បរទេស ៖ យោងតាមសេចក្តីជូនដំណឹងថ្មីចុងក្រោយបំផុតពីក្រសួងការងារ និងបណ្តុះបណ្តាលវជ្ជាជីវៈកម្ពុជា បានបញ្ជាក់ឱ្យដឹងថា យោងតាមសេចក្តីជូនដំណឹងពីវិទ្យាស្ថានវេជ្ជសាស្ត្រកោសល្យវិច្ច័យនៃមន្ទីរពេទ្យនគរបាលជាតិប្រទេសថៃ អំពីលទ្ធផលនៃការពិនិត្យ កោសល្យវិច្ច័យ DNA ក្រសួងបានទទួលដំណឹងថា…
បរទេស ៖ យោងតាមសេចក្តីជូនដំណឹងថ្មីចុងក្រោយបំផុតពីក្រសួងការងារ និងបណ្តុះបណ្តាលវជ្ជាជីវៈកម្ពុជា បានបញ្ជាក់ឱ្យដឹងថា យោងតាមសេចក្តីជូនដំណឹងពីវិទ្យាស្ថានវេជ្ជសាស្ត្រកោសល្យវិច្ច័យនៃមន្ទីរពេទ្យនគរបាលជាតិប្រទេសថៃ អំពីលទ្ធផលនៃការពិនិត្យ កោសល្យវិច្ច័យ DNA ក្រសួងបានទទួលដំណឹងថា លោក ផល្លា រតនា ដែលត្រូវជាកូនរបស់លោក សៅ ផល្លា និងលោកស្រី ឆាយ សោភ័ណ្ឌ បានទទួលមរណភាព ក្នុងអាយុ ២៤ឆ្នាំ ដោយគ្រោះរញ្ជួយដី នៅប្រទេសថៃ កាលពីថ្ងៃទី២៨ ខែមីនា ឆ្នាំ២០២៥ កន្លងមកនេះ ។
ក្រសួងការងារបន្តថា ក្រោយទទួលបានដំណឹងដ៏ក្រៀមក្រំនេះ ក្រសួងស្ថានឯកអគ្គរាជទូតកម្ពុជាប្រចាំប្រទេសថៃ និងអនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃ បានទទួលបន្ទុកចំណាយលើការរៀបចំបូជាស.ព និងបំពេញឯកសារនានាស្របតាមនីតិវិធីរបស់ប្រទេសថៃព្រមទាំងបន្តតាមដានចំពោះសំណងនានាដែលគ្រួសារនៃស.ពត្រូវទទួលបានពីភាគីថៃ ។
ក្រសួងការងារសង្កត់ធ្ងន់ថា ចាប់តាំងពីថ្ងៃកើតមានគ្រោះរញ្ជួយដីនៅប្រទេសថៃ ក្រសួង ស្ថានឯកអគ្គរាជទូតកម្ពុជាប្រចាំប្រទេសថៃ និងអនុព័ន្ធការងារអមស្ថានឯកអគ្គរាជទូតកម្ពុជាប្រចាំប្រទេសថៃបានសហការជាមួយអាជ្ញាធរមានសមត្ថកិច្ចថៃ និងសហគមន៍ខ្មែរនៅប្រទេសថៃ ដើម្បីកំណត់អត្តសញ្ញាណពលករដែលបាត់ខ្លួន និងបានផ្តល់ការគាំពារទាន់ពេលវេលាដល់ក្រុមគ្រួសារបងប្អូនពលករខ្មែរដែលបានទទួលមរណភាព និងរងរបួសដោយសារគ្រោះមហន្តរាយ ធម្មជាតិនេះ ។
គួរកត់សម្គាល់ថា ប្រតិបត្តិការស្វែងរកអ្នកបាត់ខ្លួនក្នុងឧបទ្ទវហេតុបាក់រលំអគារការិយាល័យសវនកម្មជាតិថៃ ដែលកំពុងសាងសង់នៅសង្កាត់ Chatuchak ក្រុងបាងកក រាប់ចាប់ពីថ្ងៃទី២៨ ខែមីនា មកទល់នឹងថ្ងទី១៨ ខែមេសា បានបន្តអស់រយៈពេល២០ថ្ងៃហើយ ដោយគិតត្រឹមម៉ោង១០ព្រឹក ថ្ងៃសុក្រទី១៨ មេសា ស.ព២បន្ថែមទៀត ត្រូវបានរកឃើញ ហើយភ្លាមៗត្រូវបានបញ្ជូនទៅធ្វើកោសល្យវិច្ច័យ ។
ការបន្តរកឃើញសា.កស.ពថ្មី ដែលធ្វើឱ្យរបាយការណ៍អ្នកស្លា.ប់កើនឡើងដល់ស្លា.ប់៤២នាក់ របួស៩នាក់ និង៥០នាក់បន្តបាត់ខ្លួន ។ ពាក់ព័ន្ធនឹងសំណងដែលនឹងត្រូវផ្តល់ជូនជនរងគ្រោះនៃសោកនាដកម្មដួលរលំអគារការិយាល័យសវនកម្មជាតិនេះ លោកឧបនាយករដ្ឋមន្ត្រីAnutin Charnvirakul រដ្ឋមន្ត្រីក្រសួងមហាផ្ទៃ បានប្រកាសក្នុងឱកាសអញ្ជើញចូលរួមក្នុងពិធីប្រគល់ថវិកាសង្គ្រោះបន្ទាន់ (គ្រោះរញ្ជួយដី) ដល់ជនរងគ្រោះ នៅថ្ងៃទី១៨ ខែមេសានេះថា ក្រសួងមហាផ្ទៃផ្តល់សំណងដល់អ្នករបួស រហូតដល់ពិការ និងបាត់បង់សមត្ថភាពធ្វើការងារចិញ្ចឹមជីវិត ដោយជំនួយដំបូង គឺម្នាក់១០ម៉ឺនបាត ហើយចំពោះអ្នកស្លា.ប់ម្នាក់ គ្រួសារនឹងទទួលបានសំណងថ្លៃបុណ្យស.ពចំនួន១០ម៉ឺនបាត ។
ពាក់ព័ន្ធនឹងរឿងពុករលួយស៊ីសំណូក ដែលនាំឱ្យអគារការិយាល័យសវនកម្មជាតិសាង់សង់ដោយគ្មានគុណភាព បណ្តាលឱ្យដួលរលំ នាវេលាម៉ោង១០ព្រឹក ថ្ងៃទី១៨ ខែមេសា ឆ្នាំ២០២៥ នៅវិមានរដ្ឋាភិបាល លោកស្រី Paethongtarn Shinawatra នាយករដ្ឋមន្ត្រី បានបើកកិច្ចប្រជុំជាមួយឧត្តមសេនីយ៍កំពូលៗ និងស្ថាប័នជំនាញ ដើម្បីពន្លឿនវឌ្ឍនភាពនៃការស៊ើបអង្កេត និងចេញដីកាចាប់ខ្លួនអ្នកដែលពាក់ព័ន្ធដែលទទួលខុសត្រូវលើរឿងនេះ ។
លោកស្រី Paethongtarn បានប្រកាសថា រឿងនេះពិតជារឿងដែលមិនអាចពន្យារពេលបាន ។ យើងត្រូវតែស្វែងរកភស្តុតាង និងហេតុផលឱ្យបានពេញលេញ ដើម្បីឲ្យយើងមានព័ត៌មាន ដើម្បីទទួលខុសត្រូវចំពោះជីវិតដែលបានបាត់បង់ ៕
ចែករំលែកព័តមាននេះ