ខេត្តបន្ទាយមានជ័យ ៖ កម្លាំងនគរបាលរកឃើញហើយក្មេងទំនើង៣នាក់ ដែលព្យាយាមទាញនិងធាក់បំបាក់បង្គោលការពារ ត្រូវបានធ្វើកិច្ចសន្យានិងណែនាំ កាលពីថ្ងៃទី១៧ ខែកក្កដា ឆ្នាំ២០២៥ ស្ថិតនៅអធិការដ្ឋាននគរបាលស្រុកថ្មពួក ។…
ខេត្តបន្ទាយមានជ័យ ៖ កម្លាំងនគរបាលរកឃើញហើយក្មេងទំនើង៣នាក់ ដែលព្យាយាមទាញនិងធាក់បំបាក់បង្គោលការពារ ត្រូវបានធ្វើកិច្ចសន្យានិងណែនាំ កាលពីថ្ងៃទី១៧ ខែកក្កដា ឆ្នាំ២០២៥ ស្ថិតនៅអធិការដ្ឋាននគរបាលស្រុកថ្មពួក ។
អធិការនគរបាលស្រុកថ្មពួកបានប្រាប់ថា កាលពីថ្ងៃទី១៥ ខែកក្កដា ឆ្នាំ២០២៥ ស្ថិតភូមិ/ឃុំគោកកឋិន ស្រុកថ្មពួក មានក្មេងទំនើង១ក្រុមដែលមាន៣នាក់ធ្វើសកម្មភាពព្យាយាមនិងធាក់បំបាក់បង្គោលការពារផ្លូវ ហើយមានអ្នកថតសកម្មភាពបង្ហាញតាមបណ្តាញសង្គមហ្វេសបុក និងTik Tok ត្រូវបានមហាជនរិៈគន់ក្មេងទំនើងទាំងនោះដែលព្យាយាមបំផ្លាញទ្រព្យសាធារណៈ។
អធិការបានបញ្ជាក់ថា ក្រោយទទួលព័ត៌មាននេះហើយ កម្លាំងអធិការដ្ឋាននគរបាលស្រុកថ្មពួក បានធ្វើការស្រាវជ្រាវ និងកំណត់អត្តសញ្ញាណឈាននាំខ្លួនក្មេងទំនើង៣នាក់ មកអធិការដ្ឋាននគរបាលស្រុកថ្មពួក ដើម្បីសាកសួរដោយពួកគេបានសារភាពថា «ខ្លួនពិតជាបានធ្វើសកម្មភាពទាញនិងធាក់បង្គោលស៊ីម៉ង់ត៍ការពារផ្លូវពិតប្រាកដមែន តែធ្វើមិនបានកាច់បំបាក់បង្គោលនោះទេ គ្រាន់ធ្វើសកម្មភាពថតបង្ហោះតាមបណ្តាញសង្គម និងTik Tok ។
អធិការនគរបាលបានបញ្ជាក់ថា ចំពោះក្មេងទំនើង៣នាក់នេះ ដែលធ្វើសកម្មភាពព្យាយាមទាញនិងធាក់បំបាក់បង្គោលថ្មការពារផ្លូវនោះ ត្រូវបាននាំយកសាកសួរហើយណែនាំនិងធ្វើកិច្ចសន្យាអោយបញ្ឈប់សកម្មភាពអ្វីដែលសង្គមស្អប់ខ្ពើម ដូចជាព្យាយាមបំផ្លាញទ្រព្យសម្បត្តិសាធា
រណៈ ។
ចែករំលែកព័តមាននេះ