ខេត្តកំពង់ឆ្នាំង ៖ លំនៅឋានសាងសង់អំពីឈើប្រក់ស័ង្កសី មានទំហំ៥ម៉ែត្រគុណ៦ម៉ែត្រ ត្រូវបានអគ្គិភ័យលេបត្របាក់គួរឱ្យខ្លាចខ្ជាក់ផ្សែងហុយខ្មួល ខ្មាញ់ទៅលើអាកាស ក្លាយជាផេះផង់ កាលពីវេលាម៉ោង១រសៀលថ្ងៃទី៨ កក្កដា ២០១១ ស្ថិតនៅភូមិថ្មី ឃុំក្រូច ស្រុកព្រៃឈរ ដែលបង្កឡើងដោយបុរស
ខេត្តកំពង់ឆ្នាំង ៖ លំនៅឋានសាងសង់អំពីឈើប្រក់ស័ង្កសី មានទំហំ៥ម៉ែត្រគុណ៦ម៉ែត្រ ត្រូវបានអគ្គិភ័យលេបត្របាក់គួរឱ្យខ្លាចខ្ជាក់ផ្សែងហុយខ្មួលខ្មាញ់ទៅលើអាកាស ក្លាយជាផេះផង់ កាលពីវេលាម៉ោង១រសៀលថ្ងៃទី៨ កក្កដា ២០១១ ស្ថិតនៅភូមិថ្មី ឃុំក្រូច ស្រុកព្រៃឈរ ដែលបង្កឡើងដោយបុរសអគតិម្នាក់ ព្រោះតែក្តៅក្រហាយសុំលុយពីប្រពន្ធចំនួន១ម៉ឺនរៀលយកទៅទិញស្រាផឹកមិនបានក៏ដុតផ្ទះនេះចោល ហើយរត់គេចខ្លួនបាត់ស្រមោលភ្លាមៗ។
ទាក់ទងនឹងហេតុការណ៍នេះត្រូវបានលោកជុំ ឈាង នាយរងប៉ុស្តិ៍រដ្ឋបាលឃុំក្រូច បានប្រាប់កោះសន្តិភាពថា មុនពេលមានគ្រោះអគ្គិភ័យកើតឡើង បុរសឈ្មោះផល ភ័ណ្ឌ អាយុ៣៥ឆ្នាំ បានចញទៅផឹកស្រានៅផ្ទះរបស់អ្នកភូមិជាមួយគ្នារហូតដល់ស្រវឹង ហើយបានដើរត្រឡប់មកផ្ទះវិញសុំលុយពីស្ត្រីជាប្រពន្ធឈ្មោះអោក សុឃីម អាយុ៣៨ឆ្នាំ ចំនួន១ម៉ឺនរៀល យកទៅទិញស្រាផឹកបន្តទៀត។ ប៉ុន្តែប្រពន្ធមិនព្រមឱ្យលុយឡើយ ទើបកើតទៅជាការឈ្លោះប្រកែកគ្នាយ៉ាងតឹងសរសៃ.ក។ ហេតុតែខឹងសុំលុយមិនព្រមឱ្យ ទើបបុរសជាប្តីបានរត់ឡើងទៅលើផ្ទះយ៉ាងប្រញាប់ យកដែកកេះបញ្ឆេះភ្លើងដុតផ្ទះឆេះហុយទ្រលោម ហើយរត់ចុះដីគេចខ្លួនបាត់តែម្តង។
បន្ទាប់មកត្រូវបានអ្នកភូមិផងរបងជាមួយបាននាំគ្នា រត់មកជួយដងទឹកជះពន្លត់ភ្លើងផងដែរ តែដោយសារជញ្ជាំងផ្ទះស្លឹកម្ខាងធ្វើឱ្យអណ្តាតភ្លើងកាន់តែមានអំណាចឆាបឆេះខ្លាំងក្លាមិន អាចជួយអន្តរាគមន៍បានឡើយ ហើយក៏គ្មាននរណាម្នាក់ចូលទៅក្បែរបានដែរ។ មិនដល់១ម៉ោងផងត្រូវអគ្គីភ័យលេបត្របាក់ផ្ទះមួយខ្នងនេះម៉ដ្ឋគ្មានសល់ តែមិនមាននរណាម្នាក់រងរបួសទេ៕
ចែករំលែកព័តមាននេះ