រាជធានីភ្នំពេញ ៖ អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) លោក ហេង រតនា បានសរសេរនៅលើបណ្ដាញសង្គមនៅថ្ងៃទី១៤ ខែសីហា ឆ្នាំ២០២៥នេះថា…
រាជធានីភ្នំពេញ ៖ អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា (CMAC) លោក ហេង រតនា បានសរសេរនៅលើបណ្ដាញសង្គមនៅថ្ងៃទី១៤ ខែសីហា ឆ្នាំ២០២៥នេះថា ៖ «កម្លាំងជំនាញអង្គភាព CMAC បានចុះស្រាវជ្រាវដាក់ស្លាកសញ្ញា និងបោសសម្អាតបន្ទាន់ តំបន់ដែលរងផលប៉ះពាល់ដោយសារសង្គ្រាម ៥ថ្ងៃ ជាមួយសៀម! កម្លាំងជំនាញបានប្រទះឃើញគ្រាប់ផ្សែង ដែលជាប្រភេទគ្រាប់ផ្លោង ១៥៥ មីលីម៉ែត្រ មានផ្ទុកសារធាតុឆេះ និងផ្សែងពុល ប្រភេទ White Phosphorus (WP) ដែលទាហានសៀម បានបាញ់ក្នុងសង្គ្រាមនេះ។ គ្រាប់ផ្លោង ១៥៥ មីលីម៉ែត្រនេះ មានលេខ THS856105-011 155MM M825 បានប្រទះឃើញនៅតំបន់វាលស្រែ ប្រជាពលរដ្ឋ ស្ថិតនៅភូមិសាស្ត្រស្រុកបន្ទាយអំពិល ខេត្តឧត្តររមានជ័យ ។
ឆ្លៀតក្នុងឱកាសនេះ អគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា សូមអំពាវនាវដល់បងប្អូនប្រជាពលរដ្ឋសូមមេត្តាមានការប្រុងប្រយត្ន័ ជាមួយគ្រាប់មិនទាន់ផ្ទុះសំណល់សង្គ្រាម ដែលមានផ្សែងពុលនេះ ករណីជួបប្រទះសូមប្រញាប់រាយការណ៍មកកម្លាំងជំនាញ CMAC ដើម្បីចាត់វិធានការសុវត្ថិភាពជូន ៕
ចែករំលែកព័តមាននេះ