នៅទីបំផុត ក្រសួងវប្បធម៌ និងវិចិត្រសិល្បៈ បានសម្រេចជាថ្មី ដោយឱ្យលោកស្រី សូ សាវឿន មានសិទ្ធិគ្រប់គ្រងលើបទចម្រៀងរបស់ស្វាមីលោកស្រី គឺលោក កែវ…
នៅទីបំផុត ក្រសួងវប្បធម៌ និងវិចិត្រសិល្បៈ បានសម្រេចជាថ្មី ដោយឱ្យលោកស្រី សូ សាវឿន មានសិទ្ធិគ្រប់គ្រងលើបទចម្រៀងរបស់ស្វាមីលោកស្រី គឺលោក កែវ ឯម ចំនួន១៩បទប៉ុណ្ណោះលើសំណើចំនួន៤២បទ ។
ការសម្រេចនេះធ្វើឡើង បន្ទាប់ពីក្រសួងបានពិនិត្យប្រមូលធាតុចូល ក៏ដោយជាភស្តុតាងពីមហាជន និងតន្ត្រីករនានាលើករណីសុំសិទ្ធិគ្រប់គ្រងបទចម្រៀងពីលោកស្រី សូ សាវឿន ។
យោងតាមសេចក្តីជូនដំណឹងរបស់ក្រសួងវប្បធម៌ដែលបានចេញផ្សាយនៅថ្ងៃទី៣០ ខែមិថុនា ឆ្នាំ១០២៥ នេះ បានអោយដឹងថា ក្រសួងវប្បធម៌ និងវិចិត្រសិល្បៈ សូមជូនដំណឹងដល់សាធារណជនជ្រាបថា កន្លងទៅ ក្រសួងបានចេញសេចក្តីជូនដំណឹងលេខ០៣សជណ ចុះថ្ងៃទី២៣ ខែមករា ឆ្នាំ២០២៥ ទាក់ទងនឹងសំណើរបស់លោកស្រី សូ សាវឿន ក្នុងការស្នើសុំសិទ្ធិគ្រប់គ្រងបទចម្រៀងចំនួន៤២បទ ដែលជាស្នាដៃនិពន្ធរបស់ស្វាមីលោកស្រី គឺលោក កែវ ឯម ។
ក្រោយពីបានទទួលធាតុចូលក៏ដូចជាភស្តុតាងបន្ថែមពីសាធារណជន និងអ្នកជំនាញតូរ្យតន្ត្រី ក្រសួងបានពិនិត្យឡើងវិញ ជាលទ្ធផល គឺលទ្ធភាពដែលក្រសួងអាចអនុញ្ញាតជូន លោកស្រី សូ សាវឿន បានមានត្រឹមតែ១៩បទប៉ុណ្ណោះ លើសំណើស្នើសុំទាំងអស់ចំនួន៤២បទ ដូចមានភ្ជាប់ជូននូវបញ្ជីបទចម្រៀងក្នុងឧបសម្ព័ន្ធនៃសេចក្តីជូនដំណឹងនេះ។
ជាមួយគ្នានេះដែរ ក្រសួងវប្បធម៌និងវិចិត្រសិល្បៈរង់ចាំទទួលនូវមតិយោបល់ ឬភស្តុតាងពីសាធារណជនអ្នកជំនាញតូរ្យតន្ត្រី ឬរាល់ភាគីពាក់ព័ន្ធទាំងអស់ដែលមានបំណងជំទាស់នឹងសំណើរបស់លោកស្រី សូ សាវឿន ខាងលើនេះ គឺអាចតាមរយៈលិខិតជាលាយលក្ខណ៍អក្សរ ដោយភ្ជាប់មកជាមួយនូវភស្តុតាងរឹងមាំ រួចបញ្ជូនមកក្រសួងវប្បធម៌ និងវិចិត្រសិល្បៈ ដែលមានអាសយដ្ឋាន លេខ២២៧ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ទូរសព្ទ ០២៣ ៧២៧ ៣៤៧ និង០៧៧ ៦០៩ ៦០៦ សារអេឡិចត្រូនិច info@mcfa.gov.kh និងkangsamoeun@yahoo.com ដើម្បីក្រសួងពិនិត្យលើករណីនៃការជំទាស់សារជាថ្មី។
ក្រសួងបញ្ជាក់ថា ការដាក់ពាក្យស្នើសុំជំទាស់លើករណីនេះ មានរយៈពេល០១(មួយ)ខែ គិតចាប់ពីថ្ងៃជូនដំណឹងនេះតទៅ ។
ជាការកត់សម្គាល់បទចម្រៀងទាំង១៩បទដែលលោកស្រី សូ សាវឿន មានសិទ្ធិគ្រប់គ្រងនោះមានដូចជា ៖
ចែករំលែកព័តមាននេះ