រាជធានីភ្នំពេញ ៖ មេបញ្ជាការយោធភូមិភាគទី៤កម្ពុជា ឧត្តមសេនីយ៍ឯក ពៅ ហេង នឹងជួបប្រជុំជាមួយមេបញ្ជាការយោធភូមិភាគទី២ថៃ ប៊ុនស៊ីន ផាតក្លាង ក្នុងកិច្ចប្រជុំវិសាមញ្ញគណៈកម្មការព្រំដែនថ្នាក់យោធភូមិភាគ…
រាជធានីភ្នំពេញ ៖ មេបញ្ជាការយោធភូមិភាគទី៤កម្ពុជា ឧត្តមសេនីយ៍ឯក ពៅ ហេង នឹងជួបប្រជុំជាមួយមេបញ្ជាការយោធភូមិភាគទី២ថៃ ប៊ុនស៊ីន ផាតក្លាង ក្នុងកិច្ចប្រជុំវិសាមញ្ញគណៈកម្មការព្រំដែនថ្នាក់យោធភូមិភាគ កម្ពុជា-ថៃ (RBC) ដែលនឹងរៀបចំឡើងនៅថ្ងៃទី២៧ សីហានេះ នៅច្រកអន្តរជាតិជាំ-សាង៉ាំ ក្នុងស្រុកអន្លង់វែង ខេត្តឧត្តរមានជ័យ។ នេះបើតាមអ្នកនាំពាក្យក្រសួងការ ពារជាតិ លោកជំទាវ ម៉ាលី សុជាតាអ្នកនាំពាក្យក្រសួងការពារជាតិ ឱ្យដឹងក្នុងសន្និសីទសារព័ត៌មាន នាព្រឹកថ្ងៃទី២៧ សីហា នេះ។
យ៉ាងណាក្តីភាគីកម្ពុជាបង្ហាញក្ដីសង្ឃឹមថា កិច្ចប្រជុំនេះ នឹងនាំមកនូវលទ្ធផលវិជ្ជមានបន្ថែមទៀត អនុញ្ញាតឱ្យភាគីទាំងពីរ អនុវត្តន៍បទឈប់បាញ់បានពេញលេញ និងសម្រេចបាននូវសន្តិភាព ស្ថិរភាព និងស្ដារប្រក្រតីភាពបានឆាប់រហ័ស។
សូមជម្រាបថាការប្រជុំនេះបន្ទាប់ពីភាគីកម្ពុជានិងថៃបានធ្វើការប្រជុំជាលក្ខណៈកិច្ចប្រជុំគណៈ កម្មការយោធាតាមភូមិភាគជាបន្តបន្ទាប់នាពេលកន្លងមក៕
ចែករំលែកព័តមាននេះ