ខេត្តឧត្តរមានជ័យ​៖ កុមារ និងយុវជន ក្នុងជំរំភៀសសឹក ទទួលបានការសិក្សាតាមរយៈបណ្ណាល័យភៀសសឹកដែលរៀបចំឡើងដោយអាជ្ញាធរមានសមត្ថកិច្ចដើម្បីពង្រឹងចំណេះដឹងទោះបីស្ថិតក្នុងគ្រាលំបាកយ៉ាងណាក៏ដោយ។

យោងតាមរដ្ឋបាលខេត្តសៀមរាប បានឱ្យដឹងថា​ នៅថ្ងៃទី០៧​ ខែសីហា​ ឆ្នាំ២០២៥ នៅទីតាំងសុវត្ថិភាព​ក្នុងវត្តជ្រោយនាងងួន​ ស្រុកស្រីស្នំ​ មន្ទីរអប់រំ​ យុវជន​ និងកីឡាខេត្តឧត្តរមានជ័យ​សហការជាមួយរដ្ឋបាលខេត្ត/ស្រុកស្រីស្នំ​ បានរៀបចំបណ្ណាល័យភៀសសឹក និងចែកជូនសៀវភៅសិក្សាគោលជូនដល់សិស្សានុសិស្សតាមកម្រិតសិក្សាចាប់ពីថ្នាក់ទី១​ ដល់ថ្នាក់ទី១១ និងបានសម្របសម្រួលលោកគ្រូ​ អ្នកគ្រូ​ ដើម្បីជួយសម្របសម្រួលដឹកនាំក្មេងៗ​អានសៀវភៅ ធ្វើការអប់រំតម្រង់ទិសតាមកម្មវិធីសិក្សាផងដែរ៕