រាជធានីភ្នំពេញ ៖ តំណាងអចិន្ត្រៃយ៍កម្ពុជា បានជួបផ្ទាល់ជាមួយអគ្គលេខាធិការអង្កការប្រជាជាតិ ដោយបានរាយការណ៍ និងសម្តែងក្តីបារម្ភយ៉ាងខ្លាំងចំពោះការទង្វើបង្កហេតុថ្មីៗរបស់ថៃ មកលើកម្ពុជា ជាពិសេស ការដាក់លួសបន្លាថ្មីៗនេះ ដោយកាត់យកភូមិ…
រាជធានីភ្នំពេញ ៖ តំណាងអចិន្ត្រៃយ៍កម្ពុជា បានជួបផ្ទាល់ជាមួយអគ្គលេខាធិការអង្កការប្រជាជាតិ ដោយបានរាយការណ៍ និងសម្តែងក្តីបារម្ភយ៉ាងខ្លាំងចំពោះការទង្វើបង្កហេតុថ្មីៗរបស់ថៃ មកលើកម្ពុជា ជាពិសេស ការដាក់លួសបន្លាថ្មីៗនេះ ដោយកាត់យកភូមិ បណ្តេញប្រជាជនកម្ពុជាពីផ្ទះសម្បែងរបស់ខ្លួន នេះបើតាមអ្នកនាំពាក្យក្រសួងក្រសួងបរទេស និងសហប្រតិបត្តិការអន្តរជាតិកម្ពុជា។
ថ្លែងក្នុងសន្នីសីទសារព័ត៌មាន នារសៀលថ្ងៃទី២៩ ខែសីហា ឆ្នាំ២០២៥ ឯកឧត្តម ជុំសន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិ បានបានឲ្យដឹងថា នៅថ្ងៃទី២៧ ខែសីហា ឆ្នាំ២០២៥ ឯកឧត្តម កែវ ឈា ឯកអគ្គរាជទូត និងជាតំណាងអចិន្ត្រៃយ៍កម្ពុជា ប្រចាំនៅអង្គការសហប្រជាជាតិ(អ.ស.ប.) បានជួបពិភាក្សាការងារជាមួយនិងឯកឧត្តម António Guterres អគ្គលេខាធិការ អង្កការសហប្រជាជាតិ(អ.ស.ប.) ជម្រាបជូនអំពីបច្ចុប្បន្នភាព នៃជម្លោះព្រំដែនកម្ពុជា-ថៃ ដោយបានគូសបញ្ជាក់ថា កម្ពុជា តែងតែគោរពបទឈប់បាញ់ដែលបានព្រម ព្រៀងរវាងភាគីទាំងពីរ និងមានភាពអត់ធ្មត់ខ្ពស់បំផុត នៅចំពោះអំពើនៅតែបន្តរំលោភបទឈប់បាញ់ ដោយទាហានថៃ ។
ឯកឧត្តម បានសម្តែងក្តីបារម្ភយ៉ាងខ្លាំង ចំពោះការទង្វើបង្កហេតុថ្មីៗរបស់ថៃ ជាពិសេស ការដាក់លួសបន្លាថ្មីៗនេះដោយកាត់យកភូមិ បណ្តេញប្រជាជនកម្ពុជាពីផ្ទះសម្បែងរបស់ខ្លួន ដែលរស់នៅយូរមកហើយ និងបំផ្លាញផ្ទះសម្បែងរបស់គាត់ជាដើម ។
ឯកឧត្តម ក៏បន្ថែមថា កម្ពុជាមិនបានប្រើប្រាស់មីនថ្មីៗ ដូចការចោទប្រកាន់ដោយភាគីថៃនោះទេ។ មីននៅកម្ពុជា គឺជាមីនចាស់ដែលសល់ពីសង្គ្រាមស៊ីវិលនៅកម្ពុជា ហើយកម្ពុជា ក៏បានពន្យល់ទៅស្ថាប័ន អ.ស.ប. ពាក់ព័ន្ធរួចហើយដែរ ។
បើតាមឲ្យដឹងថា ពីអ្នកនាំពាក្យក្រសួងការបទេសបានឲ្យដឹងថា នៅក្នុងឱកាសនោះដែរ តំណាងអចិន្ត្រៃយ៍កម្ពុជា ក៏បានប្រគល់រូបថត នៃការដាក់រាយបន្លាលួសរបស់ទាហានថៃ កាត់ភូមិអ្នក ស្រុកកម្ពុជា និងរូបថតពន្យល់ពីមីនចាស់ និងមីនថ្មី ដែលធ្វើ ដោយ CMAC ៕
ចែករំលែកព័តមាននេះ