ខេត្តកណ្តាល ៖ ផ្ទះប្រជាពលរដ្ឋមួយខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលខ្លាំង ដល់បងប្អូនប្រជាពលរដ្ឋ និងសមត្ថកិច្ច ក៏ដូចជារថយន្តពន្លត់អគ្គិភ័យចុះមកអន្តរាគមន៍បាញ់ពន្លត់ ។ ហេតុការណ៍នេះបានកើតឡើង…
ខេត្តកណ្តាល ៖ ផ្ទះប្រជាពលរដ្ឋមួយខ្នង ត្រូវបានអគ្គិភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលខ្លាំង ដល់បងប្អូនប្រជាពលរដ្ឋ និងសមត្ថកិច្ច ក៏ដូចជារថយន្តពន្លត់អគ្គិភ័យចុះមកអន្តរាគមន៍បាញ់ពន្លត់ ។
ហេតុការណ៍នេះបានកើតឡើង កាលពីវេលាម៉ោង៦ព្រឹក ថ្ងៃទី២០ ខែឧសភា ឆ្នាំ២០២៥ ចំណុចភូមិព្រែកថ្មី (ភូមិគំរូ) ឃុំជ័យធំ ស្រុកខ្សាច់កណ្តាល ខេត្តកណ្តាល ។
សមត្ថកិច្ចបានឲ្យដឹងថា ម្ចាស់ផ្ទះកើតហេតុមានឈ្មោះ ស្មាន់ ម៉ាត់លី ភេទ ប្រុស អាយុ៥១ឆ្នាំ ជាប្តី និងប្រពន្ធឈ្មោះ រួម សាលី អាយុ៤៩ឆ្នាំ ហើយក្នុងករណីអគ្គភ័យនេះក៏បានបណ្តាលឲ្យឆេះសម្ភារៈខូចខាតរួមមានផ្ទះ ១ខ្នងទំហំ ៦ម៉ែត្រ x ៩ម៉ែត្រ សង់ពីឈើ ប្រក់សង្ក័សី រាបឥដ្ឋពីក្រោម(ខូចខាតទងស្រុង)និងសម្ភារៈមួយចំនួន ។
ភ្លាមៗកម្លាំងផ្នែកសណ្តាប់ធ្នាប់ សហការជាមួយកម្លាំងប៉ុស្តិ៍នគរបាលរដ្ឋបាលជ័យធំ បានចុះមកអន្តរាគមន៍បាញ់ពន្លត់ឲ្យរលត់ទៅវិញ នៅវេលាម៉ោង៧និង៣០នាទី ព្រឹកថ្ងៃដដែល ដោយប្រើប្រាស់ទឹកអស់ចំនួន១ឡាន ស្មើនឹង៧ម៉ែត្រគីប ។ ចំណែកមូលហេតុសមត្ថកិច្ចបញ្ជាក់ថា បណ្តាលមកពីទុស្សេខ្សែភ្លើង ៕
ចែករំលែកព័តមាននេះ