហើយដើម្បីកុំឱ្យភាគីថៃខាតតែឯងក៏នាងខ្ញុំចេញ៥០% ស្មើនឹងម្ចាស់ភាគហ៊ុនម្នាក់ពាក់កណ្តាលមានសិទ្ធិលើផលិតផលស្មើគ្នា ។
ទី២គាត់បាននិយាយថាបានឱ្យគេទាក់ទងមកទទួលផលិតផលវិញតាំងពីឆ្នាំមុនមកម្ល៉េះហើយគាត់ថានាងខ្ញុំគេចវេះអត់ព្រមចូលមើលនិងបញ្ជូនអីវ៉ាន់ទៅវិញ ប៉ុន្តែជាក់ស្តែងអត់មានក្រុមហ៊ុនដឹកជញ្ជូនណាមួយមកទាក់ទងមកនាងខ្ញុំដើម្បីដឹកយកទៅវិញពីទីតាំងនាងខ្ញុំទៅប្រទេសថៃវិញនោះទេ គាត់និយាយបែបនេះគឺខុសពីការពិតប្រាសចាកពីសេចក្តីពិតទៀងត្រង់ មុសា ។
ទី៣រឿងនេះគាត់ទើបតែឆាតមកនាងខ្ញុំដូចក្នុងឆាតខាងក្រោមនេះ គឺនៅថ្ងៃទី៣០ ខែសីហាម៉ោង១២ថ្ងៃត្រង់ទៅហើយគាត់និយាយថាត្រូវតែដឹកមកឱ្យគាត់ក្នុងរយៈពេលមួយថ្ងៃនេះជាដាច់ខាតទៅដល់ឈៀងម៉ៃទាល់តែបាន ប៉ុន្តែក្រែងគាត់ដឹងហើយថាបញ្ហារវាងប្រទេសទាំង២យ៉ាងម៉េចខ្លះ ម្តេចគាត់ទើបតែមករករឿងក្រោយបញ្ហាជម្លោះកម្ពុជា និងថៃ ដោយគាត់ដឹងហើយថាព្រំដែនមានការរឹតបន្តឹងមិនអាចដឹកចេញចូលដូចមុនទេ ។ នាងខ្ញុំក៏បានឱ្យគាត់រ៉ាប់រងលើការដឹកជញ្ជូនដោយខ្លួនឯងមធ្យោបាយណាក៏បាន ឱ្យតែដឹកពីប្រទេសកម្ពុជាទៅប្រទេសថៃដោយខ្លួនឯង តែប្រសិនបើគាត់ចង់ឱ្យនាងខ្ញុំដឹកលុះត្រាតែព្រំដែនបើកដំណើរការជាធម្មតាវិញនាងខ្ញុំរីករាយបញ្ជូនទៅឱ្យអស់ពីចិត្ត ប៉ុន្តែគាត់មិនឆ្លើយតប និងអត់ចូលមើលសារ ហើយរកលេស ដដែលៗថានាងខ្ញុំមិនព្រមបញ្ជូនអីវ៉ាន់ទៅឱ្យគាត់វិញ ។
ទី៤កុំនិយាយពាក្យ ដដែលៗថានាងខ្ញុំមិនចង់ឲ្យអីវ៉ាន់ ឬកិបកេងអីវ៉ាន់នោះ កុំនិយាយប្រាសចាកសេចក្តីថ្លៃថ្នូរ និងសភាវគតិរបស់មនុស្សដូចនាងខ្ញុំនិយាយប្រាប់គាត់ ដដែលៗហើយ តែមើលទៅនិយាយគោ គាត់តបមកវិញជាក្របី បើចង់បានអីវ៉ាន់គឺរកមធ្យោបាយមកដឹកខ្លួនឯងមក នាងខ្ញុំសុំបញ្ជាក់មិនបានយកអីវ៉ាន់នោះជាកម្មសិទ្ធិឯកជនផ្ទាល់ខ្លួន ឬលក់សូម្បី១ដបនោះឡើយ គឺដោយសារតែគុណភាពអីវ៉ាន់គឺអន់ខ្លាំង អាចប៉ះពាល់ដល់ប្រជាជនខ្ញុំនៅពេលដែលប្រើប្រាស់ ។
បើទោះបីជាឱ្យនាងខ្ញុំយកទៅលក់ក្នុងតម្លៃថោកណាមួយ ក៏នាងខ្ញុំមិនក្បត់ឧត្តមគតិខ្លួនប្រាសចាកពីសីលធម៌នោះឡើយ ហើយជាទំនួលខុសត្រូវ នាងខ្ញុំបានជួយចេញខាត៥០%ពាក់កណ្តាលក្នុងនាមជាម្ចាស់ភាគហ៊ុនផងដែរ។ ដូច្នេះហើយសុំជ្រាប ចង់បានអីវ៉ាន់ គឺមកដឹកដោយខ្លួនឯងមក នាងខ្ញុំរីករាយក្នុងការបញ្ជូនទៅវិញនូវរបស់គុណភាពអន់បែបនេះ មិនឱ្យបាត់នោះឡើយ ។
បញ្ជាក់រឿងមួយនេះគឺរវាងតែភាគីកម្ពុជាគឺនាងខ្ញុំ និងភាគីថៃPitchy ២នាក់ប៉ុណ្ណោះ គ្មានការចូលរួមពីអ៊ំចាស់កៃ ឬតាណាវ៉ាត់ និងក្រុមហ៊ុនរបស់គាត់ទេ គាត់គ្មានសិទ្ធិលូកដៃរឿងរបស់អ្នកដទៃឡើយ ពីព្រោះថាជារឿងតែភាគី២នាក់ប៉ុណ្ណោះ តែហេតុតែគាត់ជាមនុស្សចូលចិត្តចេះដឹងរឿងគេ មនុស្សមិនចូលចិត្តសន្សំសុខ ដូច្នេះហើយទាន់ឱកាសមានគាត់ចង់ល្បីកាន់តែខ្លាំងល្បីដោយសារគេជេរទើបគាត់លក់ដាច់បានcontent ប្រម៉ូតផលិតផលក្នុងប្រទេសគាត់ Live ក្នុងTik Tok» ៕
ចែករំលែកព័តមាននេះ