ផ្អើលក្រុងបាងកក ! គ្រោះរញ្ជួយដីកម្រិត៥.៤ រិចទ័រ បានកើតឡើងនៅក្បែរឆ្នេរប្រទេសមីយ៉ាន់ម៉ា បណ្តាលឱ្យញ័ររង្គើរអគារខ្ពស់ៗមួយចំនួននៅទីក្រុងបាងកក ។ ប្រភពពីសារព័ត៌មានមតិជនរបស់ថៃ បានបញ្ជាក់ថា នៅវេលាម៉ោង១១:៤០…
ផ្អើលក្រុងបាងកក ! គ្រោះរញ្ជួយដីកម្រិត៥.៤ រិចទ័រ បានកើតឡើងនៅក្បែរឆ្នេរប្រទេសមីយ៉ាន់ម៉ា បណ្តាលឱ្យញ័ររង្គើរអគារខ្ពស់ៗមួយចំនួននៅទីក្រុងបាងកក ។
ប្រភពពីសារព័ត៌មានមតិជនរបស់ថៃ បានបញ្ជាក់ថា នៅវេលាម៉ោង១១:៤០ ព្រឹក ថ្ងៃទី២១ ខែសីហា ឆ្នាំ២០២៥ ទីតាំងមួយចំនួនក្នុងទីក្រុងបាងកក និងខេត្តមួយចំនួន មានអារម្មណ៍រំញ័ររញ្ជួយដីពីប្រទេសមីយ៉ាន់ម៉ា មន្ត្រី និងបុគ្គលិករត់គេចខ្លួន គេចពីអគារទាំងព្រលឹងចុងសក់ ។
យោងតាមផ្នែកឃ្លាំមើលការរញ្ជួយដីនៃនាយកដ្ឋានឧតុនិយមថៃ អះអាងថា គ្រោះរញ្ជួយដីបានកើតឡើងនៅក្បែរឆ្នេរភាគខាងត្បូងនៃប្រទេសមីយ៉ាន់ម៉ា ចម្ងាយប្រហែល២១១គីឡូម៉ែត្រ ភាគនិរតីនៃស្រុក Mae Sot ខេត្ត Tak ដោយមានកម្រិត ៥.៤ រិចទ័រ និងជម្រៅ ១០ គីឡូម៉ែត្រ ៕
ចែករំលែកព័តមាននេះ