រាជធានីភ្នំពេញ ៖ ឯកអគ្គរាជទូតថៃ ប្រចាំកម្ពុជា បានថ្វាយអង្ករ ដល់ព្រះករុណាព្រះបាទសម្តេចព្រះបរមនាថ នរោត្តម សីហមុនី ដើម្បីចូលរួមដង្ហែរតាមព្រះរាជសកម្មភាពសប្បុរសធម៌របស់ទ្រង់ ចែកជូនដល់ប្រជាពលរដ្ឋទីទាល់ក្រជួបការលំបាក…
រាជធានីភ្នំពេញ ៖ ឯកអគ្គរាជទូតថៃ ប្រចាំកម្ពុជា បានថ្វាយអង្ករ ដល់ព្រះករុណាព្រះបាទសម្តេចព្រះបរមនាថ នរោត្តម សីហមុនី ដើម្បីចូលរួមដង្ហែរតាមព្រះរាជសកម្មភាពសប្បុរសធម៌របស់ទ្រង់ ចែកជូនដល់ប្រជាពលរដ្ឋទីទាល់ក្រជួបការលំបាក ។
ឯកអគ្គរាជទូតថៃ ចូលក្រាបថ្វាយបង្គុំគាល់ ដើម្បីថ្វាយអង្ករ នៅក្នុងឱកាសចម្រើនព្រះជន្ម ព្រះករុណា ព្រះបាទសម្តេច ព្រះបរមនាថ នរោត្តម សីហមុនី និងក្នុងឱកាស នៃខួបគម្រប់ ៧៥ឆ្នាំ នៃការបង្កើតទំំនាក់ទំនងការទូតរវាងកម្ពុជា-ថៃ កាលពីព្រឹកថ្ងៃទី២០ ខែឧសភា ឆ្នាំ២០២៤ កន្លងទៅនេះ ។
ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានសព្វព្រះរាជហឬទ័យ ប្រោសព្រះរាជទានឲ្យឯកឧត្តម ទុល្យ ត្រៃសូរ៉ាត់ ឯកអគ្គរាជទូតវិសាមញ្ញ និងពេញសមត្ថភាពនៃព្រះរាជាណាចក្រថៃ ប្រចាំព្រះរាជាណាចក្រកម្ពុជា និងលោកជំទាវ អមដំណើរដោយសហការីនៃស្ថានទូត ចូលក្រាបថ្វាយបង្គុំគាល់ និងថ្វាយនូវអង្ករ ដែលជាពូជស្រូវក្នុងស្រុករបស់កម្ពុជាផ្ទាល់ ចំនួន ៣ពាន់គីឡូក្រាម (៣ តោន) ដើម្បីចូលរួមដង្ហែរតាមព្រះរាជសកម្មភាពសប្បុរសធម៌របស់ទ្រង់ ចែកជូនដល់ប្រជាពលរដ្ឋទីទាល់ក្រជួបការលំបាក នៅក្នុងវរោកាស នៃព្រះរាជពិធីចម្រើនព្រះជន្ម ៧២ ឈានចូល ៧៣ ព្រះវស្សា នៃព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពស់ខ្ពស់បំផុត កាលពីថ្ងៃទី ១៤ ខែឧសភា ឆ្នាំ ២០២៥ កន្លងទៅ និងក្នុងឱកាស នៃការអបអរសាទរខួបគម្រប់ ៧៥ ឆ្នាំ នៃការបង្កើតចំណងទំនាក់ទំនងការទូតរវាងកម្ពុជា ថៃ ៕
ចែករំលែកព័តមាននេះ