រាជធានីភ្នំពេញ ៖ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃ នៅរាជធានីភ្នំពេញ នាថ្ងៃទី១៤ ខែមិថុនា ឆ្នាំ២០២៥នេះ…
រាជធានីភ្នំពេញ ៖ កិច្ចប្រជុំគណៈកម្មការចម្រុះខណ្ឌសីមា និងបោះបង្គោលព្រំដែនគោក (JBC) កម្ពុជា-ថៃ នៅរាជធានីភ្នំពេញ នាថ្ងៃ
ទី១៤ ខែមិថុនា ឆ្នាំ២០២៥នេះ ត្រូវបានបិទបញ្ចប់បណ្ដោះអាសន្នហើយ នៅវេលាម៉ោងជិត៤រសៀល ដោយភាគីទាំងពីរ នឹងបន្ដកិច្ចប្រជុំនាវេលាម៉ោង៩ព្រឹកស្អែកទៀត នៅថ្ងៃទី១៥ ខែមិថុនា ឆ្នាំ២០២៥ ។
កិច្ចប្រជុំនេះ ភាគីកម្ពុជា ដឹកនាំដោយឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន។ ចំណែកភាគីរដ្ឋាភិបាលថៃ តំណាងដោយលោក ប្រាសាស ប្រាសាសវិនិច្ឆ័យ (Prasas Prasasvinitchai) ទីប្រឹក្សាក្រសួងការបរទេស ទទួលបន្ទុកកិច្ចការព្រំដែន ។
សូមជម្រាបជូនថា មុនកិច្ចប្រជុំចាប់ផ្តើមភាគីកម្ពុជា-ថៃ បានរៀបចំកិច្ចប្រជុំចង្អៀតមួយ ដោយមានអ្នកចូលរួមត្រឹម១០នាក់តែប៉ុណ្ណោះ ដោយកម្ពុជាចំនួន៥នាក់ និងថៃចំនួន៥នាក់ ។ ទោះបីជាមានកិច្ចប្រជុំ រយៈច្រើនម៉ោង យ៉ាងណាក្តី ប៉ុន្តែលទ្ធផលទាក់ទងកិច្ចប្រជុំ ពុំទាន់បង្ហាញឱ្យដឹងនៅឡើយនោះទេ ៕
ចែករំលែកព័តមាននេះ