ខេត្តកណ្តាល ៖ សមត្ថកិច្ចខេត្តកណ្តាល បានចុះបង្ក្រាបការឆបោកតាមប្រព័ន្ធបច្ចេកវិទ្យា នៅក្នុងភូមិសាស្ត្រក្រុងតាខ្មៅ, ស្រុកកណ្តាលស្ទឹង និងក្រុងសំពៅពូន នៃខេត្តកណ្តាល ដោយបានបង្ក្រាបបានជនសង្ស័យជិត៥០០នាក់ ។…
ខេត្តកណ្តាល ៖ សមត្ថកិច្ចខេត្តកណ្តាល បានចុះបង្ក្រាបការឆបោកតាមប្រព័ន្ធបច្ចេកវិទ្យា នៅក្នុងភូមិសាស្ត្រក្រុងតាខ្មៅ, ស្រុកកណ្តាលស្ទឹង និងក្រុងសំពៅពូន នៃខេត្តកណ្តាល ដោយបានបង្ក្រាបបានជនសង្ស័យជិត៥០០នាក់ ។
កាលពីថ្ងៃទី១៧ ខែកក្កដា ឆ្នាំ២០២៥ សមត្ថកិច្ចបានបើកប្រតិបត្តិការបង្ក្រាបការឆបោកតាមប្រព័ន្ធបច្ចេកវិទ្យា ដោយគណៈបញ្ជាការឯកភាពខេត្តកណ្តាល ក្នុងកិច្ចសហការជាមួយសមត្ថកិច្ច និងអាជ្ញាធរពាក់ព័ន្ធក្នុងខេត្ត បានចុះត្រួតពិនិត្យរថយន្តដឹកជនបរទេស ក្រោយបានស្រាវជ្រាវ និងសង្ស័យថា មានជនបរទេសធ្វើសកម្មភាពលួចលាក់បង្កប់បទល្មើស Online Scams ។
ក្នុងប្រតិបត្តិការនេះ សមត្ថកិច្ច បានរកឃើញជនជាតិបរទេសជាជនជាតិចិន, វៀតណាម, ឥណ្ឌូណេស៊ី, ហ្វីលីពីន, ប៉ាគីស្ថាន, ឥណ្ឌា, បង់ក្លាដេស, មីយ៉ាន់ម៉ា សរុបចំនួន ៤៩១នាក់ ក្នុងនោះមានស្ត្រីចំនួន ៣៦នាក់ ។
ក្រុមសមត្ថកិច្ច ក៏បានឃាត់រថយន្តចំនួន ២៨គ្រឿង ក្នុងនោះរថយន្តកូរ៉េដឹកទំនិញ ០២គ្រឿង និងរថយន្ត ប្រភេទទេសចរណ៍ ២៦គ្រឿង (ធំ១គ្រឿង) និងដកហូតសម្ភារៈជាវត្ថុតាង ដើម្បីរក្សាទុករួមមាន ៖ ម៉ូនីទ័រ ចំនួន ៧៨ គ្រឿង, ធុងCPU ចំនួន ១០ គ្រឿង, ទូរសព្ទដៃ ចំនួន ១៧៧គ្រឿង, ដុំទប់ភ្លើង ចំនួន០២ គ្រឿង, key board ចំនួន ៤៩ គ្រឿង, ទូរទស្សន៍ ចំនួន ០១ គ្រឿង, និងសម្ភារៈសម្រាប់តភ្ជាប់ប្រពន្ធ័ផ្សេងមួយចំនួនទៀត ។
បច្ចុប្បន្ន ជនដែលត្រូវបានឃាត់ខ្លួនទាំងអស់ ត្រូវបានសម្ថកិច្ចអនុញ្ញាតឱ្យពួកគាត់ស្នាក់នៅក្នុងបរិវេណ នៃសាលប្រជុំសាលាស្រុកកណ្តាលស្ទឹង ជាបណ្តោះអាសន្នសិន ដោយមានការយាមកាមម៉ត់ចត់ ខណៈគណៈបញ្ជាការឯកភាពស្រុកកណ្តាលស្ទឹង កំពុងដំណើរការ នីតិវិធីតាមច្បាប់ជាធរមាន សមត្ថកិច្ច នឹងចាត់វិធានការតាមផ្លូវច្បាប់ឱ្យតឹងរឹងបំផុត ចំពោះមេខ្លោងទាំងឡាយ ដែលជាប់ពាក់ព័ន្ធនឹងអំពើឆបោកតាមប្រព័ន្ធបច្ចេកវិទ្យានេះ៕
ចែករំលែកព័តមាននេះ